بكلمة عمري والعمر فاني .. انت غير الناس عندي ولَك غلا ثاني

10

العصر ف بيت ابو طلال ... ام طلال وابوطلال طالعين .. ومريم ف غرفتها قاعده تتكلم فالتلفون ومستغله فرصة انه محد فالبيت

مريم: اسمعني زين اباك تنهيها .. ان شاء الله لو تذبحها

....: حاظر بسوي الي تبينه ... بس شو تبيني اسوي

مريم: الحين انت تشتغل عندها طول النهار يعني تعرف وين تروح وما ادري شو

...: هيه بس انتي تعرفين انها الوحيده الي شغلتني عندها رغم ظروفي

مريم بعصبيه : اسمعني عاد مهروه اباك تنهيها يعني تنهيها ولك مني الي تبا

...: انزين شو تبيني اسوي؟

مريم : اسمع....

........................................

ف المستشفى كانوا قاعدين عند ناصر الي كان بس يسمع حوارهم وعقله ف مكان ثاني

شوق بحماس: حمدان بقولك شيء

حمدان: قولي الله يستر بس

شوق: ابا افتح صالون ف العين

حمدان باهتمام: حلو بس لازم تحصلين وحده تكون مسؤولة على الصالون .. لانج مستحيل تروحين كل يوم الصالون

شوق : حصلت وحده ... هي من العين ومسكينه يعني حالتها الماديه مب لين هناك وقلت اساعدها

حمدان : هي الفكره حلوه بس كيف بتشتغل هني .. وغير جذي وين بتحصلين مكان عشان تفتحين فيه الصالون

شوق: هي خبرتني انه في صالون صاحبته ما تباه يعني تبا تبيعه مع معداته لاسباب شخصيه ومكان الصالون استراتيجي

حمدان: حلو والله .. بس كم سعر الصالون وشو المطلوب مني

شوق: سعره حلو يعني مقدور عليه بس المطلوب منك انك تقنع الجهات الخارجية وركز على امي ها هذي اهم وحده

فهد: ههههههههههههه... انتي وياه وايد تحلمون ... اسمعي ماشي لا صالون ولا خرابيط ... يوم بتتزوجين افتحي صوالين مب صالون واحد بس

شوق: انت شو يخصك خلك ف حالك وبس .. بفتح الصالون وبتشوف

فهد: اوك بتشوفين اذا ما عبيت راس امي كذب ما بيكون اسمي فهد

شوق بخوف: اييييييييييه شو انت والله تقهر .. حمدان شوفه يعني ليش ما تخلون الواحد يحقق احلامه

حمدان: ما عليج منه انا بكلمها وبيقتنعون ان شاءالله

فهد لف على ناصر : نصور شو فيك ما اتسوولف

ناصر : اتصلوا على مهره خلوها اتي ابا اكلمها فشيء

حمدان: شو تبا ف مهره

ناصر: ابا اسألها عن شيء لازم تي المستشفى و بسرعه بعد

حمدان: شوق اتصلي فيها وخليها تي وتيب منصور وقوليلها حمدان قال