بكلمة عمري والعمر فاني .. انت غير الناس عندي ولَك غلا ثاني

23

المغرب الكل رد بيته ومحد تم عند مهره غير شوق بس ردت مع فهد عشان تاخذلها ملابس يديده.. اما عند مهره ف لين الحين راقده شوي واتبطل الباب وحست بحد واقف عندها ومقرب ويهه من ويهها بطلت مهره عيونها واتيبست ف مكانها من الي قدامها
مهره: بسم الله الرحمن الرحيم ... شو اتسوين هني
العنود: ولا شيء بس يايه اكمل الي سويته
مهره: وانتي تفكرين نفسج عايشه ف غابه .. انتي تعرفين اني اقدر ارفع عليج قضيه وكل الادله معاي حتى شهود موجودين
العنود: اسمعيني يا حلوه .. هذا الكلام كله ما ينفع معاي .. صدقيني ما بدخل السجن الا اذا قتلتج
مهره: قولي الي عندج وخلصيني
العنود: حلو بديتي تستوعبين كلامي .. شوفي انا ما ابا منج وايد اشياء .. هو بس طلب واحد .. اووووه اقصد امررر .. اباج تطلقين من حمدان قبل لا يصير عرسكم
مهره: لا مستحيل ... الا حمدان يالعنود ما اقدر .. ما اقدر أعيش من دون قلبي
العنود قربت من مهره بعصبيه : نفذي أوامري ولا ترا صدق بقتلج .. لا تخليني أسويها
مهره: قتلج الا حمدان اطلبي اي شيء .. بس شيء يخص حمدان لا ومليون لا حتى
العنود وهي تخنق مهره: انتي شكلج تبين تموتين بس ما تعرفين كيف صح .. خلاص انا اليوم بريحج
قعدت مهره تقاومها وتحاول تبطل أيدها من على رقبتها والعنود كل شوي اتصارخ عليها ... لين يت ايد ودزتها عن مهره
شوق: مينونه انتي .. كل هذا بس عشان حمدان
العنود: لاني احبه .. هو المفروض يكون لي انا بس هذي خذته مني
شوق: لا مب صح كلامج .. حمدان ومهره يحبون بعض من لما كانوا صغار .. بس ولا واحد فيهم بيّن هذا الشيء لين قرر حمدان انه يخطبها
العنود: جذب ... كلكم جذابين حمدان كان يباني انا .. كان يحبني ويعشقني اناااا مب هذي
شوق : العنود اطلعي برا .. اطلعي لا ازقر الأمن أيون ويسحبونج برا شرات العنز
العنود : بطلع .. بس تراني بطلع من المستشفى مب من حياتكم
طلعت العنود وشوق راحت تزقر الدكتوره عشان مهره لانه اغمى عليها واتصلت ف ابوها اتخبره السالفه
..................................
ف بيت اليد
كل عاده قوم طلال عنده وخليفه واخوانه بعد عنده .. كانوا قاعدين يسولفون ومستانسين على اجواء اللمه
اليد: الا بنت عمكم مهره شحالها .. عسى بس تحسنت حالتها
ساره: لا الحمدلله يدي .. حالتها تحسنت وايد بعد
اليد: ما قالوا متى بيطلعونها
ساره : اعتقد باجر .. اليوم بيسولها الفحوصات وباجر بيقولون اذا بتطلع ولا لا
اليد: الله يشفيها يا رب ... ها البنت طول حياتها وهي تتعذب حتى وهي ياهل كانوا يعذبونها
طلال: لا تخاف يدي دام حمدان الحين معاها ان شاء الله ما بيصير فيها شيء
اليده: وين ما بيصير فيها شيء .. هذا بس ملج عليها والبنت ف المستشفى كيف لو عرسوا
سلوى: بس يدوه طيحة مهره بالمستشفى ما كان سببها حمدان .. بنت خالته هيه الي تهجمت عليها وكل حد يعرف ها الشيء
اليده: وانتي لازم لسانج طويل .. وبعدين يوم الكبار يتكلمون الصغار يسكتون شوفي اخوج جاسم كيف ساكت وما اتكلم ما تقدرين انتي بعد تسكتين مثله بعد
سلوى : لا ما ..
قاطعها خليفه: سللللللللللوى ... عيييييب احترمي الأكبر عنج كم مره اعلمج انا
اليده بابتسامة خبث: ويييييييه فديتك يا ولدي .. لو انت ماخذ مهره جان الحين كل شيء بخير
خليفه: يدوووه البنت نصيبها مع حمدان مب معاي انا .. وبعدين انا ما اشوف مهره غير اختي
اليد: ودائماً شوفها مثل اختك .. لا اتشوفها شيء ثاني
ساره: يدي شخبار المزرعة الحين من زمان ما كلمتنا عنها
اليد: المزرعة عدلتها اكثر الحين .. اتغيرت وايد
طلال: شرايك انسوي رحله يوم الجمعه بدال لا نتجمع هني نتجمع ف المزرعة
اليد: والله حلوه الفكره .. بس خلوا أهل ريل مهره بعد أيون
ساره: خلاص انا بكلم خالو ميره وبقوللها
جاسم: بس يدي اذا بنسير المزرعه لازم نطلع من الصبح صح؟؟
اليد: هيه لازم لانها بعيده المزرعه .. وجهزوا ملابسكم بعد .. بنقعد هناك يومين
سلوى: لا يدي خله أسبوع احسن ما ورانا شيء
اليده : انت ما وراج شيء غيرج وراه
اليد: دام بنتي تبا أسبوع بنقعد أسبوع كله ولا سلوى
سلوى: تسلم يدي الله يحفظك لنا ويطول من عمرك يارب
الكل: اميييين
.........................
عند حمدان .. كان ف مهمه مداهمة بيت ف وسط شعبيه قديمه وتقريبا نص أهالي الشعبيه مب موجودين يمكن بس في عائلة او اثنين بس
حمدان وهو عند الباب: هذا بيت شكله مكسور كيف انداهمه
الشرطي1: يالنا اكثر عن بلاغ بهذا المكان عن شخص يدخل هني باستمرار وكل مره يدخل ومعاه بنت
حمدان: لا حول لله .. انزين أبا ثلاث أيون معاي والبقيه حاصروا المكان اذا حاول يشرد .. وابا اثنين يكونون ف السياره فحال اذا ما قدرنا نمسكه يكون في حد يلحقه بسياره
الكل: حاضر سيدي
دخلوا حمدان والي معاه بحركه بطيئة عشان ما يحس فيهم ويشرد .. فجأة سمعوا صوت صرخة بنت .. ركض حمدان وربعه لمكان الصوت وشافوا بنت صغيره والريال معاها وكان ناوي(.....)🤭🤭 الريال اول ما شاف حمدان وربعه داخلين شرد على طول لحقه حمدان ومسكه بسهوله والريال كان يضرب حمدان وحمدان نفس الشيء .. دخلوا هو وحمدان بضرابه .. لين يا واحد من الشراطي وطلق على ريل الريال وهو طاح وكلبجوه وركبوه السياره .. اما البنت خذوها وركبوها وودوها مركز الشرطه عشان يحققون معاها
..............................