بكلمة عمري والعمر فاني .. انت غير الناس عندي ولَك غلا ثاني

31

حمدان: أسف .. والله العظيم مب قصدي .. اصلاً انعميت يوم شفت صورج.. فبالي يت مليون فكره وفكره .. وكل هذا بس لاني احبج وأغار عليج والله العظيم
مهره: تدري حمدان يمكن الشيء الي ما تعرفه عني هو اني مستحيل أقتنع بكلامك هذا .. لان ما في حب ولا غيره يسون الي انت سويت .. ولا في واحد يحب ويغار على زوجته يقول اذا ما تربيتي ف بيت اهلج انا بربيج عدل
حمدان: كانت لحظة غضب .. كنت معصب ما كنت واعي للي قلته
مهره: بتبقى انت الغلطان .. وعمري ما بنسى الي صار امس لانك صدق جرحتني .. واباك تعرف شيء.. ترا اذا كرهتك احلم اني ارجع لك ومستحيل أرد احبك
................................
ف بيت ام سلطان تحديدا قسم سلطان ونوف
نوف: ميروووه يلا قومي بسج رقاد
ميره: بعده فيني شوية رقاد
نوف: قومي اقولج ولا ترا بتنضربين
ميره: قومي فيصل وبعدين انا بقوم
نوف: فصول قام ونزل تحت عند يدووه
ميره: خلاص اوك انت انزلي وانا بعدين بقوم
نوف: بتقومين ولا اخبر ابوج
ميره:......
نوف: انزين انزين .. اصبري شوي
طلعت نوف ودخلت غرفتها شافت سلطان يالس على الفون
نوف: سلطان تعال شوف بنتك
سلطان: شفيها
نوف: ما تبا تقوم .. قوم شوف شغلك انا تعبت
سلطان: دقيقه بس خليني أرد
نوف: انت اتكلم منو فهالوقت
سلطان: أكلم مهووور .. تبا تطلع من عند حمدان اتقول طفرت
نوف: ليش رد ضربها؟؟
سلطان: ما اعرف .. شكلها ما تدري عن نفسها تكتب وهي معصبه او اتصيح .. تقول كلام مب مفهوم
نوف: بتخبر عموه عن موضوعها مع حمدان ؟؟
سلطان: طبعاً لا .. انا ما يخصني .. مهره اذا تبا اتقول لها بتتكلم
يت ميره ركض وحظنت ابوها وحطت راسها على كتفه
سلطان: يا أهلاً وسهلاً صباح الورد
ميره: بابا ابا انام
سلطان: بسج رقاد .. الحين عموه مهره بتي عندنا
ميره :صددددددق!!!! ... ماما عيل ابا البس ملابس حلوه
نوف: انزين قومي اتسبحي عشان تتلبسين
................................
ف نفس البيت لكن تحت فالصاله .. كانت ام سلطان قاعده اتسولف مع فهد و منصور وفيصل كان قاعد معاهم
ام سلطان: كيف الدوام معاك الحين ؟؟
فهد: والله الحمدلله ماشي اموره
ام سلطان : الحمدلله .. يلا عاد نبا نشوفك معرس
فهد: هههههههههههههه عندج عروس انا حاظر
ام سلطان: تبا الصدق هو في بس ما ادريبك اذا بتعبيك العروس ولا لا
منصور: انا بعد عندي
فهد: ما شاء الله العائلة كلها تباني اتزوج ههههههههه
منصور: والله ان البنت اتعق الطير من السما .. انا عن نفسي ما احب البنات او قعدتهم وغيره بس هذي بالذات اعتبرها  نفس مهوور .. تبا الصراحة لو انا اكبر عنها جان خذيتها
ام سلطان فرت عليه قوطي كلينكس: قليل الأدب .. باقي بس توصف له البنت مثل اختي ها يا منصور .. تباني اخبر مهور ها؟؟
منصور: لا والله خلاص أسف .. لا تخبرينها بعدين بتسوي تفتيش ف غرفتي
ام سلطان: يبالك تفتيش انت .. المهم منو البنت الي تقصدها
فهد ومنصور: ههههههههههههههههههههههههههههههه
منصور: توج معصبه عليّ ههه .. المهم البنت ربيعة مهور روضه
ام سلطان: قول والله ... نفس البنت الي كانت ف بالي .. ها شو رايك فهد
فهد: ها ... والله ما ادري .. قولوا حق مهره اول وبعدين قرروا
منصور: تراك بتأخذ ربيعة مهور مب مهور .. ليش ناخذ رايها
ام سلطان فرته بقلاص البلاستيك: انت اليوم لسانك متبري منك صح؟؟.. شو ها الكلام الي تقوله بعد تأدب احسن لك
منصور: ان شاء الله ان شاء الله
فهد: ههههههههههههههههههههههههههههههه
..................................
نقدم الأحداث
الظهر .. طلعت من الدوام وعلى طول على بيت امها .. وكان الكل مجتمعين على الغدا ..
مهره: السلام عليكم
الكل: وعليكم السلام
يت ميره ركض عندها: عمووووووووه مهرووووو
مهره: يا هلا .. فديت الي تشبهني والله .. اشحالج
ميره: بخير
مهره: تغديتوا ولا بعدكم
ميره: توهم حاطين الغدا ( وهمست لها.. وفي ورق عنب بعد)
مهره: حلللللللفييييي!!!
ميره: والله
سلطان: انزين ما بتسلمين علينا بعد .. ترا عندنا حسنات والله العظيم
مهره وهي أتسلم على سلطان: ههههههههههه .. اشحالك
سلطان: بخير دامج بخير .. انتي شحالج
مهره: الحمدلله .. منصور come stay ؟؟
منصور: انا لا اتحدث الا باللغة ألعربيه لو سمحتي
مهره: خف علينا يا أستاذ مصطفى .. اقولك اشحالك
منصور: بخير الحمدلله وانتِ كيف حالكِ؟
مهره: ههههههه الحمدلله
وسلمت على نوف وفهد وفيصل وراحت المطبخ عند امها وسلمت عليها وتمت حاضنتنها
ام سلطان وهي تمسح على راس مهره: شفيج يا بنتي ؟؟
مهره: ولا شيء بس اشتقت لج .. اشتقت لريحتج يا جنتي
ام سلطان: مهور انا اعرفج زين اذا تضايقتي . قوليلي صاير معاج شيء خسرتي قضيه ولا متضاربة مع حد ولا متضايقه من حد
مهره: ما شيء .. خلصتي لاني ميته يوع؟؟
ام سلطان: هيه خلصت ودي السلطه هذي برع .. بغسل ايدي وبي
........................
ف بيت ابو حمدان كانوا كلهم مجتمعين على الغدا .. شوي دخل حمدان
حمدان: السلام عليكم
الكل: وعليكم السلام
ام حمدان: حمدان .. حرمتك وينها؟؟
حمدان باستغراب : ليش هي ما يت عندكم
ام حمدان: اصلاً ما يت البيت .. وأخوك فهد بعد ما اعرف وينه
ابوحمدان: فهد راح بيت اختي ميره .. قال بيتغدا عندها
حمدان اتصل مرتين على مهره وما ردت عليه طرشلها على الواتس وما ردت .. اتصل ف اخوه فهد عشان يتأكد اذا مهره عندهم ولا بس حتى فهد ما رد عليه
ام حمدان:ردت عليك؟؟
حمدان: لا
ام حمدان: وانت الحين ما تعرف حرمتك وينها
حمدان: يعني يمه انا شدراني ما ادري وين
ابو حمدان: مستحيل مهره تروح مكان وما تقولك الا اذا كنت مسويلها شيء صح
حمدان: متضاربين بس
ابو حمدان: وانتو كله متضاربين .. بس خلاص تراكم كبار شو خليتوا حق فهد وشوق
حمدان: يبه صار سوء تفاهم لا اكثر ولا اقل
ابوحمدان: والسوء التفاهم هذا ينحل ف نفس الليله .. مب يتم يومين ثلاثه ترا مب زين
حمدان: ان شاء الله
ناصر: احم أسف على المداخلة .. لكن ابي الكريم مب كأنك انشغلت بمشكلة حمدان وسحبت على الغدا .. أتمنى انك تأكل عشان نأكل نحن تعبت ترا وانا اترياكم تخلصون الحوار
الكل: هههههههههههههههههههههههههههههههه
ابوحمدان: ههههه والله يا ناصر انك حلاوة القعده .. انا لو قعدت مكان وانت مب موجود فيه ما يعيبني لازم ناصر يكون من بينا ولا ما ارتاح ولا استانس
ناصر: ههههههههه يبه لا تمدحني بعدين بنقتل شوف شوق كيف اتطالع بسم الله اتقول اثيوبيه
الكل: ههههههههههههههههههههههه
شوق: اقوووووول كل وانت ساكت احسن لك لا تنضرب الحين
ناصر: ان شاء الله ههههههههههه بس لا تطالعيني جذي ههههههههههه
.............................
نقدم الأحداث .. المغرب كان حمدان يتصل ف مهره لكنها ما ترد عليه .. اخر شيء ركب سيارته وراح لبيت ام سلطان ... بعد ربع ساعه وصل بيت ام سلطان ودخل الصاله لانهم كلهم كانوا متجمعين هناك الا مهره وهو استغرب من هالشيء 
ام سلطان: شفيك حمدان .. احسك تعبان اليوم
حمدان: ما فيني شي .. بس يمكن لاني مب راقد العصر
ام سلطان: ابوي حمدان ترا مهره فوق ف غرفتها .. روح لها
حمدان: ان شاء الله
راح حمدان غرفة مهره ودق الباب ودخل .. شاف مهره ملتفه على نفسها ( يعني راقده رقدت الجنين ) من البرد .. راح وسكر المكيف وقعد عند مهره
حمدان وهو يمسح على راس مهره: مهره .. مهره .. مهوور
مهره: همممم
حمدان: مهوووور حبيبي قومي يلا
مهره: منصور اطلع برا
حمدان: الحين انا صوتي صوت منصور .. قومي انا حمدان
فزت مهره بسرعه ولفت عليه: حمداااااان!!! ... شو تبا ياي هني
حمدان: شو شو ابا .. قومي يلا
ردت مهره وتلحفت: راسي مصدع ما اقدر اقعد حتى
حمدان: مهور ابا اكلمج ممكن ولا ؟!
مهره : يعني شو تبا اتقول .. خلاص قلت الي عندك هذاك اليوم ولا في بعد شيء ما قلته ولا نسيت تقوله
حمدان مسك ويه مهره: لا .. بس في شيء كان لازم أقوله لج من زمان .. اسمعيني الله يخليج لو مره بس
مهره: اوك .. بس قبل بغسل ويهي وبصلي بعدين بسمع الي عندك
حمدان: خذي راحتج
راحت مهره توضت وغيره وبعدين طلعت عشان اتصلي المغرب .. صلت وخلصت قعدت تستغفر وتدعي بعدين قامت .. لفت على حمدان شافته واقف ويطالعها .. وعلى ويهه مرسومه علامات الندم والتعب والشوق فنفس الوقت قعدت تتأمله شوي وقطع عليها حظن حمدان .. حظنها وكأنه بيفقد شيء او انه بيضيع ومسكه عشان ما يضيع عشان يحافظ عليه .. حست مهره ان في شيء غريب .. حطت أيدها على ظهر حمدان وهمست
مهره: حمدان
حمدان: أسف .. والله العظيم اني ندمان اني مديت ايدي عليج .. مهره انا ما اق...
ارتخت ايد حمدان وبدأ شوي شوي ينزل .. كان بيطيح بس اتداركت مهره الموقف ومسكته رغم انه اثقل وأطول عنها لكن قدرت انها تمسكه
مهره : حمدان شفيك !!!!😳😳
حمدان: راسي ... مهره .. را..
واغمى عليه.. سدحته مهره على الكنب لانه كان اقرب شيء لحمدان .. وما تقدر توديه لين الشبرية .. ونزلت تحت بسرعه تزقر اخوها سلطان
مهره وهي اتصيح :سللللطااااااااااااااان .. سللللطاااااااااااااااااااان .. سلللللطااااااااااااااااااااااااااااااااااان

قام سلطان وهو خايف عليها : شفيج مهره ليش اتصيحين
مهره: سلطان حمدان .. حمدان ما اعرف اشفيه طاح
ركض سلطان وسهيل الي كان توه ياي وأم سلطان  ونوف ومنصور بعد ... راحت مهره المطبخ يابت ماي وراحت غرفتها .. عطت سلطان الماي .. خذ سلطان الماي وقعد يرشه على حمدان لكن ما في فايده .. خذ سهيل عطر وعطاه حق سلطان .. رشه سلطان شوي ... ورد رش مره ثانيه .. شوي وفتح عيونه حمدان ببطئ
سلطان: حمدان تسمعني .. انت بخير
سهيل: حمدان انت بخير
حمدان: ر.. اااااا .. سسسسيييي
ام سلطان: نوف روحي ايبي جهاز الضغط ف غرفتي .. يمكن الضغط عنده نازل او شيء
راحت نوف ويابت جهاز الضغط والسكر .. خذاه سهيل وقاس له الضغط والسكر وطلع نازل 
سهيل: الضغط نازل والسكر نفس الشيء
سلطان: اكيد مب مأكل شيء من الصبح
ام سلطان: خلاص انا بسويله اكل
نوف: لا عموه انتي ارتاحي انا بسويله
سلطان: سهيل ساعدني بحطه على الشبرية عشان يرتاح اكثر
سلطان وسهيل وقفوا حمدان ومشوه لين الفراش وسدحوه وبعدين كلهم طلعوا .. راحت مهره وقَعَدت عنده ومسكت ايده
مهره : حمدان
حمدان: هممم
مهره حطت راسها على صدر حمدان وقَعَدت اتصيح بدون صوت .. لين سمعت دق الباب .. ودخلت الخدامه  ومعاها الاكل .. خذته مهره وقَعَدت عند حمدان .. حاولت معاه عشان يأكل لكنه رفض .. ورقد على طول .. تمت مهره قاعده عنده وغطت الاكل عشان اذا قام يأكل
.
.
.
.
.
.
.
.
.