عند خليفه دخل عليها الغرفه وشافها منسدحة راح عندها وحط أيده على رأسها شافها مسخنة راح ياب مال حراره وطلعت درجتها 40
خليفه بخوف : سلوى قومي بوديج المستشفى
سلوى وويها احمر من الحمى : ما اقدر امشي احس بطيح
قام خليفه ولبسها عبايتها وبعدين وداها الطوارئ .. عطوها أبره عشان تنزل الحرارة و ركبولها مغذي وهي نامت ... قعد خليفه عندها وخبر جاسم عشان ما يدورهم
.......................
كانوا يالسين ف صاله ومندمجين بالسوالف .. والكبار طلعوا عشان ياخذون أغراض حق الغدا .. وطلال وساره بعدهم ما ردوا
مهره: شوف هذي الرسمه حلوه
حمدان : اوك
مهره : اممم ... وهذي الي فيها صورتك
حمدان بصدمه: متأكده انج بتعلميني كيف ارسمها
مهره: لا انا برسمك انته خلك على الاشياء البسيطة
حمدان: اوك.. بس عندي رسمه احلى عن هذي ... شوفي ها
مهره: هيه هاي حلوه ما شاء الله ... خلاص حط هاي الرسمه
فهد: شو رأيكم اليوم انسوي movie night
شوق: لا شو رأيكم بدال هذا انسويها ليلة الذكريات .. انا يبت الألبوم مالنا يوم كنا صغار ... مهور يبتي مالج
مهره: هيه يبته عندي فالشنطة
سهيل: انزين كيف بنشوفه
مهره: عادي نقعد دائرة وانشوف
سلطان: حلوه الفكره
حمدان: انا عن نفسي عادي عندي .. ما عندي فضايح الصراحه
مهره: اتحدا اذا ما عندك .. اصلاً مستحيل
قطع عليهم سوالفهم دخول وحده وقالت بكل دلع : هاااي
الكل لف عليها.. نوف وهي توقف: عنود
عنود بدلع ماصخ: هي .. اشحالج نوفا شوفيج ما عرفتيني .. متغيره صح
نوف: ها .. هيه ههه .. محلوه ما شاء الله
عنود سلمت عليهم كلهم من بعيد وراحت عند حمدان الي كان مركز ف الاب هو ومهره
عنود بمياعه: هاي حمداني .. شحالك
حمدان وهو يرفع راسه : هلا بخير
عنود بابتسامه : شو ما شفت ايدي سلم على الأقل
حمدان: ايديني وصخه ما اقدر اسلم
عنود: لا عادي .. شوفيها يعني
مهره مدت أيدها وسلمت عليها: اعتبريه هو سلم عليج
عنود: ومنو انتي؟؟
مهره: الشيخة مهره بنت سعيد ال...
عنود : اوووه انتي المحاميه
مهره: هيه نعم انا
عنود: اوك لو سمحتي ممكن تقومين ... مكاني
مهره : نعم .. توج يايه اي مكانج
عنود وهي تنزل رأسها لمهره: حبيبتي اي مكان عند حمداني هذا يعني مكاني .. لانه ريلي المستقبلي اذا ما تعرفين
مهره بدلع: والله فديتج اذا ما تدرين .. اني انا اذا قعدت مكان ما أقوم منه .. روحي شوفي مكان ثاني
عنود : حمدان شوفها خلها تقوم
حمدان: خلاص عنود قعدي مكان ثاني الحين قاعد اشتغل معاها انا
عنود: اوك وترا بس عشانك
شوق تهمس لفهد : شوف مهوور كيف اتطالع عنود
فهد بهمس: وليش جي اتطالعها
شوق: يالغبي هي الي حمدان يحبها وشكلها هي بعد تحبه
فهد وهو يصارخ : كذابه !!! ... حلفييييي
الكل لف عليه .. سهيل : شوعندكم انتو اليوم
أنت تقرأ
بكلمة عمري والعمر فاني .. انت غير الناس عندي ولَك غلا ثاني
عاطفيةالروايه من وحي الخيال لكن بعض احداث الرواية مقتبسه من الواقع
