بكلمة عمري والعمر فاني .. انت غير الناس عندي ولَك غلا ثاني

8

بعد اربع ايام ( يوم الاربعاء ) .. المكان: مدرسة الاولاد

كانوا منصور وشلته يتمشون رايحين صوب ناصر الي لحد الحين ما طلع من الصف

منصور : تتوقعون ليش نصور ما طلع لين الحين

حمود: ما ادري بس شكله مشغول مع المشروع

منصور: هههههههه منو مشغول نصور لا ما اعتقد

حمد: تخيلوا الاستاذ معاقبنه ههههههههههههه

جاسم: ههههههههههه اييه خلاص بسكم عن المصخره

منصور : خلاص خلاص وصلنا ... اسكتوا شوي

دخل منصور الصف بهدوء وشاف ناصر مكتف ايدينه ويطالع برا بسرحان

شافوه الاولاد وضحكوا بصوت عالي الا منصور كان يطالعه بتركيز ... لف ناصر ويوم شاف منصور يطالعه بتركيز لف بسرعه يطالع برع بدون ما يقول شيء

حمد يغني بمصخره : راح الزين ومارد راح الغالي أبو الطيبة .....فدوه يازمن فدوة يابخت واحد منكم يجيبه ... را..

قاطعه حمود : بس بس انته ويا ها الصوت اف

حمد : تتمنى صوتي ها

جاسم: نصور يلا تعال بنطلع نتمشى شوي

ناصر : روحوا انتو انا مب ياي معاكم ابا اتم بروحي شوي

حمد رد يغني مره الثانية و البقيه يطبلون الا منصور : تدري الحب شسوى بيه... مشاني على ايديه.... تعبني روحه وجيه يووووووه

حمود: دخيلك اسكت شو ها الصوت الخايس اف .. الله يلوع جبدك جنك عنز فيه بلاعيم

الكل الا ناصر: ههههههههههههههاااااااااااااييييييي

حمد: نصور تعال والا هذيل ما بيسكتون

ناصر: قتلكم روحوا وخلوني بروحي خلاص!!

جاسم: شو انتم بروحك تعال يلا اطلع بسرعه شو حركات البنات هذي

ناصر بعصبيه وهو يلف عليه: خلاص قتلك روح انته وربعك وخلني انا بروحي مب لازم اي معاكم اففف

منصور وهو يتجدم لين عنده : ن...

قاطعه ناصر: منصور لا تتجدم واطلع برا انته وربعك

منصور بهدوء : شفيك ؟؟

ناصر: خلاااااص ما فيني شيء اطلع برا لا تخلني اعصب اكثر

حمد بسخريه : كل ها وبعدك ما عصبت

ناصر فر الطاولة الي قدامه وطلع يمشي بسرعه من الصف

منصور طلع وراه : ناصر نصور اوقف .. جسوم روح شنطته يب دواه واذا ما حصلت شوف ف شنطتي

راح جاسم يدور دواه ومنصور وربعه قعدو يلحقون ناصر الي تم يركض بكل قوته ... شوي ومسكه منصور