بكلمة عمري والعمر فاني .. انت غير الناس عندي ولَك غلا ثاني

29

بعد مرور ثمان شهور
ساره وطلال: سارة ربت ويابت بنت سمتها هند وعمر مستانس بأخته وما يفارقها
نوف وسلطان: عايشين حياتهم عادي مع عيالهم
فهد: بعده ما خبر حد عن موضوع بناته دايماً يأجل الموضوع ويحاول يخلي مهره تنسى
سهيل: حياته مثل ما هي ما تغير فيها شيء من الدوام للبيت ومن البيت للدوام
حمدان ومهره: بعد عرسهم سافروا .. وحمدان خلص دورته ف شهرين وقعدوا شهر زياده وردوا وكملوا حياتهم طبيعي مبنيه على الحب والدلع والثقه اهم شيء
مريم والعنود: بعدهم يخططون ضد مهره ولين الحين ما نفذوا شيء من الي قالوه ينتظرون الوقت المناسب
والباقي: مثل ما هم ما تغير فيهم شيء
::::::::::::::::::::::::::::::::::::::::::
قسم حمدان ( ساكنين ف بيت بو حمدان لكن ف قسم خارجي )
مهره: حمدان .. حمدان .. حمدان يلا قوم وراك دوام
حمدان وهو يتقلب: ما اريد أداوم الحين .. بعد نص ساعه بقوم
مهره: حمدان قوم روح دوامك .. يلا الساعه تسع الحين
حمدان فز من مكانه : مستحيييييييييييل!!
وقام وبسرعة دخل الحمام ياخذله شور ... ومهره راحت اتجهز الريوق .. رتبت الطاوله وشوي ولا تسمع صوت شيء يتكسر .. راحت عند حمدان وكانت يايه تبا تدخل
حمدان أشر لها: انتبهي لا تتعورين .. في زجاج مكسور
مهره: حمدان شو ها لا تقول عطري
حمدان: للأسف هذا عطرج .. ما انتبهت والله
مهره: انزين تعال تريق
حمدان: لا ما شيء وقت اتريق ... الساعه تسع الحين
مهره: تعال تريق الساعه ست الحين
حمدان على طول لف على الساعه
مهره: هههههههههههههههه خلاص حمدان تعال .. هههههه بلاك جي اتطالع الساعه
حمدان: بسامحج اليوم .. لكن يويلج مني المره الثانيه
مهره: كل يوم اتقول نفس الكلام .. يلا عشان ما تتأخر
.................................
بيت ام سلطان .. كانت ام سلطان ف غرفتها والبقيه كلهم راقدين عدا سلطان الي راح دوامه .. فجأة دخل منصور
ام سلطان: منصور ... شفيك ليش ناش بهالوقت
راح منصور عند امه وحط راسه بحظنها : حلمت بأبوي
ام سلطان : الله يرحمه ويغمد روحه الجنه
منصور: كان يقولي "سامح سلطان ماله ذنب " .. وكل ما قتله شيء يردد بجملة "سامح سلطان ماله ذنب "
ام سلطان: اسمع كلامه وسامحه انتو اخوان وما يصير كل واحد بطريج
منصور: ما اقدر .. كل ما أفكر انه هو السبب ف موت ابوي يزيد حقدي وكرهي له
ام سلطان: بس هو ماله دخل بموته .. قضاء وقدر
منصور: بس شو اتفسرين قربه من ابوي ف اخر أيامه
ام سلطان: ما كنت ابا اقولك ها الموضوع بس لازم تفهم .. أبوك ف اخر أيامه كان يتعالج من الخبيث .. ف كان سلطان هو الوحيد الي واقف مع ابوك ويساعده لأنكم انتو كنتوا صغار .. وكان ابوك دايماً يوصي سلطان عليكم .. سافروا برا عشان ابوك يتعالج بس الله كان كاتب انه يموت .. ومات وهو بحظن اخوك .. تعرف شو يعني ها الكلام .. اذا انته زعلان وتعاني ومتألم من وفاته سلطان اكثر منك يتألم .. لان ابوه مات وهو بين أيديه وهو يقول وصاياه الاخيره .. وهو ينطق ب " اشهد ان لا اله الا الله واشهد ان محمد رسول الله "
........................................
عند مريم
مريم: اسمعني اليوم تروح وتعطي الظرف حق ريلها
غانم: ان شاء الله
مريم: وإذا ضبطت الخطة اليوم طلعه عشانك بس
غانم: اوووب اووووب اذا جذي عيل سكري الحين عشان الحق عليه
مريم :ًهههههههههههههه باي
.....................................
بيت ابو حمدان
كانت ام حمدان تتكلم بالفون مع اختها ام العنود
ام العنود: انزين فاطمة بغيت اخبرج انتي وعيالج معزومين عندي على العشا اليوم .. والعروس بعد
ام حمدان: شو المناسبه
ام العنود: والله ما شيء بس ابا اشوف المعاريس من زمان ما شفتهم وبعدين العنود قالتلي اعزمكم عندنا من متى ما شفنا بعض
ام حمدان: ان شاء الله ما طلبتي شيء ... خل يوصلون العيال وبخبرهم
ام العنود: خلاص اترياكم عيل اليوم
ام حمدان: بسكر عنج عاد بروح اشوف شو سوا على الغدا
ام العنود: سلمي على عيالج
ام حمدان: يوصل .. وسلمي على العنود ها
ام العنود: ان شاء الله
................................
نقدم الأحداث
الظهر ف بيت ابو حمدان كانوا كلهم مجتمعين على الغدا الا حمدان ومهره
ابوحمدان: وين حمدان ومهره حد يروح يزقرهم يمكن ما يعرفون ان حاطين الغدا
ام حمدان: لا يعرفون وانا خبرت مهره قبل لا تروح بيتها بس اكيد قايله حق حمدان ابا اتغدا من برا
ابوحمدان: استغفر الله العلي العظيم .. وليش مب ولدج الي يقول ها الكلام
ام حمدان: ما يبالها شيء لانه يحب طباخي ويحب يوم يأكل يكون مجابلني
ناصر: ههههههههههههههههه .. والله يا امايه ما ادري من وين تيبين ها الكلام اصلاً حمدان يعرف انه الغدا الخدم مسوينه .. ومرات ما يتغدا عندنا يأكل من المطعم وهذا قبل لا يتزوج حتى ههههههههههههههه
ام حمدان: جب جب كم مره اقولك يوم انا وأبوك نتكلم ما ترز ويهك ها
ناصر: أسف
شوي ودخلوا حمدان ومهره : السلام عليكم
الكل: عليكم السلام
ام حمدان : ليش تأخرتوا ان شاء الله
حمدان: أسف بس كنت اتسبح وتأخرنا شوي
ام حمدان: وليش مب منشفه شعره تبينه يمرض بهالبرد
ابو حمدان: خلاص يا حرمه خلينا نتغدا على راحتنا شفيج على البنت
ام حمدان: اليوم معزومين عند اختي ام العنود... كلكم عشان محد يقول ما سمعت
الكل: ان شاء الله
شوق: انا بروح عند نوف ما اقدر اي معاكم
فهد : وانا عندي شغل اليوم ما اقدر
ام حمدان: وليش ان شاء الله ما تقدر وانتي الثانيه ما شيء روحه عند نوف اقعدي مكانج
ابوحمدان: خلاص بسكم .. شوق وفهد روحواعند خالتكم وبعدين روحوا المكان الي تبونه فكونا من الصدعه
شوي ولا يرن فون مهره .. شافت المتصل وسكرته .. رد اتصل مرتين وسكرته
ام حمدان : ليش ما تردين على الفون
مهره: مب مهم
ام حمدان: ليش منو متصل بها الوقت
مهره : منصور اخوي
ام حمدان : ردي عليه عيل ليش ما تردين ولا...
قاطعها حمدان: يماااا
ام حمدان: وانت ليش قاعد جذي ما تتكلم تق...
حمدان: خلاص يما ماله داعي هالكلام الحين
ام حمدان : خروف وبتم طول عمرك خروف
قام حمدان وسحب مهره معاه وطلعوا برا رايحين قسمهم
دخل حمدان القسم ودز مهره على اليدار
حمدان: ليش شاله معاج الفون لازم نسمع كل يوم نفس الكلام
مهره: والله ما كنت منتبهه ان الفون ف ايدي
حمدان: ثاني مره انتبهي ما ابا اسمع نفس الموال كل يوم
مهره: ان شاء الله
دخل حمدان الغرفه وحط راسه عشان يرقد أما مهره اتصلت ف منصور
مهره: هلا منصور بغيت شيء
منصور: اليوم امايه خبرتني كل شيء عن ابوي
مهره: الله يرحمه
منصور: ليش ما خبرتيني من البدايه ليش خليتيني أقاطع سلطان كل ها المده
مهره: هو طلب مني اني ما اخبرك عشان ما تنهار
منصور: كيف أقوله أسف .. والله احس اني مستحي منه
مهره: منصور دوس على نفسك شوي وقوله.. تغديت ؟؟
منصور: لا الحين بنزل
مهره: اعتذر منه قبل لا تاكل
منصور: ان شاء الله ادعيلي
مهره: ربي يوفقك ويبعد عنك الحرام ويزقك السعاده وين ما كنت
منصور: امين يا رب العالمين يلا بخليج الحين
مهره: باي
................................
بيت ام سلطان اول ما سكر من مهره نزل تحت وشافهم كلهم متجمعين راح عند سلطان وباس راسه
منصور: أسف
سلطان: منصور .. شفيك ليش تتأسف
منصور: قالتلي امايه عن سالفة ابوي وانا والله مستحي منك على كنت اسوي معاك .. والله ما كنت ادري
سلطان وهو يحظن اخوه: ماله داعي تتأسف انت ولدي قبل لا اتصير اخوي
ام سلطان: الله يحفظكم يا رب
.....................................
بعد صلاة المغرب ف بيت ابوحمدان كانوا كلهم يتجهزون عشان العزيمة ... خلصوا وطلعوا متوجهين بيت ام العنود .. وصلوا وضيفتهم ام العنود .. الريايل راحوا الميلس والحريم قعدوا فالصاله
ام العنود: ما شاء الله تبارك الرحمن .. حلوه عروستنا والله حمدان يعرف يختار
مهره بخجل: تسلمين عيونج الحلوه
ام العنود: العنود ضيفي عروستنا
العنود وهي اتطالع مهره بخبث: ان شاء الله ... قهوة ولا جاي
مهره: مشكورة بس ماي
ام العنود: ما يصير ما اتجربين قهوتي . صبيلها قهوه خل اتذوقها
العنود صبت حق مهره القهوة ويت تبا تعطيها اياه وصبته عليها
مهره : ااااااااااااااا. ما قدرت تصرخ اكثر عن جذي لانه مب بيتهم بس حطت أيدها على حلجها وتمت تتناقز ف مكانها
العنود: اووووه أسفه ما كان قصدي
ام العنود : شو ما اتشوفين انتي زين جذي حرقتني البنيه
العنود: ترا ما شفتها
ام حمدان: ما فيها شيء الحين بتروح اتغسله شوق وديها
راحت شوق ومهره الحمام الي كان شوي بعيد عن الصاله وأول ما دخلوا
مهره وهي ادمع: اييييي يحرق يحرق .. كأنه ماي مغلي وصابتنه عليّ مب قهوه
شوق: ادري فيها العنود .. خليني ازقر حمدان عشان يوديج العياده
مهره: ماله داعي .. خلاص الحين بحطه تحت ماي بارد
شوق : تعرفين انه مب زين
مهره وهي تُمسح دموعها: عادي اهم شيء يخف الحرق
...................................
ف بيت ابوحمدان ..
غانم: وصلت البيت بس كيف اعرف اي واحد بيتهم
مريم: في بيت كبير صح
غانم: هيه وفي قدّامه ملحق ورا فله
مريم: الفله هي بيتهم .. روح حط الظرف ف مكان يقدرون يشوفونه
غانم: وإذا يا حد وشل الظرف
مريم: محد بي البيت كله طالع اليوم انته روح بسرعه وأركب سيارتك
راح غانم ونفذ طلب مريم وبعدها طلع من البيت بسرعه وركب سيارته وروح
........................
عند ام العنود طبعاً كلهم تعشوا وشبعوا وحلو .. ودخلوا داخل عند الحريم لانهم خلاص بيروحون ومهره كل شوي أتحاول تغطي أيدها عشان حمدان ما ينتبه
العنود: بروح ايب لي عصير حد يبي معاي
الكل: مشكورة
العنود بدلع: حمدان ما تبا ايبلك عصير معاي
حمدان: لا مشكورة
العنود: ههههه ترا عصير مانجا الي تحبه
حمدان: ما ابا مشكورة
العنود: اممممم اوك على راحتك .. عن اذنكم
دقايق وردت العنود ومعاها كوب عصير وكوب اسبريسو حق حمدان
العنود وهي أتقدم الكوفي حق حمدان: تفضل .. دامك ما تبا عصير اكيد بتشرب الاسبريسو
خذه عنها الكوب وحطه على الطاوله: شكراً
مهره تهمس حق حمدان: ابا أرد البيت تعبت
حمدان: امايه قاعده اتسولف اذا طلعنا بتقعد تتكلم الحين
مهره: يعني لازم اتحمل القعدة هذي مع ام السعف والليف
حمدان: هههههههههههههههههه بس خلاص فضحتينا
العنود: حمداني .. اووه سوري اقصد حمدان ما شربت الكوفي عاد مسوتلك اياه خاص حقك انته بس
حمدان: شكراً .. بس الحين عاد لازم نترخص باجر عندنا شغل ودوامات
ام العنود : وين يا ولدي خلك قاعد شوي
حمدان: والله انا ودي اقعد معاج لين الفجر حتى بس باجر عليّ دوام ورمايه فوق ها كله
ام العنود: الله يحفظكم .. عاد دير بالك على بنتنا
حمدان: ف عيوني
شوق: حمدان بي معاكم
حمدان: يلا عيل قومي
سلموا على الكل وطلعوا
.
.
.
.
.
.