بكلمة عمري والعمر فاني .. انت غير الناس عندي ولَك غلا ثاني

17

بيت ابو حمدان

ام حمدان بعصبيه : قتلك اني مب موافقه على زواج حمدان من مهره

ابوحمدان : انا خطبت البنت وحددنا الملجه ما اقدر ارفض الحين .. الا اذا مهره رفضت

ام حمدان: وبنت اختي العنود .. شو اقول حق اختي لما بيوصلها الخبر ولا البنت الي تموت ف حمدان شاقوللها ؟؟

ابوحمدان: اسمعي عاد بنت اخوي ما اريدها تروح عند الغريب او حتى عند عيال عمها لانج عارفه حالتها صح ولا

ام حمدان: ولاني عارفه حالتها ما اباها تتزوج حمدان .. هذي مينونه وتبا ولدي يتزوجها باجر عادي تقتله ترا

ابوحمدان: شو تقتله وين عايشين نحن ... وبعدين هي مب مينونه كم مره اقولج هذا الشيء

ام حمدان وهي تطلع برا : انا كلامي مب معاك خل ولدي يوصل وانا بكلمه

........................................

عند قوم طلال .. كانوا مجتمعين فالصاله ويسولفون وعمر قاعد يلعب بالعابه

سلوى: ساره شو بتلبسين باجر حق اليَمعه

ساره: ما ادري والله بعدني ما اخترت

سلوى: لبسي هذاك الازرق والابيض الي نفسي

ساره: خلاص اوك

طلال: قوم مهره ردوا ولا بعدهم

ساره: لا بعدهم ليش تسأل

طلال: ما شيء بس لان الشباب بيردون ف نبا نتيمع وجي

سلوى: اعتقد اليوم عندهم زواره

ساره: هيه هم كل خميس قوم مهره يروحون هناك او هم ايون عندهم

طلال: وانتي متى موعدج

ساره: ما ادري بعدهم ما طرشوا مسج

سلوى: انا بروح ارتاح شوي دخت من متى ناشهه

طلال: بعدج تتعبين من قلبج

ساره: لا خف بس اذا انفعلت او شيء يعورني

طلال: الله يكون ف عونج .. عاد انتي لا تنفعلين عشان ما يصيبج شيء

ساره: ان شاء الله

......................

المغرب كانوا كلهم متيمعين ف بيت ابوحمدان مثل كل مره وحمدان كان كل شوي يشوف مهره .. والكل ملاحظ هذا الشيء بس ساكتين

سلطان: حمدان عيونك ها

فهد وسهيل: ههههههههههههههاااااااااااييي

حمدان وهو يوقف: يبه ابا اكلمك شوي

ابوحمدان: اقعد يا ولدي كل حد عارف بالسالفه .. قولي الي تباه هني بوجود الكل

مهره وقفت عشان تطلع برا وقفها حمدان: وين رايحه

الكل : ههههههههههههههههههههههه