نوف كانت تلبس فيصل و ميره كانت قاعده وتاكل من الحلويات الي اشترتهم مع حمدان
نوف:ميره يلا تعالي البسي ملابسج عشان تنامين ميره: ماما ما خلصت اكل صبري شوي نوف : بسج من الصبح تاكلين بعدين بطنج بيعورج ميره: ما بيعور بس شوي باكل نوف: ميره تعالي البسي ملابسج بسرعه ميره: ماما خلاص باكل بعدين بي نوف: انتي دوم جذي متعبتني معاج قومي خلصيني ف هاللحظة دخل سلطان وميره يوم شافته ركضت عنده وهو شلّها وقعد على الكرسي وحطاها ف حظنه فيصل وهو يحط راسه ع كتف امه : ماما ابا انام تعبان نوف : صبر ماما خل ميره تلبس وبنروح مع بعض ... ميروه يلا تعالي اتلبسي اخوج فيه رقاد ميره: ماما ما فيني رقاد خليه هو ينام انا بتم عند بابا سلطان باس رأسها: فديت الي بتم عند بابا .. خلاص حبيبتي رقدي فيصل وخلي ميره عندي نوف قامت بقهر وفرت ملابس ميره وشلت فيصل وطلعت من الغرفه وسكرت الباب بالقو ودخلت غرفة اليهال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حطت فيصل على فراشه وهو دفن راسه بحظن امه ورقد ... اما نوف فكانت تفكر بميره الي صايره عنيده وما تسمع الكلام .. قطع حبل افكارها دخول سلطان وميره .. نوف ابتعدت عن فيصل بعد ما تأكدت انه رقد و باسته ع راسه وطلعت .. ميره وهي اتطالع ابوها: شفت بابا هي زعلانه ما بتكلمني الحين سلطان: عادي روحي عندها واتأسفي لانج غلطتي صح ولا لا هزت ميره رأسها .. سلطان شلّها وراح عند نوف الي كانت ف صالة القسم اتطالع التلفزيون .. ركضت ميره عند امها وحظنتها وباستها على خدها
ميره: ماما اسفه ... والله اخر مره
نوف وهي تحظنها : انزين خلاص بس ثاني مره لا تعيدنها
سلطان: الحين روحي نامي عشان تقومين من وقت باجر
راحت ميره عشان تنام و نوف ردت اتطالع التلفزيون .. قعد سلطان عندها ولف ويهها عليه
سلطان : حبي شفيها
نوف عيونها انترست دموع وعلى طول حظنت سلطان وصاحت
سلطان بخوف : نوف شفيج .. ليش اتصيحين
نوف: سلطان تعبت تعبت ... ميره وايد عنيده واكثر عن مره مفضحتني قدام الناس
