بكلمة عمري والعمر فاني .. انت غير الناس عندي ولَك غلا ثاني

9

ف بيت طلال ... ساره كانت قاعده ف الصاله واتصيح .. ما تدري وين ولدها او وين راح .. كانت الافكار تتلاعب ف مخها .. كل شوي اتقول يمكن فيه جذي .. او صار فيه جذي .. دخل عليها طلال وهومعصب وخايف ف نفس الوقت

طلال: وين الولد .. كيف يعني مب لاقتنه

ساره: والله ما ادري وينه .. دورت ف كل مكان ما حصلته .. حتى برا البيت دورت

طلال باستغراب: وليش ادورين برا البيت .. اذا كان الولد ضايع داخل البيت وما يلحق يبطل البيبان الي برا

ساره قالت ببطء: لان الباب الي برا كان مفتوح وانا ما كنت ادري

طلال صفع ساره كف وصارخ عليها : حد يخلي باب الحوش مفتووووح ..غبيه انتي .. شوها الاهمال الي فيج !!

طلع طلال من البيت وخلا ساره اتصيح منهارة من ولدها الي ما تدري وينه .. ومن صفعت طلال .. واخيراً من كلامه ( يعني كنت اسويله الغدا كيف بشوف الولد .. يوم اقوله ييب لنا طباخ ولا طباخه او حتى خدامه يساعدوني ف شغل البيت يرفض .. اونه ما احب الخدم يكونون ف بيتي .. الحين ولدي ما اعرف وينه وبدال لا يطمني يصارخ عليّ ومحملني انا المسؤوليه .. اااه يا ربي ساعدني .. يالله انك تحفظ ولدي وين ما كان )

اما طلال ف أول ما طلع من البيت .. خطر ف باله ابوه ما يدري ليش .. على طول خذ التلفون واتصل ف ابوه

ابوطلال: الو

طلال: السلام عليك يبه شحالك

ابوطلال: وعليك السلام يا ولدي انا بخير الحمدلله شحالك انت وشحال حرمتك وولدك؟

طلال: مديم الحال يارب ... اما عن حالنا ف يبه معفوسين فوق تحت

ابو طلال بخوف: خير يا ولدي شو صاير .. فيكم شيء محتاجين شيء

طلال: يبه عمور ضايع وما ندري وينه ... وشكله الا الولد طالع من البيت .. وانا الحين قاعد ادور عليه بين البيوت ومب محصلنه

ابو طلال سكت دقايق يستوعب الكلام بعدين انفجر من الضحك : هههههههههههههههههههههههههههههههه

طلال باستغراب: يبه شفيك تضحك اقولك ولدي ضايع وانته تضحك الله يهديك ؟!!!

ابوطلال: لانه ولدك عندنا .. امك مرت البيت عندكم وسلمت على ساره و قالتلها انها بتشل عمر وشلته .. بس شكلها حرمتك نست وع بالها ضاع ههههههههههه

طلال : خلاص الحين ياينكم

رد طلال البيت ودخل على ساره وشافها اتصيح سار عندها بسرعه و ...........

.............................

عند مهره كانت تتريا اخوها منصور الي ياي مع حمدان .. شوي ووصل حمدان ونزل هو ومنصور .. ومهره على طول راحت عندهم وصفعت منصور كف