بكلمة عمري والعمر فاني .. انت غير الناس عندي ولَك غلا ثاني

38

قطع كلام مهره دخول طلال
طلال: السلام عليكم
الكل: وعليكم السلام
سلطان: وينك انت اختفيت من الغدا
طلال وهو يطالع: رحت ايب شيء
مهره: شفيك اتطالعني
طلال: لانه الشيء حقج انتي بالذات
دخلت مريم : السلام عليكم
الكل: وعليكم السلام
كل البنات قاموا يسلمون على مريم لانه من زمان ما شافوها
نوف: شحالج حبيبتي .. من زمان عنج
مريم: الحمدلله انا بخير دامكم انتو حاوليّ
نوف: ودوم حواليج
ساره وطلال كانوا يراقبون مهره .. الي باين عليها اتضايقت وانزعجت من وجود مريم بينهم .. يت مهره تبا تطلع بس مريم وقفت قدامها
مريم: شو ما تبين اتسلمين عليّ
مهره: لا ... قومي شوي ابا اخطف
مريم: لهدرجة شاله بخاطرج عليّ يعني
مهره: مب فاضتلج انا عندي اشياء اهم

مريم: مهره سامحيني الله يخليج والله العظيم اني مب قادره ارتاح من الي سويته فيج .. مهره انا تغيرت
صدقيني حتى اسأليهم .. انا ما عدت مثل قبل والله العظيم

مهره: الحمدلله تغيرتي هذا شيء حق نفسج .. لكن لا تترين مني شيء ابداً

طلال: افا يا مهره ما توقعتج جذي .. اختي تتطلب منج السماح وتردينها

مهره: هه ليش نسيت شسوت اختك فيني ها ... نسيتي شو حطيتي عند باب بيتي .. ولا تبيني اذكرج .. تعرفين كمية المعاناة الي عانيتها فالفترة الي طافت ولا ما تعرفين

ساره: مهره .. المعاناة الي عانيتيها هي نفسها الي عانتها مريم وف نفس الفتره بعد .. خذت جزاها وأكثر بعد

مهره: اسفه على الكلام الي بقوله .. انا أكرهج ويوم يت ابا اعدل العلاقة من بينا سويتي السالفه هذيج وصرت اكرهج اكثر وأكثر لدرجة اني اتمنالج الموت كل يوم .. ما اقدر أسامح اعدائي للأسف .. قتلج قبل وارد اقولج مره ثانيه لا تترين مني شيء ابداً
................................................
عند خليفه
خليفه: شعندك ياي هني
ابوخليفه: ياي أشوفكم .. اشتقت لكم
خليفه: ونحن ما نبا انشوفك .. تفضل من هني لان نحن لازم نطلع الحين
ابو خليفه: تطرد ابوك
خليفه: ابوي مات من زمان
ابو خليفه: ما عليه .. الي سويته معاك قبل شيء محد يقدر يتحمله .. بس انا ياي ابا سلوى وجاسم
خليفه بعصبيه : تحللللللللللللم تاااااااااخذهم سمععععت ولااا لا ... كااااااانت سااااااااره عننندك قببببللل هاااا المررره وشووو سويييت هااا تذكر ولا اذكرك عدل
ابو خليفه : كانت غلطه .. غلطت وانا اسف على هذا الشيء .. بس يا ولدي ما بقى من العمر كثر ما راح .. انا اليوم واقف قدامك باجر يمكن ما تحصلني
خليفه: ا...
سلوى وهي تصيح : خلييييفه بس خلاااص خلنااا انروح
ابو خليفه: ما بتين معاي سلوى .. انا أبوج
سلوى: وين كنت قبل .. وين كنت يوم كرموني فالمدرسه .. وين كنت يوم كنت احتاج حضن ابو يحميني ويحسسني اني فأمان .. وين كنت يوم اتخرجت .. وين كنت يوم كنت احتاج فلوس ولا غيره .. وين كنت يوم كنت مريضه ومرقده فالمستشفى ها .. كل مره أتمنى انك تكون موجود بس وقتها احصل خليفه .. خليفه الي كان معاي انت كنت لاهي بفلوسك من مكان لمكان ومن دوله لدوله .. والحين ياي تباني ارد معاك !!؟
خليفه: اعتقد عرفت شو ردهم .. لا ترد مره ثانيه و تفتح الموضوع نفسه
طلع خليفه و جاسم وسلوى... وراحوا صوب البحر ما يقدرون يروحون بيت ابو حمدان وهم بهذي الحاله
.......................................
مهره( ما زالوا يقنعوني اني أسامح مريم .. بيني وبينكم انا مسامحتنها وعمري ما زعلت منها ابداً .. لكن ريحة عطرها ملوعه جبدي ويالله اقدر اتحمل الريحة ... ما ادري شفيني اليوم لايعه جبدي ... لا والي صدمني اكثر ان كلهم واقفين معاها حتى حمدان .. تبون الصراحه أساساً انا تعبانه ومب قادره أوقف ابا اروح ارتاح لكن هذي مب مخلتني اطلع )
ام سلطان: مهره اذا رب العالمين يسامح عباده انتي ما ..
مهره قاطعتها: اعرف هذا الكلام وحافظتنه عدل .. قومي من عند الباب ابا اخطف
نوف: مهور ما تعبتي من العناد ..البنت من متى واقفه تترجاج انج اتسامحينها
مهره: وبعدين يعني خلاص فكوني من هالسالفه خلوني اطلع
شوق: ما بتطلعين الا لما اتسامحينها .. شو مهور ما تعرفين ان القطاعه مع الناس لمدة ثلاث ايام مب زينه رب العالمين ما بيوفقج جذي
حمدان مسك ايد مهره: خلاص يا جماعه خلوها .. لا تضغطون عليها اكثر
طلع حمدان مع مهره وراحوا قسمهم ... مهره على طول قعدت
حمدان : خذيتي دواج
مهره: ما كليت شيء
حمدان: مهور تستهبلين ليش ما كليتي شيء
مهره: ما قدرت .. لاعت جبدي من ريحة اللحم
حمدان: انزين ليش ما كليتي سلطه
مهره: حمدان تعرف اني ما احب اكل سلطه بدون ليمون وملح
حمدان: استغفر الله .. انزين قومي بيبلج اكل من مطعم
مهره: لا حمدان ما اريد بعدين
حمدان: شو بعدين انتي بعد
مهره: حبي وين تبانا نطلع وفي ناس فالبيت .. عيب
حمدان: ومب عيب مخليه الناس يترجونج اتسامحين البنت وانتي معانده
مهره : انا مب معانده .. اصلاً انا ما زعلت من مريم عشان اسامحها
حمدان: والكلام الي قلتيه
مهره : ههههههههههههه كنت اقصد عطرها ههههه
حمدان بطل عيونه: شوووووووو!!!
مهره: والله العظيم ... كانت لايعه جبدي من ريحة العطر وقلت ها الكلام قاصده العطر بس هم فهموا غلط
حمدان: يا المشاكسه هههههههههههه
مهره: باكل ليمون وبروح عندها
حمدان: اقعدي انا بيبلج ربع ليمونه وبي
مهره: حمدان شو ربع ما يشبعني
حمدان: ما شيء
مهره: حبيبي عاد .. ترضى اني اكون يوعانه .. وبعدين تراه فخاطري
حمدان: ايبلج صندوق ليمون مب كيلو كم مهور عندي انا .. بس تراه مب زين وبيبلج ربع
مهره: استغفر الله .. خلاص اوك
......................................
عند خليفه .. كانوا قاعدين فالسيارة قدام البحر .. والسيارة هدوء ما فيها غير صوت صياح سلوى .. خليفه ما قدر يتحمل ونزل من السياره
خليفه:( ما قدرت اتحمل شيئين .. صوت سلوى وهي اتصيح .. و كمية العصبيه الي كاتمها .. احس لازم اطلع الي بداخلي بس كيف ما ادري .. تعبت والله العظيم .. كنت ناسي الي سواه فيني .. لكن اليوم رد وذكرني .. بكل شيء سواه فيني انا وساره .. تدرون ان هو دايماً يكون مصدر الحزن والضيقة والكآبة .. دايماً اذا شاف واحد فينا مستانس ومرتاح ينكد عليه .. محتاج حمدان .. ابا افضفض له .. بس اكيد مشغول ما اقدر اروحله البيت وهم عندهم عزيمه الحين .. اممم بتصل عليه وبخليه ايني لان جد ما اقدر اتحمل عادي اطلع حرتي ف سلوى لانها الوحيدة الي مسويه حشره فالسيارة .. وانا ما ابا امد ايدي عليها ... المهم اتصلت ف حمدان وقالي اروحله البيت .. حاولت معاه بس اصر .. وقالي جملته المعتادة معاي .. "اهلي هم اهلك ما في فرق بين الاخوان")
........................................
ف الميلس
ام سلطان: ما عليه يا مريم .. بتسامحج وانا متأكده
مريم وهي تمسح دموعها: ان شاء الله
منصور: بس اذا كنت مأذتنها وايد وما خليتيها ترتاح يوم ف حياتها .. أحلمي أنها اتسامحج
سلطان: منصور !! ... عيب الي قاعد أتقوله وبعدين مهور قلبها ابيض اكيد بتسامحها
منصور: قلبها ابيض بس حق الناس الي تحبهم .. لكن يتحول اسود اذا لمحت اعدائها والناس الي تكرهم
ابو حمدان: منصوووووور يا تسكت يا تطلع برا
منصور بقهر: اطلع برا ولا اقعد ف مكان فيه أعداء اختي الي ما خلوها ترتاح يوم واحد بس