بعد اسبوعين يوم الاحد كان بيت ام سلطان وابو حمدان مرتبشين الي يشل ويحط ويهازب ويعاون .. وساره وسلوى ومريم راحوا بيت ام سلطان عشان يعاونونها .. ومهره في الدوام طبعاً .. داومت عناد ف البنات الي قالولها لا اتداومين
بيت ام سلطان كانت نوف تحاول تتصل ف مهره الي تأخرت
ساره : ها ردت عليج
نوف: لا والله ... متأخرة وما ترد
ساره: ههههه شكلها تعاند
نوف: اشوفها قتلها امس لا اتداومين حتى سلطان قاللها وهي الا اداوم اونه احب دوامي
ساره: هههههههههههه .. انا بقولج شو اتسوين
نوف: شوو
ساره: كلمي حمدان خليه يتصل عليها
نوف: دقيقه بخليه يكلمها جدامي عشان اعلمها الادب
ساره : هيه يلا بسرعه
دقت نوف على حمدان وقالتله يدخل الصاله .. ودقايق ودخل لانه كان يايب امه
حمدان وام حمدان: السلام عليكم
ساره ونوف : وعليكم السلام
ام حمدان: شحالكن يا بنات
ساره ونوف : بخير الحمدلله
ام حمدان: ميره وينها
نوف: ف المطبخ
ام حمدان: يلا بخليكم انا
نوف اول ما شافت امها ابتعدت : حمدان اباك شوي تعال
حمدان : شو تبين
نوف: مهوور من الصبح ادق عليها وما ترد عليّ
حمدان: ليش وينها هي
ساره: راحت الدوام .. قلنالها لا تروحين عنادتنا وراحت
حمدان: انزين اذا ما ترد عليكم اكيد مشغولة ف مكتبها
نوف: يا ربي شفيك ما تفهم .. مهوور عناد فينا ما ترد علينا مب لانها مشغولة
حمدان: انزين وشو المطلوب الحين
ساره: نباك ادقلها وحطه اسبيكر لو سمحت يعني
حمدان: لا والله
نوف: يلا عاد حمدان لاتصير سخيف اتصل عليها وحط اسبيكر
حمدان: خلاص انزين ( اتصل حمدان على مهره وردت عليه من اول رنه)
مهره: اححم .. الو
حمدان: يا هلا والله .. شحالج
مهره: بخير الحمدلله
سكت حمدان ثواني وبعدها قال بابتسامه : انا بخير الحمدلله
مهره: بغيت شيء حمدان
حمدان: هيه .. كنت بسألج ليش مداومه اليوم مب المفروض تكونين قاعده ف البيت
أنت تقرأ
بكلمة عمري والعمر فاني .. انت غير الناس عندي ولَك غلا ثاني
Romanceالروايه من وحي الخيال لكن بعض احداث الرواية مقتبسه من الواقع
