بكلمة عمري والعمر فاني .. انت غير الناس عندي ولَك غلا ثاني

39

بعد أسبوع : يوم الجمعه .. كانت مهره قاعده تتجهز لانها بتروح بيت يدها وتتريا لين حمدان  يرد من المسيد ويروحون هناك .. رن فونها والمتصله كانت مريم
مهره: الو
مريم: مهور يالدبه وينج .. الكل يا البيت الا انتي ؟؟
مهره وهي اتشوف الوقت: حلفي!! ... توني انتبه للوقت .. حمدان لين الحين ما رد البيت .. بتصل فيه وبني ان شاء الله
مريم: تمام عيل .. لا تتأخرين عشان يدتي ما تعصب
مهره: لا تحاتين .. مع السلامه
:::::::::::::::::::::::::::::::::
اتصلت مهره فحمدان فوق الخمس مرات وطلع مغلق .. طلعت من الغرفه ونزلت تحت ادوره .. بعدها راحت فلة ابو حمدان وما حصلته هناك دخلت ميلس الريايل وبعدين  راحت قسم خالها سهيل وما حصلته .. ردت قسمها من بعد ما تعبت من كثر ما ادور عليه .. دخلت غرفتها وحاولت تتصل فيه مره ثانيه ويطلع مغلق لين سمعت صوت باب القسم يتسكر .. طلعت بسرعه من غرفتها ونزلت تحت بس انصدمت من وجود العنود تبتسم لها بمكر وشر .. خافت منها لان ما في غيرهم فالبيت وباين على العنود انها ناويه على شر
مهره: انتي شو اتسوين هني؟؟!
العنود: تؤ تؤ تؤ تؤ ... جذي يرحبون بالضيوف يا حرم حمدان فيصل ال..
مهره: خلصيني قولي شو يايبنج هني ؟!
العنود تقربت من مهره اكثر : يايه ابشرج بخبر حلو مثلج يا حلوه
مهره: مينونه انتي ولا شاربه شيء ؟؟
العنود: وقي شيء بعد من بعد ما اقولج الخبر عندي لج مفاجئه بتعطيج ان شاء الله
مهره بدون ما تحس : شوفي العنود تراني مب فاضتلج بروحي ما اعرف حمدان وينه و ... ( سكتت فجأة يوم استوعبت الي قالته)
العنود بابتسامه كبيره متروسة شر: حمدان!! .. نسيت اخبرج عنه .. حبيبتي ريلج مستحيل يرد .. ادعيله بالرحمة ههههههههههههههه😈😈😈
مهره بصدمه : انتييي شو تقووولييين ... شو يعني كلامج هذا !!
العنود: يعني ريلج الي قاعده تترينه عطاج عمره .. مااااااااات
:
:
:
:
:
:
:
:
:
:
:
:
:
:
:
:
:
:
بعد أسبوع .. في المستشفى
مهره ما قدرت تتحمل الصدمه واغمى عليها ونقلوها للمستشفى
سلطان:( اتصل فيني حمدان عشان اروح أشل مهور لانه  طلعت له مهمه مداهمة بيت وبلغوه فجأة واضطر انه يروح وكلمني عشان مهور ... طبعاً من بيت يدي لين بيت مهور ياخذ شوية وقت .. يوم وصلت تميت اتصل عليها بالفون وما ردت حتى فون البيت ما ترد عليه .. نزلت أشوفها وقعدت ادق الجرس ونفس الكلام .. اخر شيء رحت من الباب الخلفي ودخلت ..كنت مفكر ان مهور زعلانه منا لان تأخرنا عليها عشان جذي ما تبا ترد على حد .. دقيت على فونها وسمعت الصوت فالصاله رحت صوب الصاله ولقيتها طاحيه حاولت اقومها لكن ما شيء فايده .. من شدة الخوف نسيت ان عندي السياره وطلبت الإسعاف ورحنا المستشفى .. طبعاً هي صارلها أسبوع فالمستشفى .. ولين الحين ما استعادت وعيها .. لانها أتقوم اتصارخ واتصيح تنادي حمدان وبعدها يغمى عليها ما يقدرون يعطونها إبرة مهدئة لانها حامل .. وبالنسبة للجنين الحمدلله ما ياه شيء .. طبعاً الكل عرف عن حالة مهره .. وحمدان يوم عرف حط اللوم على نفسه ومنهار .. ضعف اكثر وحالته صارت اسوء حتى انه ما قام يروح دوامه وراح خالي فيصل دوامه وكلمهم عن حالة حمدان وغيره وعطوا حمدان اجازه مدتها 3 أسابيع ..)
.................................................
ف غرفة مهره كانوا هناك ( ام سلطان - سلطان - شوق - ام حمدان ) .. كانت ام سلطان قاعده عند مهره وتقرا قران .. اما مهره فكانت فعالم ثاني تماماً .. كانت تتمنى حد ينقذها من ها العالم .. كانت اتشوف حمدان يودعها والكل يصيح وأنهم مسوين عزا وغيره من الاشياء .. لين سمعت صوت ارتاح قلبها من الصوت ومن الكلمات .. عرفت ان هذا الصوت صوت امها .. حاولت انها توصل للصوت وتتكلم بس ما قدرت .. وحاولت تفتح عيونها وما قدرت .. وبكل قوتها حركة صبع أيدها الي لامست ايد امها وحست فيها .. وقَعَدت تراقبها شوي تتأكد من إحساسها ولقتها تتحرك ..
ام سلطان بصوت خفيف: مهره بنتي .. نشيتي؟؟!
سلطان: يمه ليش وقفتي قرايه .. كملي
ام سلطان: سلطان لمحتها تتحرك
الكل قام صوب مهره وقعدوا يكلمونها .. لين فتحت عيونها شوي شوي .. طبعاً الكل عرف بان مهره قامت وكلهم زاروها حتى يدها راح لها المستشفى ..
منصور: مهور ترا ايدج اليمين مكسوره انتبهي لا تحركينها وايد
مهره: ان شاء الله
ميره: عموه وين البيبي مالج ما اشوفه
الكل: ههههههههههههههههههههههههههه
مهره: بعده مب الحين
ميره لفت على امها وأبوها : تستهبلون عليّ !! .. يوم ما عندها بيبي ليش يبتوني ها ؟؟
منصور: لا البنت هذي لسانها اطول عن حياتي .. سلطان شلّها وفرها من الدريشة
ام سلطان: ميروه عيب ما يكلمون الكبار جذي
ميره نزلت راسها : اسفه
ام حمدان: حد كلم حمدان لاني اتصل فيه وما يرد يطلع لي مغلق
سلطان: تلفونه انكسر خالوه .. ما يقدر يرد عليج
مهره على بالها ان ام حمدان من الصدمه نست ان حمدان توفى وسلطان قالها هذا الكلام عشان ما تنهار .. ولما اتذكرت حبيبها وزوجها حمدان قعدت اتصيح ما تقدر تتخيل الحياه بدونه .. كيف بيعيش ولدها ولا بنتها بدون ابو .. تخاف يعيشون مثل ما عاشت حياتها .. يعانون مثل معاناتها .. انتبه عليها سهيل وراح لها وحضنته بدون مقدمات وعلا صوت صياحها .. مما خلا الكل يسكتون ويراقبونها
سهيل وهو يمسح على شعرها: مهور شفيج ؟؟ ليش اتصيحين
ام حمدان: شوق روحي نادي الدكتوره .. يمكن شيء يعورها
سهيل: لا ما يحتاي .. مهور ليش اتصيحين ؟؟.. شيء يعورج
مهره بصوت متقطع : لا .. بس .. بس اشتقت حق حمدان
ردت دفنت راسها ف حضن سهيل والكل تجمع حواليها
ام حمدان: شوق كلمي فهد خليه يكلم حمدان عشان اي يشوف مهره
شوق: يمه فهد مب فالبيت
ام حمدان: وينه عيل
شوق: ما ادري .. كان طالع من الصبح
ام حمدان : لا حول لله .. هذا وقته .. انزين اتصلي فأبوج يمكن يكون فالبيت
شوق: عنده اجتماع اليوم مع الموظفين وقال محد يتصل عشان ما نقطع عليه
ام حمدان: هذي حاله الحين .. شوفي البنت كيف اتصيح .. واخوج ما يدري عنها
شوق:امايه مب سالفه ما يدري عنها .. بس لان في حريم هني فمستحيل اي
ام حمدان: خلاص راحوا الحريم .. الحين بس نحن أهله الي موجودين .. اتصلي فالبيت يمكن يرد عليج
شوق : ان شاء الله
بعد نوبة من الصياح غفت مهره وخلاها سهيل ترتاح شوي .. بعدها بخمس دقايق دخلوا فهد وحمدان
فهد و حمدان: السلام عليكم
الكل : وعليكم السلام
ام حمدان بعتاب : وينكم انتو من الصبح نتصل فيكم ومحد يرد
حمدان: انا تلفوني انكسر
ام حمدان: وانت الثاني ليش ما ترد
فهد: كنت مشغول وما قدرت ارد
ام حمدان: الله والشغل عاد
ام سلطان: شتبينهم يا فاطمة خليهم فحالهم خلاص برايهم ما صار شيء
ام حمدان: عيل عايبنج حال البنت .. من الصبح اتصيح وتعبانه وهم ولا على البال
فهد: انزين امايه انا شو يخصني  تهزبيني .. منو ريلها انا ولا حمدان
حمدان ضربه على بطنه وهمس له : تأدب يا قليل الأدب انا واقف معاك .. وبعدين لا توهقني لو سمحت
فهد: شو اوهقك حرمتك هذي
حمدان: يا الغبي اقصد لا توهقني مع امايه لا تطردنا برا البيت اليوم
سهيل: انتو الاثنين أمكم تكلمكم ترا
ام حمدان: لا هذيل ما يعرفون السنع ابد.. أقولهم البنت تعبانه وقاعدين يتهامسون
حمدان: ليش ردت اتصيح واتصارخ مره ثانيه
سهيل: لا .. استعادت وعيها وقَعَدت تتكلم معانا بس فجأة صاحت و قالت انها مشتاقتلك
حمدان: ما كلمتوا الدكتوره ؟؟
سهيل: لا .. خليتها لين غفت
نوف: حمدان حاول اتقومها ..  اذا قامت وشافتك بتستانس
حمدان: لا لا .. اخاف يصير فيها شيء .. لا تنسون انها حامل و الانفعالات تأثر سلبياً على الجنين
نوف: حمدان اقعد عندها وكلمها وخلاص .. ما بيصير شيء من الي انت قلته
حمدان: اسف ما اقدر
ام حمدان: وليش ما تقدر مب هي حرمتك .. ارحم حالها انزين من متى اتصيح تباك
حمدان:( لا حول الله .. الله رزقني بأهل عنيدين من صغيرهم لين كبيرهم .. انا ما ابا اكلم مهور لاني اعرف شو صار وبالضبط بعد.. واعرف ان عنود ال.. قالتلها اني مت .. والحين مهره على بالها اني ميت .. واخاف اذا شافتني تنصدم واتسوء حالتها اكثر)
ام حمدان: وين سرت
حمدان: معاج
ام حمدان: اسمع نحن الحين رايحين البيت .. اقعد مع حرمتك و اهتم فيها سمعت
حمدان: ان شاء الله .. ااا .. سهيل أباك شوي
سهيل: اوك .. انتو روحوا البيت وانا بلحقكم
طلعوا الأهل وبقى حمدان وسهيل .. حمدان قال حق سهيل كل السالفه وشو سبب طيحة مهره هذي .. طبعا. سهيل عصب وكان بيطلع بس مسكه حمدان وقعد يكلمه شوي لين هدا .. بعدها راح عند مهره وقعد يمسح على شعرها بطريقه أزعجتها شوي
مهره بطلت عيونها شوي شوي وشافت حمدان .. سكرت عيونها وردت فتحتهم ولقته يبتسم لها
حمدان: صح النوم
مهره كانت تبا تقوم بس سهيل مسكها : مهور لا تتحركين من مكانج
مهره: خالي حم .. حم .. حمدان .. حمدان عايش صح .. يعني انا ما اتخيل .. خالي انا ما اتخيل صح .. ش.. شو .. شوفه سهيل .. ه .. هذا حم .. حمدان ..
حمدان ما قدر يتحمل يشوفها بهذي الحاله وحظنها على طول : اهدي مهره .. هيه هذا انا .. حمدان
مهره صاحت وحضنته بالقو: الحمدلله يا رب .. على بالي انك مت ... كنت بضيع ف ظلام الدنيا من بعدك .. لانك انت النور بالنسبة لي .. انت شمسي وقمري وكل شيء فالدنيا .. لا تخليني مره ثانيه ارجوك
حمدان: اوعدج اني ما اخليج ابداً .. بس اهدي ما احب اشوف دموعج
:
:
:
:
:
:
:
:
:
:
بعد خمس شهور
كانت مهره قاعده فالحديقة مع ام حمدان وشوق وقاعدين يسولفون
شوق: مهور متى موعدج مال الحمل ؟؟
مهره: اممم .. بعد أسبوعين أظن
شوق:بلييييييز .. شليني معاج الله يخليج
مهره: خلاص تمام .. بس تراه بيكون الصبح
شوق: عادي بنقوم الصبح شو المشكلة
ام حمدان: حمدان وفهد وينهم؟؟
مهره: فالدوام خالو
ام حمدان: دوام يوم الجمعه
مهره: هههههه خالو اليوم الثلاثاء مب الجمعه
ام حمدان: ما ادري ليش احس اليوم الجمعه
مهره: الجو مغيم يمكن عشان جذي
ام حمدان: هيه والله الجو حلو ما شاء الله براد وامطار شوق: يمه تعرفين ان مهور مشغله مكيفات البيت كلهم وفوق هذا تلبس شيء خفيف وتقعد
ام حمدان: مب زين يا بنتي لا حق صحتج ولا صحة الياهل
مهره: حر خالو يعني شو تبيني اسوي
ام حمدان: بطلي الدريشة والباب وخلي الهوا البارد يدخل
مهره: ان شاء الله
حمدان: السلام عليكم
الكل :عليكم السلام
حمدان وهو يبوس راس امه: اشحالج الغاليه
ام حمدان: بخير دامكم انتو بخير وبصحه وعافيه
حمدان: مديم الحال ... وعلومج ام كشه
شوق وهي تكلم مهره: اقول تراه يكلمج
حمدان: لا اكلمج انتي
شوق: وين الكشه بالضبط ما فهمت
حمدان: وقرون الاستشعار الي طايره شو هي بالضبط
شوق عدلت شيلتها وشافته بنظرات: الحين زين
حمدان: بيرفكت ..( لف على مهره ولقاها سرحانه فيه .. قرص خدها).. شفيج جذي اتطالعيني
مهره بهدوء : ما شيء 
ام حمدان: حمدان .. ليش مخلي حرمتك تقعد فالبراد
حمدان: عيل تقعد فالحر
ام حمدان: اقصد تحت المكيف
حمدان: والله يا امايه كم مره قلتلها لكنها عنيده .. وتقول انها حرانه وما تستحمل
ام حمدان: افتح لها الدرايش والبيبان ولا خلها تطلع فالحديقة شوي .. وخلها تمشي زين حقها المشي وهي بهذا الشهر
حمدان: حاضر من عيوني
ام حمدان: هيه خلك جذي .. دير بالك عليها .. يلا انا بروح داخل
شوق: وانا بروح ايب لنا شيء نأكله
لف حمدان على مهره ولقاها سرحانه فيه مره ثانيه .. استغرب منها وقال وهو يتقرب منها: شفيج ؟
مهره: ما شيء
حمدان: امممم .. شكلج تبين اتقولين شيء صح؟
مهره هزت راسها بايجاب:همم
حمدان: فيج شيء .. حد قالج شيء.. شيء يعور..
قاطعته مهره:اشتقتلك .. وبشتاقلك اكثر اذا..
حمدان: اذا ؟!
مهره: حمدان الواحد يحس بيومه .. وانا احس ان بعد الولاده ما بكون معاك .. عشان جذي ما اوصيك على بنتي حمدان حطها ف عيونك .. ما اباها تعي..
حمدان بعصبيه: خلاص مهره خلاص ... ليش جذي اتفكرين ها شو هاي السلبيه ما احيدج كنتي جذي
مهره: حمدان اسمعني لمره وحده بس
حمدان : ما ابا اسمع منج شيء اذا هذا كلامج
قام حمدان وراح صوب قسمه وهو معصب من كلام مهره اما مهره تنهدت وحطت راسها على الطاوله تفكر بحمدان ..
فهد: مهور!!
مهره وهي توقف: هلا
فهد: فيج شيء؟؟
مهره بابتسامه: لا .. بغيت شيء
فهد: بفتح موضوع شما وشمايل مع امي وابوي وأباج تكونين معاي
مهره: بس!! .. حاظر ان شاء الله من عيوني الثنتين
فهد: تسلمين .. بس شو الأحسن اني ايبهم معاي ولا اتريا
مهره: لا ايبهم ..عشان تعرف كيف تفتح الموضوع
فهد: خلاص تمام .
.
.
.
.
.
.
.
.
توقعاتكم 🤔