بكلمة عمري والعمر فاني .. انت غير الناس عندي ولَك غلا ثاني

36

اليوم الثاني الصبح  .. اتفقوا البنات انهم يطلعون كلهم مع بعض .. وطبعاً مهره الي اتسوق بعد عناد وضرابه ..
شوق: مهور وين بتروحين
مهره: ما ادري .. وين تبون تروحون انتو
سلوى: روحي ستاربكس اول شيء
مهره : اوك بروح ستاربكس بعدين دانكن دونتس
ساره: حق شو دانكن دونتس بعد
مهره: حقي .. لاني ما احب ستاربكس
شوق: والله مهور انج غريبه حد ما يحب ستاربكس
مهره: انا ما احبه ... نوف ليش ساكته
نوف: ما شيء
سلوى: مهره عليّ على الأغاني
ساره: لا .. وين تبين انتي اونه علي
مهره: لو سمحتي انتي مع مهره مب طلال .. لعيونج بعلي على الأغاني والأغنية الي تبينها بعد
سلوى: حطي شيرين
مهره حطت الاغنيه الي تباها سلوى وراحوا ستاربكس وبعدين دانكن .. وقعدوا يتمشون بالسيارة ومستانسين ويسمعون أغاني من فون مهره .. لين قطع عليهم صوت رنة فون مهره
مهره: سوير شوفي منو
ساره: شكله حمدان
مهره: ردي عليه وافصلي الفون
شوق: لا خليه نبا نسمع شو يقولج
سلوى: انتي نعم .. يمكن يباها ف شيء ضروري ولا يبا يتغزل فيها
الكل: ههههههههههههههه
مهره: مالت عليكم .. ردي عليه
شوق: ساره ردي عليه بدون ما تفصلين
ردت ساره .. وصار الكل يسمع كلام حمدان
مهره: الو .. صباح الخير
حمدان: صباح الحب من قلب عشق روحك وتمناها . عشق همسك عشق  خطك و مراسيلك يتحراها أظل عايش بذكراك .. ويظل طيفك يسليني .. يمر الوقت ولا أنساك .. ويظل وفاك يكفيني ..
مهره: يا شهد الحب وميزانه .. وكل الورود وألوانه .. لو ان الغلا عنوان يا عمري انت عنوانه
البنات : اوووووووووووووووووووه
حمدان: ههههههههههه .. غلبتيني ها المره .. شحالج اليوم ؟؟
مهره: صرت بخير يوم سمعت صوتك
حمدان: لا اليوم جرعت الرومانسية زايده عندج
مهره : ليش ما تعرف ان ..  صوتك وصورتك وشوفتك دوا اشواقي
حمدان: اوقفي على ينب  الحين بشلج لازم نتفاهم اليوم
مهره: هههههههههههههههههه
حمدان: كليتي شيء ولا بعدج
مهره: لا كليت الحمدلله .. وانت
حمدان: لا توني قايم
مهره: مسوتلك ريوق حطيته ف المطبخ
حمدان: خلاص الحين بنزل اتريق ... انتو متى بتردون
مهره: ما ادري والله بس بحاول أرد قبل اذان الظهر ان شاء الله
حمدان: مهور لا تمشين وايد ولا اتشلين شيء ثقيل
مهره: ان شاء الله
حمدان: وإذا بغيتي شيء كلميني
مهره: حاظر
حمدان: يلا عمري  بخليج الحين .. مع السلامه 
مهره: باي
:::::::::::::::::::
سكرت مهره واستغربت الهدوء الي صار فجأة لفت ورا اتشوفهم ولقتهم كلهم حاطين أيدينهم على خدهم ويطالعونها
مهره: ههههههههههههههههههههههه😂😂😂.. شفيكم جذي اتطالعوني حمدلله والشكر
شوق: ليش سكرتي عنه كملوا المسلسل التركي ما ادري المكسيكي
مهره: والله كان ودي اكمل بس انتو موجودين
سلوى: اويييه مهور ريلج رومانسي .. خلاص ما اقدر اتحمل زوجوني
البنات: هههههههههههههههههههههههههههه
...............................
ف بيت خليفه كانوا الشباب كلهم متجمعين هناك وكان معاهم ربيعهم عبدالعزيز
عبدالعزيز: شرايكم نطلع والله مليت من قعدت البيت
خليفه: افا بس تمل وانت عندي
عبدالعزيز: لا والله مب جي السالفه بس ابا اغير جو
طلال: وين تبا تروح
عبدالعزيز: امممممم انسير المول .. شرايكم؟؟
خليفه :  معاك
طلال: انا ما اقدر
فهد: انا ما اقدر
سلطان: ولا انا
خليفه: طلال وسلطان ما بيون عشان عيالهم اكيد .. فهد شو سبب انك ما تبا تي
فهد: خلاص بي معاكم
طلال: حمدان وينه عيل
فهد: راقد .. يمكن يمركم بعد شوي
............................
عند البنات اتفقوا يروحون المول عشان العزيمة .. وصلوا المول وراحوا محلات الملابس
ساره خذت اول لبس شافته قدامها .. ونوف خذت لبس لونه اسود بس مهره اقتنعتها وخذت احمر مخطط بالاسود .. وشوق وسلوى خذوا نفس اللبس .. اما مهره من بعد ما خطفت على كل محلات المول اختارت لها لبس لونه بيج او سكري <<< بحطلكم الصور بعدين
::::::::::::::::::::::::
تعبت مهره من كثر المشي وقالت انها بترتاح شوي ونوف وساره راحوا معاها .. اما الباقي راحوا يختارون لهم اكسسوارات ومكياج
مهره: افففففف والله تعبت احس ظهري بينقص نصين
ساره: ما شاء الله عليج وايد مشيتي اليوم وكله قاعده ما انسدحتي شوي
مهره: شو تبيني اسوي.. اليوم حمدان ما خلاني أداوم .. وشرطت عليه اني اطلع معاكم .. كاسرين خاطرين سلوى وشوق كل قاعدين فالبيت محد مسولهم سالفه
ساره: مهور شوفي محلات اليهال .. عندهم ملابس اتجنن حق البنات .. بتين اتشوفين
مهره: لا شكراً .. ما فيني اتخبل ويتم الشيء ف خاطري
ساره: بروح اشوف حق بدور وعمور
مهره: اوك .. نوفا شفيج صايره هاديه اليوم
نوف: ما شيء
مهره: تدرين انج تقدرين تكذبين على مليون شخص الا عليّ انا .. قولي شو فيج ؟؟
نوف: بس متضايقه شوي
مهره: من ميروه ؟
نوف: ياليت من ميره .. كنت بكون اهون والله العظيم .. بس للأسف من اخوج ما ادري شو يبا بالضبط
مهره : سلطان !! ..... ليش شو مسوي
نوف: امس الفليل  كنت قاعده اتسبح و ما ادري ميره وفيصل شو مسوين .. المهم فجأة سمعت صراخ .. خلصت بسرعه بسرعه وطلعت خايفه من الصريخ .. رحت غرفة اليهال شفته قاعد ينازعهم لانهم مشخبطين على اليدار وقعدوا بعدها يتضاربون على لون ومسوين ازعاج .. حاولت اهديه  لانه اليهال خايفين منه وهو أبد ما يبا يسمعني .. فجأة قلب عليّ وقعد يصارخ عليّ انا اونه انتي مهمله وما اتشوفين عيالج وغيره وغيره .. والمشكلة يوم رحت اكلمه ف الغرفه قالي اطلعي برا ما ابا اسمع صوتج ... واليوم الصبح ما عطاني ويه حتى .. معنه هو الغلطان
مهره: يوم بتردين البيت حاولي تكلمينه اذا ما عطاج سالفه ... طنشيه مثل ما يطنشت وبتشوفين اذا تعدل بعدين
نوف: والله انا تعبت منه ومن عياله ومن العالم بكبره بعد .. احس خلاص ابا اموت وارتاح من هم ها الدنيا
مهره: حبيبتي نوف هذا اختبار من الله تعالى .. قاعد يمتحن صبرج ... وبعدين ما ابتلى الله مسلم الا لانه يحبه .. كل الي عليج اتسوينه تدعين .. عيشي يومج وكأنه اخر يوم فحياتج .. دوري سعادتج .. والشيء الي يبلج التعاسه ابتعدي عنه .. ترا والله الحياه حلوه صح في مشاكل وتحديات انواجها كل يوم .. بس صدقيني بدون ها الاشياء ما بتكون للحياه طعم
....................................
عند سلوى وشوق .. كانوا ف محل اكسسوارات .. وطبعاً سلوى عيبها المحل الي عندها وراحت له بدون ما تقول حق شوق ... اما شوق اشترت الي تباه وطلعت وهي ناسيه سلوى .. قعدت اتدور البنات وما حصلتهم .. راحت صوب المحلات الي راحتلهم قبل مع البنات عل وعسى تلقى وحده منهم ردت على نفس المحل لكن ما شيء فايده .. لين سمعت صوت مألوف لها .. لفت اتدور الصوت وحصلت اخوها فهد ومعاه ريال ما عرفته..
شوق: فهد .. فهوووووود ... فهههد
فهد لا ارادي لف عليها وشافها .. شوق اول ما تأكدت منه راحت عنده وحظنته
فهد: شوق شفيج وشو اتسوين هني
شوق وهي اتصيح : فهد ضيعت البنات ما اعرف وين راحوا
فهد: اصلاً شو اتسون هني
شوق: يينا مع مهور عشان ناخذلنا اغراض حق العزيمة
فهد: اتصلتي عليهم
شوق: تلفوني فالسيارة ناستنه
فهد اتصل ف نوف وردت عليه وقالهم عن شوق وراحوا عنده عشان يشلون شوق
نوف: انتي وين رحتي
شوق: رحت محل اكسسوارات وبعدين ضيعتكم
ساره: يعني ما تدرين ان نحن ف الكوفي
شوق: نسيت والله العظيم
مهره: سلوى وين
شوق: ما ادري .. اصلاً نسيتها
فهد بعصبيه : اصلاً انتو شو يابكن هني
مهره: كانت ناقصتنا أغراض ويينا نأخذها
فهد: وفي حد يعرف انكن هني
مهره: تراهم يعرفون ان نحن طالعين
فهد: يعرفون إنكن طالعين لكن ما يعرفون وين تروحون بالضبط
مهره: فهد احترم نفسك وتكلم معاي عدل انا مب اصغر عيالك
فهد: وليش انتي تعرفين الاحترام يعني ... المفروض يا أستاذه تقولين حق ريلج قبل لا تروحين مكان عام متروس شباب نفس هذا
مهره عصبت من كلام فهد : نعم نعم .. وليش ان شاء الله انا شو سويت حق الشباب غازلتهم ولا عقيت رقمي عليهم .. وبعدين انت قلتها مكان عام يعني اكيد بيكون فيه شباب
نوف: مهور اهدي خلاص خلونا انروح .. وانت قصر صوتك نحن مب فالبيت
فهد: روحوا البيت وانا بتفاهم معاكم هناك .. انتو يبالكم حد يسنعكم
مهره: الحمدلله نحن سنعات من قبل لا نعرفك .. وحده فيكم تتصل ف سلوى اتشوفها وين
سلوى من وراهم: انا هني
مهره: يا خلونا انروح
.
.
.
.
.
.
.
.
.
.

1. شو تتوقعون بيصير ؟
2. شو اكثر شخصيه حبيتوها ف هالبارت؟
3. اكثر شخصيه كرهتوها ف البارت ؟
4. احلى موقف عيبكم في الروايه كلها ؟