عند قوم سلوى.. كلهم كانوا موجودين الا مهره وحمدان تأخروا شوي .. قعدوا نوف وسلوى يسولفون والشباب بصوب ومنصور وجاسم بصوب وفيصل قعد يلعب الا ميره كانت قاعده بروحها وزعلانه .. انتبه عليها خليفه وراح عندها
خليفه: ميره شفيج قاعده بروحج ؟؟
ميره: ولا شيء
خليفه: ليش ما تلعبين مع فيصل
ميره: ما اريد
خليفه بصوت عالي: منو مزعل ميره؟
سلطان: مب زعلانه بس ادور حد يضربها ومب محصله
خليفه: افاااا .. شيخة البنات هذي محد يضربها
فيصل: دلوعه ميره
ميره: اسكت انت
خليفه: تعالي بعطيج حلاوه .. تبين ؟؟
ميره هزت راسها بلا : خالو مهره بتيبلي
::::::::::::::::
شوي ولا اتشوف ليتات سياره لفت وراها وشافت سيارة حمدان ومهره كانت توها بتنزل راحت لها تركض وحظنتها وقَعَدت اتصيح
مهره: ميروه شفيج ؟؟ ... ليش اتصيحين
ميره:.....
مهره ركبتها السياره وين كانت قاعده .. وميره تمت حاظنتنها
مهره وهي تُمسح على شعرها: ميره حبيبي شفيج .. ليش اتصيحين
ميره وهي اتصيح : ما يبوني اي عندج
مهره: يمه ياااا قلبييي .. فديت الي يبا اي عندي .. منو ما خلاج
ميره: بابا وماما
مهره: ما عليه الحين بنازعهم .. بعد شو تبين ؟
ميره: وفيصل كله يقول حقي دلوعه .. انا مب دلوعه
مهره: فيصل بكبره دلوع امه .. خلاص ما بعطيه ايس كريم
ميره: ومنصور كله اي معانا .. ما يروح ويا باباته
مهره: لا عاد منصور خط احمر ما اقدر اسويله شيء .. وبعدين منصور باباته محد
ميره: عيل يوم باباته بي خلي يروح معاه
مهره: جان زين اي واقعد معاه دقيقه بس .. ما يقدر اي لانه فوق عند الله
ميره: انزين بس نازعيه
مهره: حاظر .. من عيوني الثنتين .. تبين شيء بعد
ميره وهي تمسح دموعها: لا بس خلاص
مهره: يلا تعالي خلينا ننزل
نزلوا مهره وميره .. وراحوا عند البقيه .. وزعت مهره عليهم الآيس كريم .. انشغلت مهره بالسوالف مع نوف وسلوى ونست سالفة ميره .. عصبت ميره منها وراحت تشتكي عند حمدان
ميره: خالي حمدان شوف مهره
حمدان: شو فيها
ميره: قالت بتنازعهم .. وما نازعت حد يالسه تتكلم مع ماما وسلوى
حمدان: يمكن نست انزين
ميره: لا ما نست
حمدان: انزين الحين شو تبيني اسوي
ميره: نازعها .. عشان مره ثانيه تسمع الكلام وما تكذب
حمدان : مهووور
مهره: هلا
حمدان: ليش ما تسمعين كلام ميره وتكذبين عليها ها
مهره : انا كذبت عليها !! ... متى؟؟؟
ميره : هىىىئ شفت شفت بعدها تكذب
حمدان: لا تكذبين
مهره: انزين ف شو كذبت
ميره : قلتي بنازعهم وما سويتي شيء
مهره: نسيت انزين .. استغفر الله
ميره: خلاص روحي البيت ما اباج . بقعد مع خالي حمدان
الكل : ههههههههههههههههههههههههه
مهره: ها البنت ما خلت شيء ما شلته .. امي وخذتها.. خالي وخذته .. واخوي وخذته .. والحين ريلي وتبا تاخذه بعد .. باقي بس تاخذ اسمي
ميره: لا يع اسمج مب حلو اسمي احلى
الكل: هههههههههههههههههههههههههههههه
مهره: ترا نفس الشيء بس حرف واحد الي غير
ميره: حتى لو .. وبعدين نازعيهم ولا ردي بيتكم
مهره: نازعتهم انزين ما سمعتيني
ميره : لا
مهره: استغفر الله .. خلاص سامحيهم اخر مره ما يسمعون كلامج جذي زين ؟؟!
ميره: وإذا حد قالي شيء ولا سوالي شيء
حمدان: بوديه السجن شرايج ؟؟!
ميره حظنت حمدان وباسته على خده: حلوه الفكره ... خالي حمدان تدري اني احبك
جاسم : مهور سمعي شو تقول
سلوى: لا لا مهور هدي ترا عادي الا هي بنت صغيره
جاسم: لا انا من رأي تاخذينها وتعقينها ف البحر .. هذا حمدان مب اي حد
مهره: شفيكم بسم الله
سلوى وجاسم : مستحيييييييل
مهره: شو
سلوى: شفتي ميروه شو سوت ولا ؟؟
مهره: شفتها .. بس دواها عندي بعدين الحين ابا استأنس
......................
بيت بوحمدان .. كانوا بعدهم متجمعين .. وسهيل استغل الفرصة بما ان مافي حد غيره هو واخوانه حتى ام حمدان راحت اتسوي العشى .....
سهيل: بما ان صرنا بروحنا ابا اقولكم شيء
ابو حمدان: قول
سهيل: نويت اكمل نص ديني .. يعني ابا اتزوج
ام سلطان: هذي الساعه المباركة .. وأخيراً ما بغيت
ابو حمدان: انزين منو تبا تاخذ
سهيل: والله ما عندي حد معين .. ابا امي ميره تختار لي وحده
ام سلطان: من عيوني الثنتين .. وان شاء الله احصل وحده تستاهل انها تاخذك
سهيل: ان شاء الله
............................
عند قوم خليفه كانوا توهم حاطين العشا وبيتعشون .. و كانوا الشباب بصوب والبنات بصوب .. عند البنات كلهم كانوا ياكلون الا مهره كانت اتأكل فيصل
نوف: مهور كلي .. خلي فيصل بروحه بياكل
مهره: ما ابا اكل
سلوى: شو مسويه رجيم الأخت
مهره: لا بس شبعانه
سلوى: امممم ... اقول نوف شرايج تخبرين ريلها ولا سلطان
نوف: دقيقه الحين بكلمهم
مهره: شفيكم انتو الاثنين .. خلاص كلوا انا باكل بعدين
ميره: ماما فيني رقاد
نوف: يلا تعشي وبعد شوي بنرد البيت
...................................
نقدم الأحداث .. رد كل واحد بيته
في بيت حمدان .. حمدان دخل الحمام ( وانتو بكرامة ) يتسبح اما مهره ف كانت مخلصه من زمان وقَعَدت فالصاله .. كانت تحس بتعب ف جسمها وتحس بدوخة
.. بعد كم دقيقه طلع حمدان وما لقى مهره ف الغرفه طلع الصاله وشافها منسدحة
حمدان: ليش قاعده فالصاله
مهره: برد داخل
حمدان: سكري المكيف انزين ليش ما سكرتيه
مهره: لأنك ما تحب الغرفه تكون حاره
حمدان: انزين تعالي بقصر عليه
قامت مهره شوي وردت قعدت
حمدان: شفيج!!
مهره: حمدان احس بدوخة وعوار ف جسمي
حمدان: كليتي شيء اليوم
مهره: مالي نفس اكل .. ساعدني عشان أقوم ابا انام شوي
ساعدها حمدان عشان توقف ومشت خطوتين وكانت بتطيح لو حمدان ما كان ماسكنها
مهره: حمدان ما اقدر الدنيا ادور
شلّها حمدان ووداها داخل ومهره على طول رقدت من التعب
...................................
اليوم الثاني في بيت ابو حمدان .. شوق كانت ناشه من وقت وقاعده ف الصاله... ملت من قعدتها ف الصاله فراحت اتسوي ريوق وسوت سويت .. حطت الريوق وقالت بتروح اتقومهم عشان يتريقون .. دقت باب امها وأبوها وطلعوا محد كانوا طالعين قبل لا تنش .. وبعدين راحت غرفة ناصر وطبعاً بعد ضرابه وحشره قام .. راحت غرفة فهد ولقته واعي
شوق: يوم انك واعي من زمان ليش ما نزلت تحت مخليني قاعده بروحي كأني جنيه
فهد: زين عرفتي نفسج
شوق: سخيف استغفر الله .. قوم تريق
فهد: ليش مسويه حشره الحين .. خلاص بنزل اطلعي برا
شوق : وبعدين ليش غرفتك جذي وصخة
فهد: انتي شو تبين الحين .. خلاص اطلعي
شوق: اوك خلاص بطلع .. بس تعرف شو بسوي
فهد: لا ما اعرف
شوق: بروح اقول حق مهور انك تحب ربيعتها وتباها بعد
فهد: اعوذ بالله وانتي كيف تعرفين
شوق: كيف اعرف ها ... نسيت انك قتلي 😈😈😈
فهد: تعالي ابا اقولج شيء
شوق : هههههههههههه ما تمشي عليّ يا بابا هههه
ركضت شوق برا الغرفة وفهد وراها خايف انها تروح وتخبر مهره صدق ... شوق لفت وراها عشان اتشوف اذا بعده يلحقها ولا لا .. وشافته وراها .. طلعت برا وراحت قسم سهيل اول ما بطلت الباب دعمت سهيل
سهيل: شفيت مسوي ازعاج .. وبعدين شو انتي ما تشوفين
شوق وهي تنخش وراه: خالي شوفه يبا يضربني
سهيل: شفيكم ؟؟
فهد: يبالها ضرب ها المخلوقه .... وايد صايره سخيفه ها الايام
سهيل: قوموا عني بطلع انا مب فاضلكم
شوق: بي معاك والله اذا تميت معاه بيضربني
سهيل: لا انا بطلع مع شباب وين اوديج معاي
شوي ولا اي ناصر وكاشخ اخر كشخة: خالي انا جاهز
شوق : لا والله بتطلع مع ربعك ها
سهيل: الحين انت ما لقيت تتجهز الا الحين
ناصر : شسالفه!!
سهيل: يلا روح السياره وانا الحين بي .. وانت لو ضربتها يويلك
شوق: يعني جذي خاف خلاص
سهيل: حمدان هني ما يقدر يسويلج شيء
فهد : تعالي خلاص ما بسوي شيء
شوق: ما ابا بروح عند قوم حمدان
فهد: مينونه انتي شو تروحين هناك .. دخلي داخل لا اصفعج
سهيل: انا بعدني ما سرت وانتو جذي .. ادخلوا داخل
فهد : خلاص انت روح ليش واقف
سهيل : كيف اروح وهاي لاصقه فيني كأني بضيع
فهد سحب شوق من ورا سهيل .. وسهيل راح .. اما شوق وفهد راحوا يتريقون من بعد ما فهد هددها بالضرب اذا قالت شيء حق مهره
............................
في نفس المكان ف قسم حمدان .. كانت مهره توها مخلصه سباحه وقاعده تمشط شعرها .. فجأة حست بعوار ف بطنها .. قعدت شوي عشان يخف العوار .. دخل حمدان عليها الغرفه لانه استغرب تأخر مهره
حمدان: احلفي انتي بس.. من الصبح اترياج تحت وآخر شيء القاج قاعده هني
مهره وهي ماسكة بطنها : افف حمدان لا تتكلم وايد
حمدان باستغراب : شفيج .. وبعدين انا اكلمج ليش ما اتطالعيني
مهره: حمداااااان .. بس خلاااص
حمدان قعد قدام مهره : شفيج انزين!!
مهره: حمدان بطني ما اقدر أتحرك
حمدان: خذيتي دواج
مهره: ما اقدر اكل شيء
حمدان: انزين قومي بوديج المستشفى
مهره: ما ابا .. ما اقدر أتحرك .. ازقر خالو أباها ضروري
حمدان: امايه محد طالعين من الصبح
مهره صرخت : حمداااااااااااااااااااان .. ااااه حمداااان بطنييي بموووووووووووت ما اقدرررر
شلّها حمدان وصاروخ على المستشفى
.
.
.
.
.
.
.
.
أنت تقرأ
بكلمة عمري والعمر فاني .. انت غير الناس عندي ولَك غلا ثاني
Roman d'amourالروايه من وحي الخيال لكن بعض احداث الرواية مقتبسه من الواقع
