بكلمة عمري والعمر فاني .. انت غير الناس عندي ولَك غلا ثاني

و41 الاخير

فهد بصدمه: يبااااااااااااا انتتتتتتتت تعررررررف !!
ام حمدان: تعرف ولا خبرتني .. على الأقل لمح لي السالفه ليش سكت كل ها الفتره ؟؟!
ابوحمدان: انا عرفت السالفه بالصدفه .. ومن اول ما ياب حمدان البنت وانا كنت مشبه عليها .. كنت اشوف فيها ملامح حد انا اعرفه لكن ما قدرت اتذكر .. لكن اليوم الثاني الي يا فيه فهد منهار .. قتلكم خلوه بروحه بيتكلم اذا يبا.. لكن الصدق اني سألت من وراك وعرفت قصتك والسبب الي رجعت فيه منهار هذاك اليوم هو انه يدة التوأم توفت وفنفس اليوم بنتك شما ضاعت .. وبعدين اكثر عن مره سمعتك تكلم شمايل .. وشفتكم هذاك اليوم يوم شفت شما قالتلك بابا وبعدها تأكدت من الموضوع
شوق: والبنات الحين وينهم ومنو معاهم
فهد( بكذب ) : انا مأجر شقه وهم هناك ومعاهم المربيه مالتهم
شوق: كيف يطاوعك قلبك أتخلي بنات صغار مع المربيه ولا ف شقه بعد
فهد: انا مأمن الشقه قبل لا اسكن بناتي فيه .. والمربيه كانت اتساعد المرحومة ف فترة حملها
ابو حمدان: قوم يا ولدي روح يب البنات خلهم يقعدون عندي .. كنت بطردك من البيت لو اني ما اعرف السالفه عدل بس الي سويته خلاك تكبر ف عيني اكثر وأكثر
ام حمدان: بس انا مب موافقه انه يدخل عيال حرام ف بيتي
مهره: عموه استغفري ربج .. هذيل عيال فهد بالحلال .. مستحيل يسوي شيء حرام من وراكم وبعدين مب زين بنات ف ها السن يسمعون ها الكلام
ام حمدان بعصبيه: حمدان سكت حرمتك احسن لك .. لا تدخلين في موضوع ما يخصج .. وبعدين السالفه عائلية يعني بينا نحن الأهل مرتزه هني ليش .. قومي انقلعي بيتج
مهره : مشكورة ما قصرتي
قامت مهره تبا تطلع بس حمدان مسك أيدها ورد يقعدها
حمدان: اقعدي ما خلصت السالفه
ام حمدان: شو انتو تبون تيننوني .. تعبت منكم .. وانت اسمعني عدل بناتك لو شفتهم ف البيت بفرهم ف الشارع سمعتني ولا لا
ابوحمدان: روح يب بناتك يا فهد وخلهم عندي فالبيت .. فبيتي انا
ام حمدان: انا قلت البنات ما يدخلون البيت يعني ما يدخلونه
ابوحمدان: البيت هذا بيتي انا .. والشور شوري
ام حمدان: مب على كيفك اتمشي الأمور وبعدين اذا شفت البنات ف البيت والله العظيم بفرهم ف الشارع
مهره: عمتي استهدي بالله ما يصير الي قاعده تقولي...
ام حمدان: انتي شو ما تفهمين جب .. لا اتدخلين عصج ف شيء ما يخصج
شوق: ماما حرام وين تبينه يحطهم وبعدين هذيل بنات مب اولاد
ام حمدان: مب مشكلتي انا
ناصر: بس انتي ام ... والام أتكون منبع الحنان صح .. مب انتي كنت اتقولين لنا دايماً .. مب هذا كلامج .. الي انا اعرفه ان الام هي الشخص الأحن والارحم لعيالها.. اعتبري ها البنات بناتج انتي مب بنات فهد .. عطيهم الامومه مثل ما عطيتينا .. يما تراهم فقدوا اغلى ما عندهم .. فقدوا اعظم شيء .. ما يقدرون يقولون ماما الحين .. كوني انتي اول وحده يقولولها ماما

مهره: صح كلامه ناصر.. وإذا ما تبينهم .. خليهم أيون البيت وبيقعدون عندي و وعد مني انج ما اتشوفينهم الا اذا طلبتي بنفسج هذا الشيء .. بس شو ذنب ها الأيتام ف غلط ارتكبه فهد .. هو صح المفروض يشاورنا قبل كل شيء .. بس ما تعرفين شو كانت ظروفه ف هذاك الوقت

حمدان: يمه الانسان مب معصوم عن الغلط .. كل الناس تغلط ورب العالمين يغفر .. سامحيه ادري انج صعب تتقبلين الموضوع بس اقعدي معاه اعرفي شو فيه شو ما فيه يمكن ورا زواجه هذا قصه وما قالها اقعدي وأسمعيه

ام حمدان: قول الي عندك
فهد: مره كنت رايح الصيدلية .. دخلت وشفت وحده تترجا الصيدلي بس عشان يعطيها دوا وكانت اتصيح ..انا قضيت الي أباه وطلعت .. قعدت فسيارتي وكنت توني بحرك السياره ولا اشوف نفس البنت طلعت وهي اتصيح لدرجة انها قعدت على الارض واتصيح .. نزلت انا ورحت اسألها عن سبب صياحها هذا كله .. قالتلي ان امها حالتها وايد تعبانه وتبا تاخذلها الدوا بس الدوا غالي وفوق هذا ما يصرفونه لها الا بوصفه طبيه .. اقنعتها تركب معاي ورحنا بيتهم .. شلينه امها ووديناها المستشفى كشف عليها الطبيب وغيره ووصف لنا دواها وخذيناه من المستشفى .. يمه تعرفين شو قالتلي وقتها .. قالتلي يزاك الله الف خير ويارب يرزقك بزوجه صالحه .. والله الي سويته ولدي ما سواه .. انا استغربت من السالفه طلعت وسألت البنت وقالت ان هم عندهم كل خير بس اخوها ما خذ كل حلالهم ومخلنهم هم بهذي الحاله ... وقتها شفت معاملة أخوهم لما يا وزار امه اتخيلي انه كان يضرب امه وأخته قدامي .. والله العظيم عورني قلبي عليهم .. رحت وحاولت أدافع عن الام بس قالي مالك دخل فيهم .. تميت أسبوعين وانا كل مره احلم ف نفس البنت تطلب مني المساعده .. وما كان قدامي غير اني أتزوجها ف أصير انا المسوؤل عنها وعن امها بما ان امها تحت مسؤوليتها هيه

ام حمدان: لا حول ولا قوة الا بالله ... اسمع انا موافقه انك تيب البنات هني .. لكن يتمون عند مهره مثل ما قلتوا ما ابا أشوفهم وتراكم وعدتوني
فهد وهو يبوس راس امه : يزاج الله الف خير مشكورة يا اميه
.............................
بعد اربع سنوات
فهد: اتزوج " روضة " ربيعه مهره وعندهم
( شمايل ، شما ، حور ، فيصل )
خليفه: اتزوج شوق اخت حمدان وعندهم ( غلا)

سلوى: تقدم لها عبدالعزيز و وافقت والحين عندها ولد كتكوت سمته ( خليفه )

سهيل: تعرف على وحده اسمها جواهر من طرف ام حمدان وحبها واتزوجها والحين عندهم ( راكان وسعد )

ساره وطلال: حياتهم مليان حب وعطف واحترام وعندهم ( عمر و بدور)

سلطان ونوف: ثنائي مرح وزادهم حلاوه عيالهم ( فيصل وميره ) وياهم مولود جديد سموه ( سعيد )

ابطال روايتنا
مهره وحمدان : حياتهم فيها المر وفيها الحلو .. وفيها الخير وفيها الشر .. دايماً يواجهون تحدياتهم بروحهم .. الله رزقهم ببنت و ولد ( الود و راشد )

::::::::::::::::::::::::::::::::
تمت

لانها اول روايه لي و بصراحه انا حبيت اجازف واكتب والحمدلله حققت امنيتي باني اكتب رواية .. وحبيت التجربة .. اذا في اخطاء إملائية او شفتوا في اخطاء ف الروايه فاعذروني لانها اول روايه لي وانا فعلاً تعملت وايد اشياء اثناء كتابتي للرواية .. واسمحولي اذا طولت عليكم.. وحالياً أفكر اكتب رواية ثانياً وبتكون احسن عن هاي الروايه ان شاء الله .. برأيكم تنصحوني اكمل ولا ؟؟!

حبيت اشكر الكاتبه (RHA553) لانها فعلاً ساعدتني ف الأفكار وغيره وشكر خاص لمتابعتي الجميلة ( Seniora 23) وأحب اوجهه تحيه خاصة لتوامتي وصديقة دربي ( روضة النعيمي) لاني فعلا تعبتها معاي و كانت هيه بعد من اكثر الداعمين لي ❤️❤️

.
.
.
.
.
.