بكلمة عمري والعمر فاني .. انت غير الناس عندي ولَك غلا ثاني

26

يوم الجمعه الصبح .. كانوا كلهم ف بيت اليد يتجهزون حق الطلعه .. وطبعاً حشره و ربشه ف نفس الوقت
ف الصاله كانت مهره قاعده بطلب من امها عشان ما تتعب شوي ودخل طلال وماسك ايد ساره
طلال: اقعدي هني ولا تتحركين
ساره: شو اقعد عيب طلال اقعد والحريم يشتغلون
طلال: لا مب عيب وإذا حد تكلم خبريني .. وبعدين انتي وراج درب بتتعبين اكثر جذي
ساره: انزين خلني اقص السلطة بس وبعدين بقعد
مهره: اقعدي وهم رواحهم بيقصون السلطه .. سبحان الله يوم تحملين تحبين تشتغلين
ساره : هههههههههههههه .. ترا تيني طاقه جي احب أتحرك
طلال: لا تتحركين اقعدي ولا ترا ما بنروح معاهم
ساره: خلاص انزين ما بتحرك
طلال وهو يشوف مهره : ممكن يعني اتسكرين عيونج شوي
ساره وهي ادز طلال: خلاص اطلع عيييب
مهره: هههههههههه لا خليه .. شو رايك اخ طلال اطلع انا برا وتقعد انت معاها وأي يدي ويشخطك بالمحنايا
طلال: لا لا افا بس .. خلاص انا بروح عند الشباب وانتي لا تتحركين
ساره: اوك اوك
مهره: ياهل ياهل يهددونها عشان ما تتحرك هههههههه
ساره: هههههه والله شو تبيني اسوي ترا يسويها صدق ما بيطلعني ويمكن أسبوع بعد
مهره: انزين اسمعي كلامه انتي لا تعاندين
ساره: ليش قالولج مهره عشان اعاند
مهره: والله لو انج مب حامل جان انضربتي
ساره : هههههههههههههههه
.....................................
بيت بو حمدان كانوا يجهزون الأغراض .. وحمدان وشما طالعين من زمان ...
شوق بصراخ: فهد تعال شل ها الكرتون ثقيييييل
فهد: بس بس شو ها الإزعاج ليش اتصارخين
شوق: شو ليش اصارخ تعال شله من متى ازقركم ومحد يرد عليّ
ناصر وهو ياي: يا الله على الكذب توج بس زقرتي فهد
شوق: انته لو اتقول ا الحين بتنضرب
ناصر : ا
ركضت شوق ورا ناصر عشان تضربه وطلعوا برا .. وفهد قعد يطالعهم مستغرب
فهد: يهال يهال الحمدلله والشكر
ام حمدان: فهد ما شفت اخوك حمدان
فهد: لا يمه يمكن راح الدوام
ام حمدان: لا ما أظن لانه ماخذ شما معاه
فهد: شما ؟!! ... منو شما هاي بعد
ام حمدان: هذي بنت اَهلها هاملينها ومعطينها حق واحد وزين ما ضيع شرفها لو اخوك حمدان وربعه ما تلاحقوا عليه والبنت من هذاك اليوم وهي ما توخر عن حمدان
فهد بصدمه: معقوله في جذي الحين !!!.... ومهره تدري
ام حمدان: هيه تدري
فهد: شوووووو!!! ... لا لا انتو فيكم شيء كيف تدري ومخلتهم جذي وحمدان كيف يطلع مع البنت بروحهم .. حرام
ام حمدان: هههههههههههههه ... البنت صغيره عمرها 9 سنوات
فهد: اونههههه!!! ... ما اصدق
ام حمدان : لا تصدق .. شل ها الكرتون وحطه ف سيارة ابوك
فهد : انزين .. تبين شيء بعد
ام حمدان: لا بس هذا .. واتصل ف حمدان خله اي بسرعه قبل لا نتأخر على الجماعه
فهد: ان شاء الله
راحت ام حمدان راحت تكمل باقي شغلها وفهد اتصل ف حمدان وما رد عليه .. لانه حمدان كان توه واصل وقعد يهزب شوق وناصر اما شما ف دخلت الصاله
شما: السلام عليكم
لف فهد وانصدم : شمااااااااااااااا
شما: بابا
راحت عند فهد وحظنته وقَعَدت اتصيح وفهد نفس الشيء
فهد : وين رحتي يا عيون بابا ليش خليتيني
شما: خالي صالح شلاني و عطاني حق هندي
فهد بصدمه: انت الي مع حمدان
شما هزت رأسها بهيه
فهد وهو يمسح دموعها: خلاص بابا لا تصيحين ولا تقولين حق حد اني ابوج اوك
شما: ليش بابا
فهد: عشان ما يسون فيج شيء .. انا بروحي بخبرهم .. ولا تزقريني بابا اوك
شما: اوك... بابا وينها شمايل
فهد: شمايل ف البيت عند سيتا .. بيبها عندي بس مب الحين
شما: حرام بابا بتقعد بروحها
فهد : بنروح عندها كل يوم بس ما ابا حد يدري اوك
شما: اوك (وردت حظنت فهد )
...................................
نقدم الأحداث شوي ... الظهر راحوا الريايل عشان يصلون اما باقي الحريم قعدوا يطبخون وكانوا موزعين المهام من بينهم .. الكبار عليهم الغدا وساره عطوها اتقص السلطه اما شوق ومهره عليهم السويت .. ونوف القهوة والجاي والعصير ..وكلهم خلصوا الا نوف لانها قالت بتسوي شغلها يوم الكل بيخلص .. قعدت فالمطبخ اتسوي القهوة والشاي والعصير كانت مخلصتنه من زمان .. شوي ودخل عليها سلطان
سلطان: نوف عطيني ماي
نوف: هذي الثلاجة خذ دبه واطلع
سلطان: لا انا أباج انتي تعطيني
نوف: يا ربيييه .. الحين منو الياهل انته ولا فيصل
سلطان: ابا ماي
راحت نوف طلعت ماي وعطته سلطان ووقفت اتطالعه
سلطان: الحمدلله .. شفيج جذي اتطالعيني
نوف: ماشيء
و ردت لشغلها .. وسلطان قعد يطفرها لين صارخت عليه وسوا نفسه بيطلع وزقرها
سلطان: نووووف
نوف وهي تلف عليه بعصبيه: نع....
قطع كلامها ماي بارد رشه عليها سلطان .. وشرد وهي ركضت وراه وف أيدها ماي ويوم شافته وقف رشت الماي بسرعه .....الصدمة 😂😂😂
نوف حطت أيدها على حلجها : ابوياااااا !!
ابو حمدان وهو يمسح الماي على ويهه: هيه ابوج .. ياهل انتي تلعبين بالماي ولا ماي بارد بعد
نوف: والله أسفه كله من سلطان
ابو حمدان: وين سلطان ما اشوفه .. اذا انتي الام وجذي اتسوين باجر عيالج شو بيسون ها
نوف نزلت رأسها: أسفه وآخر مره .. بس والله انك انت وسلطان نفس الطول
ابوحمدان: خلاص روحي كملي شغلج وخلي عنج ها الحركات
نوف : ان شاء الله
راحت نوف وطلع سلطان وقعد يضحك هو وأبو حمدان على نوف
ابوحمدان: اخر مره أنازع بنتي بسببك ها
سلطان: ههههههههههه والله يا خالي كانت معصبه من اول ما قامت .. الحين تلقاها قاعده تضحك
ابوحمدان: الله يحفظكم .. يلا بروح انا عند ابو سعيد ( اليد) يتراني
سلطان: يلا انا ياي معاك
.................................
نقدم الأحداث شوي .. العصر كانوا كلهم يالسين برا .. لانه الجو صاير حلو وبارد شوي .. وحطوا السويتات والقهوة والشاي سوهم مره الثانيه .. وقعدوا كلهم تحت العريش حوالين اليد وكلهم يسولفون واليهال الصوب الثاني عند الألعاب ومعاهم الخدم
خليفه: يدي الخيول لين الحين عندك ولا؟؟
اليد: هيه موجودين لين الحين وعدلت مكانهم اكثر صار احلى عن قبل
طلال : يدي السهم اهم شيء
اليد: لا هذا ما أي صوبه أبداً
مهره: عفواً اخ طلال قصدك شعله اهم شيء
سلوى: وين تبين اخت مهره .. طبعاً الشقرا الاهم وشيختهم بعد
سلطان: اقول انتي وياها .. ما في احسن واحلى عن البرق وأسرع بعد اسم على مسمى
مهره: لا والله احلف انته بس نسيت شو صار اخر مره اونه الأسرع اخر شيء خسر
خليفه: شرايكم انسوي سباق وبعدين بنحكم منو خيله الأسرع
مهره: انا موافقه و واثقه اني شعله هي الي بتفوز
طلال: خلاص بنشوف اليوم .. والخسران يلبي طلبات الكل
الكل: موافقين
نوف وهي تهمس لمهره: شوفي حمدان كيف يطالعج
مهره: هيه شفته من الصبح ملاحظه تصرفاته
نوف: شكله يبا يكلمج
مهره: ما اعتقد .. لانه لو يبا كان بيتكلم من زمان
نوف: انزين روحي شوفي اليهال
راحت مهره اتشوف اليهال ... وبعدها بكم دقيقه راح ورآها حمدان
عند مهره كانت تلعب مع اليهال
شما: خالو دزيني على المريحانه
مهره: اوك تعالي
ميره: انا بعد ابا
مهره يلا اوك اركبي .. بدز اول شيء شمووه وبعدين انتي
تمت ادز شما .. وكل ما ارتفعت ارتفع صوت ضحكتها .. وبعدين دزت ميره ونفس الشيء وكل شوي ادز وحده وضحكتها اعلى عن الثانيه
شما: هههههههههه خلاص خالو .. هههههه بس
مهره وهي تنزلها: هههههههههههه .. حلوه ضحكتج ههههههه
شما: بابا يقول ضحكتني نفس ماما
مهره: الله يرحمها
ميره: عمو انا بعد شبعت خلاص نزليني
نزلتها مهره
ميره: يلا عمو الحين اركبي انتي ونحن بندزج
مهره: ههههههههههههههههههههههههههههه
شما: هيه صح حلوه الفكره
مهره: هههههههههه لا انتو مب صاحين اليوم... عيب ما يستوي اركب
شما وميره: لييييييييييش
مهره قعدت على ريولها عشان توصل بطولهم: لانه في ري..
قاطعها حمدان من ورآها: لانه في ريايل .. وهي الحين حرمه ما يصير تركب والريايل موجودين
وقفت مهره ولفت عليه : حمدان من متى انت واقف هني
حمدان: من اول ما بديتي ادزينهم
ميره: خالي حمدان..بتلعب معانا
حمدان: بعدين الحين انا بكلم مهره شوي وبعدين بي لكم اوك
اليهال: اوك
مسك حمدان ايد مهره وراحوا صوب الزراعة .. الي مكانها يبعد عن الألعاب والعريش
حمدان: انتي كل مره جي مع الشباب
مهره: تراهم عيال عمي
حمدان: حتى لو ما اباج جي مطيحه الميانه معاهم
مهره: حمدان شفيك .. ليش انا شو قلت ولا شو سويت
حمدان: ما اباج تقعدين معاهم انزين
مهره: لا مب انزين.. حمدان ما يصير جذي وبعدين انا اقعد معاهم وانا ساتره نفسي
حمدان: أغار عليج و ما ابا حد يشوفج غيري
مهره: حمدان هذي مب غيره .. في فرق بين انك اتغار وأنك اتمشي الشخص على مزاجك
حمدان: الحين انا امشيج على مزاجي
مهره: هذا الي الواضح
حمدان: اوك .. سوي الي تبينه انا ما لي دخل فيج .. بس بعد العرس لو نطقتي بحرف واحد يويلج
مهره: ما أباك
حمدان بصدمه: شووووووووو!!!
.
.
.
.
.
.
.