بكلمة عمري والعمر فاني .. انت غير الناس عندي ولَك غلا ثاني

18

طلال بخوف: دواج وينه

ساره: هناك عند التسريحة او الكبت ما اذكر ... ااااه طلال بسرعه

راح طلال يدور بسرعه .. وساره او ما شافته ابتعد عنها نطت وبطلت الباب

ساره : ههههههههههههه .. 1-0 ... هههههههه.... اتلبس بسرعه يدي يترياني

طلال بصدمه: انتي ما فيج شيء

ساره: لا ما فيني يلا بسرعه اتلبس عشان نطلع

طلال اونه زعلان: ما عليه لا تكلميني ها .. حتى لا تقربين صوبي روحي عند يدج خليه يكلمج

ساره: ههههههههههههه ما تمشي علي ها الحركات يلا بسرعه انا بروح عند سلوى

........................................

عند مهره اتصلت ف يدها وخبرته انها بتمر عليه وهو رحب فيها .. طلعت مهره من البيت بعد ما سكرت كل الليتات ف البيت بعد نص ساعه وصلت البيت وشافت سيارة طلال ... دخلت عليهم

مهره: السلام عليكم

الكل : وعليكم السلام

راحت سلمت على الكل وحطت الاكياس الي عندها على الطاولة

جاسم: مهوور يبتيلي الي قتلج عنه

مهره وهي اتشل عمر : هيه يبت ويبت حق البقيه بعد

سلوى بطفولة : شو يبتيله وما يبتيلي

مهره: كريب وعصاير يعني من ها السوالف .. وتراني قلت يبت حق الكل

اليده: غريبه اليوم عندنا مب عند خالج

مهره: كنت عندهم بس بعدين رديت البيت لان الدوام طالبين اوراق طلعتلهم اياه ومريت عليكم

اليده: لا زين فكرتي فينا اول مره ترا

اليد : مريم ... شو قايل انا

اليده: افففف زين زين

اليد: مبروووووك مهره منه المال ومنج العيال

مهره كانت تشرب عصير واول ما سمعت كلام يدها غصت : كحححح كككح كححححح

ساره وهي تضربها على ظهرها على الخفيف : بسم الله شوي شوي انزين

مهره وعيونها احمرت من الغصه : شو يدي ههههه غلطان تراك هههه .. والله خوفني منه المال ومنج العيال قال ههههههههههههه

اليد: لا مب غلطان .. بس شكلهم ما خبروج ... وترا ملجتج بعد كم اسبوع

الكل انصدم بهالخبر ومهره صرخت : شوووووووووووو!!!!!

جاسم: شتقول يدي منو خاطبنها .. وبعدين انتي كيف وافقتي بدون ما تعرفين منو

مهره: والله العظيم اني ما ادري عن شيء .. يمكن مقلب صح يدي؟؟

اليد خبرهم عن السالفه كلها ... واول ما خلص انفجرت ساره من الضحك والكل مستغربين منها