بكلمة عمري والعمر فاني .. انت غير الناس عندي ولَك غلا ثاني

35

بيت طلال .. كانت يالسه تقرا القران واندمجت فيه وقَعَدت تقراه بصوت عاليّ بدون ما تحس .. فاجأها صوت
.. : توني اعرف ان صوتج حلو ف تلاوة القران
مريم بصدمه: طلاااااااال !!!
طلال: أسف اذا أزعجت
مريم: لا عادي
طلال: ما كنت مقتنع اني اطلعج من هني ابداً .. حتى لما ساره كلمتني وحاولت معاي .. واليوم كنت ياي وناوي أسألج .. بس يوم سمعت صوتج وعرفت انج تقرين القران .. حسيت انج صدق تغيرتي
مريم: انا اسفه يا اخوي سامحني .. مستحيه منك ومن امي وابوي واهلنا كلهم .. ما اعرف كيف بقابلهم ولا شو بقولهم .. طلال انا حتى مستحيه من ربي .. اتخيل اني اقعد اصيح ف صلاتي .. حتى اني ما اقدر ادعي .. احس من بعد الي سويته مالي حق ولا ويه اني أقابل ربي واطلب منه
طلال: أتمنى انج تعلمتي درس .. اطلبي الرحمة والمغفرة من ربج .. ادعي ان الله ما يردج بالطريق الي كنت تمشين فيه قبل .. وبعدين افرحي بتطلعين من السجن هذا .. صرتي حره تقدرين اتشوفين حياتج الحين بدال العزله الي عيشتج فيها
مريم حضنت طلال وقَعَدت اتصيح .. قعد طلال يهديها
طلال : يلا جهزي ملابسج بردج البيت
مريم ابتعدت عن طلال : هههههه ليش ويهك استوا احمر
طلال وهو يمسح على شعره: مب متعود احضن حد او حد يحضني غير ساره
مريم: هههههههههههه
طلال: هيه جذي اباج خليني اشوف ابتسامتج.. وبعدين يلا اتجهزي انا اترياج برا
مريم: طلال صبر شوي .. ابا اطلب منك طلبين
طلال: امري
مريم: ما يأمر عليك عدو .. اول طلب أباك توديني بيت مهره عشان اعتذر منها .. لانها وايد تأذت بسببي
طلال: من عيوني .. الطلب الثاني
مريم: ابا اروح العمره
طلال مستانس من طلبات اخته : من عيوني .. بأخذ اجازه 3 ايام وبوديج ان شاء الله
.................................
بيت ابو حمدان .. كانوا قاعدين يطالعون التلفزيون من بعد ما خلصوا الريوق
شوق: انا بروح اشوف مهره و حمدان
فهد: شفيج انتي اليوم .. خلاص اقعدي مكانج
شوق: بروح أشوفهم تأخروا
فهد: انتي امهم وأنا ما ادري .. اقعدي لا ارفسج برا البيت الحين
شوق: انزين انت ليش معصب .. خلاص بروح ادق الجرس عشان يطلعون
فهد: تراج نشبه شوق والله جد .. ريال وحرمته .. خليهم فحالهم
شوق: اصلاً حمدان محد يعني لا تتفلسف .. وبعدين بروح اشوف مهور اشتقت لها
فهد: والله العظيم لو طلعتي ... بربطج على الشيرة ( الشجرة) الي برا وبخليج هناك اتنابحين
شوق : يع يع .. يصير كريه اذا عصب .. مالت عليك افف
................................
في المستشفى
حمدان: ( كانت راقده من بعد التعب والآلام .. وقف قلبي من الصريخ الي سمعته منها اليوم .. وكانت اتصيح كأنها ياهل .. خفت عليها وايد .. بس الحمدلله انها الحين هدت شوي .. عطوها مسكن ونامت كالعاده او اغمى عليها يمكن .. الحين اترياها تقوم .. عندي شيء ابا أقوله لها وفنفس الوقت خايف من ردة فعلها .. ما ادري ليش احس لها رأي ثاني فالموضوع هذا .. الله يستر بس ... لحظة لحظة .. كأني لمحتها تتحرك .. استغفر الله اكيد اتخيل .. اتخيل اتخيل انا متأكد ..)
مهره ضغطت على ايد حمدان
حمدان: مهور حبيبي قمتي ولا يتهيأ لي
مهره فتحت عيونها بتعب : حمدان
حمدان : عيون حمدان وقلبه .. الحمدلله على السلامه
مهره: الله يسلمك .. حمدان ؟!
حمدان: لبيه
مهره: شو قالوا فيني .. اكيد نقص فيتامينات وغيره صح
حمدان : هيه صح .. وبعدين ليش ما تاكلين عدل شو ها الفيتامينات الي ناقصه عندج .. وغير ها عندج فقر دم
مهره مسكت ايد حمدان: بقولك شيء
حمدان: قولي اسمعج
مهره: امانه .. ما تقول حق امي ولا سلطان ولا حتى سهيل .. والله العظيم انهم ما بيرحموني
حمدان: ليش ما تبيني اخبرهم
مهره: احم .. لان هذي مب اول مره يصير جذي
حمدان فتح عيونه من الصدمة : شووو !!! ... وليش ما خبرتيني من قبل .. خلاص من اليوم ورايح انا الي بشرف على اكلج واتكلمي عشان اصفعج .. ليش جذي هامله نفسج مب زين ترا
مهره: ان شاء الله ان شاء الله .. الحين قولهم اني بطلع
حمدان: لازم تعرفين شيء قبل لا نطلع
مهره: شو ؟
حمدان: مهره العوار الي فبطنج كان بسبب .. انج انتي ..
قاطعته مهره: اكيد بتقول اني هامله نفسي وما اكل عدل وغيره والله العظيم باكل عدل حلفت بس اول شيء طلعو..
قاطعها حمدان: حامل
مهره: 😳😳😳
حمدان: لانج حامل .. العوار الي ياج لانج حااامل .. ولازم تهتمين بصحتج اكثر عشان الي فبطنج
مهره( تبون الصراحه فرحاااااااااااانه ودي اسوي عرس وأخيراً بيكون عندي بيبي صغير يقولي ماما ... الحمدلله يارب .. بس تعرفون شو .. بتنيذل على حمدان 😂😂)
::::::::::::
مهره: خبرت حد ؟!!
حمدان: لين الحين لا
مهره: يا ليتك ما خبرتني
حمدان : شوووو!!
مهره: حمدان ما أباه
حمدان: مهور استهدي بالله شو ها الكلام بعد
مهره : حمدان احس اني خايفه .. بتكون عندي مسوؤليات اكثر .. واحس اني ابداً مب مستعده للشيء هذا
حمدان: مهره احمدي ربج على النعمه الي انتي فيها .. غيرج يتمنى لو يسمع مثل ها الخبر .. وبعدين انا معاج وان شاء الله ما تحتاجين حد حتى
مهره: ما ادري .. احضني لو سمحت ابا اطمن شوي
حمدان: والله العظيم انج دلوعه .. اعرف انج فرحانه من زمان بس ما تبينين
مهره: ههههههههههههههه شو تباني اسوي .. قلت أصير ثقيله شوي
حمدان: والله خوفتيني .. قلت اكيد بتروح اتسوي اي شيء لانها بس ما تبا الي فبطنها
مهره: لهدرجة ههههههههههههههه .. لا يا قلبي ابا بنتي انا فديتها الي تشبه امها بس ( قالتها بدلع )
حمدان قرب ويهه من ويهها اكثر و قال بهمس : احمدي ربج ان نحن فالمستشفى ولا جان تعرفين شو بسوي ( غمزلها)
مهره دزت ويهه الصوب الثاني: هههههههههههههه حبي عاد
حمدان: انت اليوم ناويه على عمرج صح
مهره: ههههههههههههه .. خلاص روح قولهم ابا اطلع مليت والله
حمدان: من عيوني .. كم مهره عندي انا
مهره: وحده بس .. وخل أشوف مهره ثانيه اذا ما جلعت عيونها وخليتهم زينه حق المزهرية اليديده ما اكون بنت ابوي
حمدان: الأخت دكتورة جراحة وانا ما ادري
...............................
بيت ام سلطان .. اتصل حمدان ف سلطان عشان يتأكد اذا الكل موجود .. ومن حسن حظه ان حتى امه وابوه وشوق وفهد موجودين .. وسهيل وناصر فالطريق .. قالهم حمدان محد يطلع من البيت وغيره .. والكل يتساءل ومستغربين طلب حمدان .. شوي دخل حمدان وهو ماسك ايد مهره وكان مبين عليها التعب فحست فيها ام سلطان وراحت لها
ام سلطان: مهور شفيج .. ليش ويهج اصفر .. ومن وين انتو ياين
حمدان: عمو خليها تقعد عشان ما تتعب اكثر وانا بقولكم كل شيء
ام سلطان: حمدان شفيها بنتي .. ليش لون ويهها جذي
مهره وهي تقعد : ماما ما فيني شيء انا بخير الحمدلله بس تعالي اقعدي
ابو حمدان : تكلم حمدان قول شو عندك .. شو سبب الاجتماع هذا
حمدان: اليوم الصبح مهور كانت تعبانه واضطريت اني اوديها المستشفى
شوق: شفت قتلك بروح عندها وانت ما تخليني
فهد: اسكتي لا اصفعج .. من الصبح وانتي معورتلي راسي تراج
ام حمدان: بس انت وياها .. خلونا نسمع شو يقول
حمدان: وبعد الفحوصات وغيره .. اكتشفنا ان مهره ..
سلطان: شفيها مهره شو الي اكتشفوه؟؟؟
حمدان راح عند ابوه وباس راسه : مبروك بتصير يد
الكل: شووووو؟!!
نوف: لحظه لحظه ما فهمت .. شو يعني بتصير يد تراه يد عيالي لا تستهبل قول السالفه عدل
حمدان وهو يطالع مهره : هذيل ما يفهمون جذي لازم تقولين السالفه مباشره
نوف: انزين فهمنا عدل
حمدان : مهور حامل
شوق : كللللللللللللللللللللللللللووووووووووووششش .. مبروووووك
مهره : هههههههههه الله يبارك فيج
الكل سلم على مهره وباركلها وفرحان من الخبر هذا
ام حمدان: مبروك يا بنتي ... والله انكم فرحتوني بالخبر هذا .. عاد الحين انتبهي على نفسج وحمدان ياويلك اذا لعبت بأعصابها ولا لعوزتها بطردك برا البيت ترا
ابو حمدان: وطلباتها أوامر .. اي شيء تبا على طول تعطيها
حمدان: هي طلباتها أوامر من قبل لا تحمل اصلاً
منصور: مهور اذا ولد سميه على اسمي
مهره: من عيوني
حمدان: وين وين .. لا لا ما بسمي ولدي منصور ناقص خبال انا ... أسف اسم ثاني لو سمحتوا
شوق: اذا بنت سمها شوق
حمدان وفهد : يعععععععع
الكل: ههههههههههههههههههههههههههههه
شوق: لا والله .. ترا حلو اسمي ها
ناصر : بس انتي مخربه الاسم لو سمحتي البنت الي سارقه منها الاسم رجعيلها اياه .. وخلج على ميري وايد ابرك
الكل: هههههههههههههههههههههههههههههه
شوق: بابا لي..
قاطعتها مهره: لو سمحتي .. انتي دايماً جذي تسرقين ولا شو السالفه .. بابا وماما كلمتي لا تقولينها
شوق: ليكون مسجلين بأسمج وانا ما ادري .. طيري بس لا اصفعج
منصور وحمدان : جربي حظج
شوق: عفواً بس اخ حمدان انت دايماً تتكلم مع حد ما تعرف ترد بروحك
حمدان: شو اسوي يوم هم عندهم نفس الردود
قاطع كلامهم دخول سهيل وناصر .. وخبروهم عن موضوع مهره و طبعاً فرحة سهيل كانت اكثر من حمدان ومهره نفسهم حتى انه قال بيسوي عزيمة عشان حمل مهره وبتكون ان شاء الله بعد ثلاث ايام
.
.
.
.

1. تتوقعون شو بيصير فالعزيمة ؟؟
2. كيف بتكون ردة فعل مريم اذا شافت مهره .. وهل مهره بتسامح مريم بعد كل الي سوته ولا ؟؟
3.منو اكثر شخصية حبيتوها فالرواية وليش؟؟
.
.
.
.
.