بكلمة عمري والعمر فاني .. انت غير الناس عندي ولَك غلا ثاني

22

ف المستشفى .. توهم نازلين من السياره راح طلال يأخذ باقة ورد وطلعوا الاصنصير .. تبطل الباب وراحوا عند غرفة مهره
طلال وهو يعطي ساره الباقه: خذيها وادخلي
ساره توها تستوعب المكان: انته وين يايبني ووين تباني ادخل
طلال: سوير شفيج ادخلي عند مهره تراها قامت من زمان
ساره على طول دخلت داخل بدون ما تاخذ الباقه .. وشافت مهره قاعده واتطالعها وتبتسم
ساره وهي تحظنها واتصيح: مهووووووور حياتي اشتقتلج
مهره: فديتج والله انا الي اشتقتلج اكثر اشحالج
ساره وهي تُمسح دموعها: بخير الحمدلله .. الحمدلله على سلامتج ما اتشوفين شر
مهره: الله يسلمج الشر ما ايج فديتج
ساره: وااااي مستانسه لانج قمتي .. توا طلال يابني لين باب غرفتج وانا ما ادري عن الدنيا قاعده أفكر فيج والله
مهره: يا حياتي يا ساروووه .. والله أعز الناس ما سوا الي سويتيه.. وينه عمور
ساره:ويييييييه نسيته هو وطلال عند الباب
ام سلطان: مب بس نسيتي طلال وعمور نسيتنا نحن بعد
ساره بخجل: أسفه عمو والله ما شفتكم .. كل تفكيري كان ف مهروه والله
ام سلطان: لا ولا يهمج مهره نفس اختج ولازم بتخافين عليها وبتخاف عليج
مهره: عاد ساره الوحيدة الي ما اقدر اقول لا مب اختي .. والله انها أغلى ما عندي جوهره والله
ساره احمر ويهها: انا بروح ادخل طلال وعمر تحجبي عدل .. ويا راسج لازم تحرجين الواحد
مهره: هههههههههههههههههههههههههههههههههه
دخلت ساره طلال وعمر وحطت الباقه على الطاوله وقعدوا سوالف وضحك لين سمعوا دق على الباب
ابوحمدان: هذا حمدان عند الباب
ام سلطان: تعال يا ولدي محد غريب هني
حمدان: السلام عليكم والرحمه
الكل: وعليكم السلام
سار حمدان وسلم على الكل وهو بعده ما شاف مهره لانه معطنها ظهره وأول ما دخل كان منزل راسه عشان ساره
فهد: عيل وينه سهيل
حمدان : هذا سالفته سالفه .. شاري ورد وحلويات حق عيوز منتهيه صلاحيتها ويقول حبيبتي .. نرفزني العنز
سهيل عند الباب: ها ها جنك الا تغلط على حبيبتي ترا سمعت .. وآخر كلمه بطوفها لك
حمدان: الا اشوفك رجعت بالورد والحلويات شو وينها الحبيبه شردت ولا ماتت
سهيل: بعيد الشر .. بعد عمر طويل ان شاء الله .. الي اتكلم عنها وراك
حمدان: عن الغلط ها عن الغلط my wife خلها بحالها فديتها ما ادري متى تبا أتقوم
الكل: هههههههههههههههههههههههههههههه
حمدان باستغراب: شفيكم تضحكون
شوق : ترا الwife الي تتكلم عنها من الصبح تضحك عليك
حمدان لف وراه مب مصدق كلام شوق ... اول ما لف شاف مهره قاعده تضحك عليه .. ما صدق عيونه راح عندها وحظنها بشوق وحب كان يحس بشيء غريب شيء حلو وأخيراً شافها وأخيراً قامت اكثر واحد كان يلوم نفسه على الي صار فيها
حمدان: ليت الوجع بعروق قلبي ولا فيك
وليت التعب غلطان ساهي ولا جاك
لو الشفا بضلوع صدري لداويك
واطحن جميع ضلوع صدري فداياك.
الشباب: اوووووووووووووووووووووووووههه
ابتعد حمدان عن مهره شوي وهمس بأذنها : احبج مووووت ولا تسأليني شو الدليل .. شفتي رصاصة تسأل القتيل ؟؟؟
اما مهره ف ويهها حرقها من المستحى بعدت حمدان عنها وغطت ويهها بخجل
الكل : ههههههههههههههههههههههههههه
شوق: تدري حمدان انها من الصبح تسأل عنك .. اونه حمدان حبيبي وينه
نوف: هيه صح ويوم كنا بنتصل اونه لا لا تتصلون بتزعجون حبيبي وانا ما احب حد يزعجه
مهره : يالكذااااابااات انا متى قلللت جذذذي .. لا تصدقهن تراهن يكذبن عليك انا ما قلت جذي
حمدان: ادريبهن كذابات .. ما اتشوفين ولا وحده فيهن حلفت
ام سلطان: عيل وينها فاطمة
ابوحمدان: ف البيت .. بتي العصر يمكن
...........................
عند مريم كانت ف السياره مع غانم
غانم وهي يعطيها ظرف: خذي هذي الصور الي بغيتيهن
مريم وهي تاخذ الظرف : مشكووور ما قصرت اهم شيء يكونن كاملات ومثل ما بغيتهن
غانم: مثل ما بغيتهن بالضبط .. بس كلمة مشكور تراها ما اتسوي شيء لازم تيين معاي والحين بعد
مريم: وين تبا اي معاك
غانم: بنروح بيت ربيعي و بنقعد هناك لين الفليل وبعدين بردج
مريم: موافقه .. خلني اتصل فأمي وأبلغها عشان ما تقعد ادورني
غانم: بتقوليلها انج طالعه معاي
مريم: لا طبعاً مينونه انا .. بقوللها اني بطلع مع ربيعتي ويمكن أتأخر شوي وهي بتوافق اكيد
.................................
بيت ابو حمدان كانوا قاعدين ف الصاله ويسولفون .. مستغلين فرصة انه ما في حد ف البيت
عنود: انزين خالو ما تعرفين شيء عن الي ما تتسمى
ام حمدان: ما اعرف شيء غير انه اليوم قامت والكل يباني أزورها وانا دايماً اطلع حجج .. هذا الي ناقص انا أزور هذي
عنود: خالو صدقيني ساحره حمدان .. شفتي كيف كانت حالته لما كانت ف المستشفى
ام حمدان: هيه شفت والمشكلة ما يبا يسمع كلامي ... يعصب اذا قلت عنها شيء غلط .. بس عجبتيني يوم ضربتيها اسميج بردتي خاطري
عنود: افا عليج .. خالتي تطلب فزعتي وماتبيني افزعلها
ام حمدان: اصيله يالعنود يا بنت اختي .. وينه حمدان يشوف الزين كله بدال الشين الي عنده
عنود: خليه يستانس معاها الحين وبتشوفين شو بسوي فيهم بعدين .. اذا ما خليته يطلقها ويتزوجني ما اكون العنود
......................................
ف المستشفى ... أصوات الضحك والسوالف ماليه المكان.. كلهم كانوا مستانسين بمهره
سلطان: اقول حمدان مب كأنك استانست على الوضع
حمدان: اووووه لا تسألين وايد مستانس مب استانست وبس
فهد: انته ما عندك دوام اليوم
حمدان :لا هههههه خليت ربيعي يغطي عليّ
شوق: وانت كل يوم اجازه ما شاء الله ... الحين بيتصلون عليك الدوام
حمدان: اعوذ بالله .. اختي اذكري الله ما فيني أداوم ترا
شوق: يارب يتصلون فيك ويقولون تعال يا رب
فهد: حمدان نصيحتي من الحين روح البس دريسك
ابو حمدان: انا بعد اقول جذي .. سير من الحين هذي ما بتخليك فحالك ويا عيونها
الشباب: ههههههههههههههههههههههههااااااااااي
حمدان: لا اصلاً م...( قطع عليه كلامه صوت الفون .. طلع الفون من مخبأه وشاف المتصل وعلى طول رفع عيونه على شوق بصدمه )
شوق: شفيك
حمدان: يالعنز مب عين عليج .. يويلج مني لو قالولي تعال ... الو السلام عليكم .. بخير الحمدلله شحالك انت .. مديم الحال.. هيه انا مقدم على اجازه أسبوع .. لا ما كملت ... شووو!! .. ليش ؟! ... وهو شو قال... استغفر الله ... خلاص بقطعها امري لله .. انزين روحوا انتو بدالي لازم انا يعني ... خلاص خلاص .. تعرفون مكانهم صح .. خلاص يوم بوصل بكلمكم .. مع السلامه

الكل: هههههههههههههههههههههههههههههههههههه
حمدان: ابوي شوف لك حل معاها .. الدوام يبوني أسبوع ابوي اسبوووع
فهد: ههههههههه .. انا من رأي تكنسل صالونها الي بدبي على الي سوته فيك
حمدان: يبالي والله .. المهم انا بروح الحين يتريوني الضباط هناك
ابو حمدان : الله معاك وانتبه ف الطريق مب تعلي على المسجل ولا عيونك على التلفون طول الوقت
حمدان: ان شاء الله
قام حمدان سلم على الكل ولف يبا يسلم على مهره حصلها راقده .. بأسها على رأسها وطلع من المستشفى
::::::::::::::::::
المغرب الكل رد بيته ومحد تم عند مهره غير شوق بس ردت مع فهد عشان تاخذلها ملابس يديده.. اما عند مهره ف لين الحين راقده شوي واتبطل الباب وحست بحد واقف عندها ومقرب ويهه من ويهها بطلت مهره عيونها واتيبست ف مكانها من الي قدامها
.
.
.
.
.
.
.
.