اليوم الثاني ف الشاليه وصلوا طلال وساره وكان ام سلطان فاستقبالهم ... شوي وطلع ابو حمدان وام حمدان عشان بيطلعون يتمشون حوالين الشاليه ... الكل قام من الرقاد وسلموا على ساره وطلال الا مهره وحمدان بعدهم رقود .. واتجمعوا الشباب والبنات ف الصاله
نوف: ساروه انتي ف اي شهر
ساره: توني شهر الاول
نوف: الله يسهل عليج عاد
الكل : امين يا رب
سهيل: شرايكم نلعب
الكل: شوو
سهيل : اممم بما ان الحين الصبح بنلعب صراحة .. ما فيها حركة بس اسئله
الكل: تمام
سلطان: لا خلونا نتريا مهره وحمدان لين يقومون وبعدين بنلعب
شوق بخبث : انا بروح اقومهم
منصور وناصر : لااااااااا
شوق : ويييي بسم الله شو فيكم جذي تتكلمون وبعدين ليش لا ها؟؟
منصور: لان مهور ما تحب الحركات الي اتسوينها عادي اتقطعج من الضرب
ناصر: وحمدان بعد عادي يربطج ويحط بصندوق ويفرج ف البحر
شوق وهي تقعد : اففف احبطوني كنت بسويلهم مقلب
ساره: سوي مقلب ف اي وقت تبينه لكن لما مهور راقده ابعدي عنها تتحول تراها
الكل: هههههههههههه
فهد: انا اقول نترياهم احسن
شوق: بنعفن لين نترياهم حد يقومهم
حمدان من وراها : اتقومين منو
شوق لفت عليه: انت ومهره تراكم الوحيدين الي لين الحين رقود
عمر يا عند حمدان وقعد يسحب بنطلونه ويصارخ عشا يشله شله حمدان وقعد يلعبه
حمدان: منو الامور هذا
طلال وهو يرفع ايده : ولدي يا طويل العمر
حمدان وهو يخاشم طلال : اووه عندنا ضيوف اسمحلي عاد ما شفتك وهذيل المهابيل محد خبرني
طلال: لا افا عليك مسموح
وقعد حمدان يلعب مع عمر وكان لين الحين واقف ... دخلت مهره وهي ماسكه كوب كوفي . واول ما شافت عمر
صارخت : عمووووووووووووووور
الكل لف عليها .. مهره حطت الكوب على الطاولة وركضت عند عمر
مهره: حمدان عطني اياه
حمدان: ياهل انتي عشان جذي اتصارخين وبعدين يلا روحي بعيد مناك بسرعه
مهره: حمدان عاد يلا عطني اياه والله اشتقتله من زمان ما شفته
حمدان: شو ها الخرط بعد تراج شايفتنه يوم الجمعه .. روحي مناك يلا ولا اشوتج بصبع ريلي الحين
أنت تقرأ
بكلمة عمري والعمر فاني .. انت غير الناس عندي ولَك غلا ثاني
Любовные романыالروايه من وحي الخيال لكن بعض احداث الرواية مقتبسه من الواقع
