بكلمة عمري والعمر فاني .. انت غير الناس عندي ولَك غلا ثاني

24

اليوم الثاني .. يوم الاربعاء الصبح في بيت أبو حمدان .. فغرفة حمدان .. قام من الرقاد واتسبح وتلبس وبعدين طلع على غرفة نوف وخذ لبس من ملابس ميره ورجع غرفته قوّم شما وخلاها تتسبح واتبدل وبعدها قال حق خدامتهم اتسوي الريوق وتيبه غرفته .. دقايق وجهز الريوق وودته فوق وطلع حمدان خذ الريوق اتريقوا وخلصوا وطلع حمدان مع شما بدون محد يدري .. اتصل على شوق مرتين وماردت عليه وبعدها اتصل على مهره مرتين وردت على اخر رنه

مهره: الو
حمدان: تريقتوا ولا لا؟؟
مهره : بسم الله ... شفيك جذي تتكلم
حمدان: جاوبي بسرعه ما عندي وقت في شيء مهم لازم اخبرج عنه
مهره: هيه الحمدلله .. انزين شو تبا تقول
حمدان: اذا يت بخبرج
سكر عنها ولف على شما وضحك
شما باستغراب:عمي ليش تضحك
حمدان: بسوي فيهم مقلب
شما: منو هم
حمدان: اختي وحرمتي
شما: ههههههههههههههه ... عمي ما تخاف يضربونك
حمدان: ههههههههه لا والله هم الي يخافون .. بس سمعي لا تقولين قدامهم عمي قولي بابا عشان صدق يصدقون المقلب
شما وهي تصفق: ههههههه اوك .. متى بنوصل
حمدان: بعد شوي ان شاء الله
بعد عشر دقايق وصلوا المستشفى ونزل حمدان وشما وراحوا عند قوم مهره .. دقوا الباب ودخل حمدان ومعاه شما ماسكه ايده وحمدان على ويهه علامات التوتر والقلق كأنه مسوي شيء غلط اما شوق ومهره منصدمين من البنت الي مع حمدان

حمدان: السلام عليكم
مهره وشوق: وعليكم السلام
شوق تحظن شما: حمدان منو هاي العسل
حمدان وهو يركز نظره على مهره: هذا الي كنت ابا اكلمج عنه ........ هذي بنتي
مهره وشوق: شووووووووووو!!!!
شوق: حمدان تتكلم جد انته ولا شو .. كيف بنتك
حمدان وهو بعده يطالع مهره: كنت متزوج من قبل وطلقت وهذي بنتي
مهره بهدوء : والحين وين امها ليش يايبنها عندي
شما: ماما عند الله
حمدان: الله يرحمها.. يبتها عندكم لان لازم اطلع الحين واباكم اديرون بالكم عليها
مهره: حمدان اطلع برا وخذها معاك
شوق الي فهمت السالفه على طول : تمزحين صح .. وين يوديها حرام شوفي البنت كيف اتطالعج
حمدان: ما اقدر اخذها معاي لاني رايح الدوام .. وبعدين ترا لازم تتقبلينها لانها بتعيش معانا اذا اتزوجنا
مهره: حمدان لا تييني .. لا تينني انا افتكيت من العنود وطلعت هذي .. لا تلعب بأعصابي فهمت
حمدان: شو العب بأعصابج بعد .. وبعدين شدخل العنود فالموضوع
مهره: ليش نسيت شو سوت ولا سالفة امس ما وصلتلك .. حمدان تراني اغار وانت تعرف هذا الشيء الحين يايبلي هذي وتقول انها بنتك لا ومتزوج من قبل كيف تباني اتحمل كل هذا
حمدان وهو يكتم ضحكته : وليش تغارين عليّ ترا عادي الشيء
مهره: اغار عليك لاني احب.... ( فجأة صارخت) حمداااااان تكذبب علييي صح
الكل: هههههههههههههههههههههههههههههههههه
حمدان: انزين كمليها .. ما لقيتي تكشفين الكذبه الا فنص الكلمه
مهره: منو هذي
حمدان قاللهم كل السالفه
شوق: حياتي معقوله وحده بسنها اتحملت كل هالعذاب
مهره اشرت على شما: تعالي هني
راحت لها شما وحضنتها مهره : شو اسمج
شما: اسمي شما .. انتي شو اسمج
مهره: مهره
شما بدهشه: صدق!!! ... نفس اسم ماما
الكل: الله يرحمها
شوق: حمدان لا تقول انه انت مسوي شعرها
حمدان:ههههههه هيه انا .. توهقت وما عرفت كيف وسويته جذي عدليه حقها
مهره: ههههههههه .. انا بعدله حقها
حمدان: لا انتي قوليلي سالفة العنود
مهره وهي اتمشط شعر شما: ما شيء .. شيء سخيف
حمدان: لو سخيف ما كنت ذكرتيه قبل شوي صح ولا انا غلطان
شوق وهي تراوي حمدان الفيديو: شوف ها الفيديو وبتعرف شوصار
مهره بصدمه: شووق انتي مصورتنا فيديو؟!
شوق: هيه .. حسيت انه مهم .. المهم انا بروح مع شما تحت وبنرد
طلعت شوق وشما .. وحمدان بعده يطالع الفيديو ومهره متوتره ما تعرف شو السبب
...................................
بيت بوحمدان .. قامت ام حمدان ونزلت تحت .. خلت الخدامه تحط الريوق شوي ونزل ابوحمدان وبعده بثواني نزل ناصر
ناصر وهو يبوس راس امه وابوه: صباح الخير يا أغلى اثنين
ابوحمدان : صباح النور يا اغلى نصور هههههههه
ام حمدان: صباح النور
ناصر: اشوفك رايق يا بو ناصر شو عندك
ابوحمدان: ما شيء .. بس فرحان .. كأنه بيصير شيء يخليني سعيد اليوم
ناصر: ان شاء الله يا رب
ام حمدان: اخوك فهد وين ازقره
ناصر: فهود محد .. رحت ابا أقومه وشفت الغرفه فاضيه والفراش مثل ما هو
ام حمدان: غريبه وين راح ... سعديه يا سعديه
سعديه: نعم ماما
ام حمدان: شفتي فهد اليوم
سعديه: لا فهد ما يجي من البارح<< لا فهد ما يا من امس
ام حمدان :عيل منو متريق الصبح
سعديه: همدان< حمدان
ابوحمدان: خلاص روحي .. انا بتصل فيهم بشوفهم وين
اتصل ف حمدان ورد عليه وخبره عن ميره وسالفتها .. بعدها اتصل ف فهد خمس مكالمات وما رد عليه
ابوحمدان: ما يرد وهذي المكالمة الخامسة
ام حمدان: اكيد فيه شيء .. ولا مستحيل ما يرد على تلفونه
ناصر: اكيد مشغول ف شيء ولا مستحيل ما يرد عليكم
قطع عليهم دخول فهد الي كان حاط الغتره على كتفه .. و ويهه صاير اسود من الحزن والكآبة وعيونه حمرا وكأنه كان يصيح .. اول ما شافته ام حمدان على طول فزت اتشوف ولدها
ام حمدان: فهد .. فهد يمه شفيك ليش جذي حالتك
فهد بدون ما يتكلم حظنها وقعد يصيح كأنه ياهل .. قام ابو حمدان وناصر عشان يشوفنه
ابو حمدان: فهد شفيك .. ليش اتصيح بهالشكل
ام حمدان وهي تُمسح على راسه: شفيك يا روح أمك .. ليش اتصيح .. منو سبب هالدموع .. حد فيه شيء يا ولدي تكلم
ابتعد فهد عن امه وقال بصوت باكي<< اهم شيء ههههه: يمه اول شيء خسرت اغلى شيء عندي وامس خسرت قلبي وباجر بخسر روحي
وعلى طول راح فوق ما ترك لهم الفرصه عشان يتكلمون .. اما ناصر ف خبر حمدان وشوق لانهم الأقرب لفهد ويمكن يعرفون سالفته
...............................
نرجع لحمدان ومهره .. بعد ما شاف الفيديو رفع راسه لمهره وهو عاقد حواجبه ومهره كانت متوترة وخايفه
حمدان: ليش محد خبرني يوم صارت السالفه
مهره: انته كنت فالدوام
حمدان: تعرفين ان ها العذر الوحيد الي ما يدخل مخي .. دوري عذر ثاني
مهره: ما ادري يوم بتي شوق اسألها
حمدان: شفيج متوترة وخايفه
مهره: هااا .. لا ولا شيء ما فيني شي
سكت حمدان ينتظر شوق لين أتشرف دقايق ودخلت شوق وهي تضحك .. ويوم شافت حمدان يطالعها بدون أي تعبير ف ويهه سكتت
شوق من الخوف قالت: سلام عليكم
حمدان: عليكم السلام .. تعالي اقعدي اباج شوي
شوق وهي تقعد عند اخوها : بغيت شيء؟
حمدان: ليش محد خبرني عن السالفه الي صارت امس
شوق: انا خبرت ابوي عشان يخبرك
حمدان: وليش ما خبرتيني انا بدال ابوي
شوق: كنت مشغوله مع مهور لانه من بعد ما طلعت العنود اغمى عليها