بكلمة عمري والعمر فاني .. انت غير الناس عندي ولَك غلا ثاني

25

بيت ابو حمدان ... تبطل الباب ودخل حمدان اول ما شافته امه على طول فزت وراحت له
ام حمدان: حمدان دخليك روح شوف اخوك لا تخليه
حمدان: يمه اهدي فهد ما فيه شيء ان شاء الله .. انا الحين بروح وبشوفه
ابو حمدان: حمدان اذا ما يبا يتكلم لا تضغط عليه
حمدان: ان شاء الله
راح حمدان لغرفة فهد ودق الباب ودخل.. شاف الغرفه ظلمه و وايد بارده .. شغل الليتات وشاف فهد قاعد على الشبرية ويطالع ف زاوية وحده
حمدان وهو يقعد عند فهد : صاير معاك شيء وتبا تقوله حقي
فهد: اطلع برا ما اريد اتكلم ف شيء الحين
حمدان: فهد لازم تتكلم ما يصير تكبت .. لازم اطلع الي ف قلبك
فهد: وانت الوحيد الي ما اقدر أقوله الي ف قلبي
حمدان: وليش اتقول جذي
فهد: لانك ما بتفهمني .. حتى لو عرفت يمكن تقاطعني وانا ما ابا هذا الشيء
حمدان: لهذي الدرجة مشكلتك كبيره
فهد: لا .. بس بالنسبة لكم كبيره و وايد كبيره بعد
حمدان: أتمنى ما أتكون مسوي شيء كبير واتوطي روسنا بالأرض
فهد: حمدان اطلع برا .. ولحد ايني بعد ما ابا اشوف حد
حمدان: ان شاء الله .. اذا بغيت شيء كلمني و لا تكبت شيء ف قلبك دور لك حد ثقه عشان أتقوله مشكلتك وإذا بغيتني ترا انا موجود
............................
الظهر ف سيارة سلطان .. توهم طالعين ورايحين بيت اليد وطبعاً مهره ما تعرف بهذا الشيء .. اما شوق ف ردت البيت مع حمدان وخبر أهله عن شما واستقبلوها عندهم .. نرجع لمهره الي كانت مشغوله بفونها اتكلم روضه .. وروضه قالت شيء يضحك ومهره ضحكت وكأنها اول مره تضحك
مهره: ههههههههههههههههههههههههههههههههههههه
سلطان بابتسامه: يعلها دوم هذي الضحكة
مهره: امين وياك
سلطان: تبين تروحين مكان قبل البيت
مهره: لا روح البيت اشتقت حق ماما
سلطان: خلاص قولي امايه الحين بتتزوجين انتي باجر حمدان بيقول انا ماخذ ياهل
مهره: يباني مثل ما انا أهلاً وسهلاً لكن اني اغير من شخصيتي لا وألف لا بعد .. وبعدين انا تعودت على كلمة ماما
سلطان: ايوا جذي السالفه يعني.. خلاص برايج خليه يروح ياخذ وحده ثانيه
مهره: سلطااااااااااااان عاااااااد شو ها
سلطان: هههههههههههه تراج انتي تقولين ما بتغير عشانه
مهره: استغفر الله .. هو اصلاً يحبني جذي وانا على طبيعتي ما يحب اغير شيء من نفسي
سلطان: لا تقولين صدق!!.. خلاص اليوم بقعد اعبي راسه لين يقولج اتغيري ولا بعلقج
مهره: ههههههههههههههههههههه.. وين رايح لفت بيتنا ورا
سلطان: اوووه نسيت .. اف متعايز الف .. خلاص بنروح عند يدي شرايج
مهره: خلاص مب مشكلة بس ما انطول لان بروح عند ماما
سلطان : ما شيء أمل تتغيرين يعني
مهره: no way
...............................
بيت اليد .. كانوا كلهم يتريون سلطان ومهره ... وميره ومنصور واقفين عند الباب
نوف: خلاص تعالوا قعدوا .. انا تعبت
ميره: انتي قاعده
نوف: تعالي اقعدي انزين بسكم
منصور: دقيقه الحين بيوصلون
ام سلطان: الله يهديكم يا عيال خلاص ارتاحوا يمكن مطولين
اليد: خليهم خليهم .. هذي مب اي حد .. هذي مهره شيخة البنات
مريم: شدعوه يدي ترا انا كل يوم موجوده عندك ولا قلت هذا الكلام حقي
اليد: مهره غير .. غلاها ف قلبي غير عن غلاكم
سلوى: اوك يدي اوك تراني زعلت ها .. هذا وانا حفيدتك الوحيدة
اليد : ههههههههههههههههههه .. والبقيه وين راحوا
سلوى: هذيل خارج نطاق الخدمة
الكل:ههههههههههههههههههههههههههه
منصور وهو يصارخ :وصلووووووووووووووووووو
وصلو وصلو
اليده: بسم الله الرحمن الرحيم .. شفيك جذي اتصارخ خوفتنا الا هم سلطان ومهره الي واصلين مب شيوخ
الكل سحب على اليده << وايد تتفلسف ههههه .. وراحوا عند الباب يستقبلون مهره حتى اليد راح ...
عند مهره( أول ما وصلت بيت يدي .. كنت اتكلم مع سلطان ومنزله راسي عشان البس الصندل ( وانتوا بكرامه) ولا شوي اسمع صراخ رفعت راسي بخوف وطبعاً كل عاده على بالي حد صاير فيه شيء وضرب بالسده الي قدام السيت ( يارب فهمتوا) المهم الضربه مؤلمه ترا
سلطان:ههههههههههههههههههههههههههههههههه
مهره والله تعور الضربه ... منو جذي يصارخ
سلطان وهو يمسح دموعه: هههههههههه اخخخخ اليوم خسرت برميل دموع معاج ويا راسج هذا ... هذا منصور ما تعرفين صوته بعد
مهره: هههههههه حلوه البرميل .. خلاص سجلتها بقاموسي
المهم نزلت و الشنطة حطيتها فالسيارة بما ان نحن بنسلم وبنرد البيت وجي يعني ما بنطول ... دخلت انا وسلطان داخل البيت ولا اشوف العايله الكريمة كلها موجوده و واقفين يتريوني عند الباب صدق صدق تفاجأت حسيت اني فعلاً مهمه بالنسبة لهم الله يحفظهم يا رب ويخليهم لي .. اول شيء سلمت على يدي لانه كان متقدم عن الكل .. تصدقون حبيت يدي .. هو انا احبه من زمان لانه شبيه ابوي بس بوجود يدتي احس أكرهه اي حد من طرفها وعلى بالي الكل نفس الشيء بس اليوم اكتشفت العكس .. بعد ما خلصت من يدي ارتميت بحظن جنتي امي الغاليه.. من حظنتي وقَعَدت تتحمد لي بالسلامه حسيت اني بصيح بس حبست دموعي لان هذا مب وقته .. وبعدها سلمت على الكل .. وشليت حبيب قلبي عمور هذا الولد اعشقه والسبب مجهول .. ما ادري ليش.. يمكن لاني كنت موجوده يوم ساره ولدته ... وبعدها يت ميره وسلمت عليها .. هذي البنت اشوف فيها نفسي ... كل تصرفاتها تشبهه تصرفاتي .. حتى لما تدلع على سلطان وتطلب منه او تشتكي كله نفس الشيء ... اتذكرت ابوي الله يرحمه .. كنت اتدلع عليه بما اني البنت الوحيدة .. حتى كان يقول دايماً اذا كنتي انتي البجر كنت ما بحاتي عن شيء لانج تقدرين اتسوين أضعاف الي يسويه اخوج سلطان ... وكان أمنيته فالحياة انه يشوفني محاميه .. بس وين راح وما شاف بنته واقفه قدام القاضي وأدافع عن الناس المظلومين ... المهم تغدينا وخلصنا وصراحه الغدا ولا اروع وما بكذب عليكم كثرت من الاكل وطبعاً غصبن عني .. وبعدها قعدنا ويابت ساره الحلى وقعدنا انحلي وانسولف مع يدي وضحك وسوالف .. وفاجئني يدي يوم قال انه يوم الجمعه بنطلع المزرعة بس عشان اني طلعت من المستشفى بصحه وسلامه .. والله العظيم اني فرحت و وايد بعد .. لا لا يدي اليوم بيدخل ضمن لستت الحبابيب والعشاق .. ونحن انسولف فجأءة دخلوا بموضوع الزواج ها الموضوع الوحيد الي أكرهه .. احس انه شيء من المحظورات انه الواحد يتكلم فيه بس منو بيفهم الحريم الي عندي ..
اليده: على طاري الزواج .. ريلج وينه ما شفناه
مهره: ما ادري يمكن ف بيتهم
اليده: شو انتي مغصوبة عليه كيف ما تدرين عنه ولا اخوج ما يخليج اتكلمينه
سكت عنها ولفيت على سلطان يعني أنقذني وطبعاً فهمها على طول
سلطان: يدتي الغدا من اي مطعم يايبينه
اليده بابتسامه: ههههه لا يا ولدي الغدا انا مسوتنه .. عيبك
سلطان: اففف عيبني وبس .. حبيته خلاص كل يوم بي بتغدا عندج وبنسولف
اليده: حياك الله كم سلطان عندي .. اي وقت تبا اكل اتصل عليّ وبيكون جاهز
خليفه: يدوه وانا اقعد عندج طول اليوم وما قلتيلي ها الكلام
اليد: شفيكم اليوم يا عيال محمد كل شوي غرتوا
ما اقولكم كيف صار ويه خليفه يوم يدي قال يا عيال محمد .. من عصبيته قام وطلع برا .. خليفه من النوع اذا عصب يحاول يكبت عصبيته غير عن باقي الريايل الي على طول يثورون .. وخليفه من النادر ما اتشوفه يعصب كله يضحك وينكت ما شاء الله عليه .. بعد صلاة المغرب ردينا كل واحد بيته والصراحه اول مره نتيمع بدون مشاكل والغريب عمو شيخة اليوم كانت ساكته ما ادري شفيها حتى عمي علي الي هو ريلها ما يا اليوم العاده ما يفوت يمعات يدي .. المهم ما علينا توني وصلت لفراشي .. خلوني انام شوي وباجر بردلكم باي 👋👋))
.
.
.
.
.
.
.