بكلمة عمري والعمر فاني .. انت غير الناس عندي ولَك غلا ثاني

33

مهره بعصبيه: تستهبلوون على مخي ولا شووو
شوق: شو انسويلج يوم انت ما تبين تستوعبين بسرعه هههههههههههههه
ناصر: لاوالمشكلة يايبه علبة الإسعافات هههههههههههه
الكل:ههههههههههههههههههههههههههههههه
مهره: ماااا فيي شيء يضحك
سهيل : مهور شفيج معصبه جذي ترا كنا نمزح معاج
مهره: هذا مب مزح .. ما احب جي انا
طلعت مهره رايحه قسمها وهي معصبه والكل مستغرب عصبيتها
سلطان: الحين من صدقها عصبت ولا تبا ترد لنا المقلب
حمدان : ما اعتقد انه مقلب لانها كانت ترتجف .. بروح أشوفها
راح حمدان عند مهره وشافها قاعده تاكل حلويات
حمدان: مهوور
مهره: حمدان اطلع برا مب متفيقة لك
حمدان: ليش كل ها العصبيه الحين
مهره: لا والله يعني الي سويته شوي
حمدان: انزين ممكن توقفين من اكل ها الحلويات
مهره: ما ابا
راح حمدان وسحب عنها الحلاوه وخذ العلبه كلها
مهره: حمداااان
حمدان: اششش .. خلاص ماشيء
مهره: حمدان عطني اياه والله اني بنفجر من كثر العصبيه
حمدان: بسم الله عليج .. مهور اهدي .. وترا ما بعطيج الحلاوه
تمت مهره واقفه واتطالعه .. راح لها وحظنها
مهره: تدري ان مقلبك خايس
حمدان: وانتي صايره حساسه ها اليومين
مهره: هيه لاحظت .. افف اكره حاله
حمدان: ليش؟؟
مهره: ناقصه حنان .. عشان جذي صايره حساسه
حمدان: ههههههههههههههههههه نعطيج حنان ليش لا
...........................
ف بيت طلال ... كانت ساره اتجهز العشا .. وطلال فالغرفة قاعد مع عمر وبدور ... شوي ولا تسمع صريخ مريم .. ركضت لغرفة مريم
ساره: شفيج اتصارخين
مريم: ساره طلعيني الله يخليج .. والله العظيم توني شفت فار
ساره : فااااااار ... تعالي اطلعي بسرعه
طلعتها من الغرفه وخلتها تقعد فالصاله بعدين راحت تكمل تجهيز العشا .. يوم خلصت راحت الغرفه عشان تزقر طلال
ساره: طلا... رقدوا!!
طلال: ههههه كانوا يلعبون ورقدوا
ساره: الله يعيني الفليل اذا ما نشوا الفجر عاد
طلال: اقومهم
ساره: لا خلاص برأيهم .. تعال تعشى
نزلوا طلال وساره عشان العشى .. وطلال أنصدم بوجود مريم قاعده ف الصاله
طلال: هذي شيابها هني
ساره: انا طلعتها
طلال: وليش اتطلعينها .. روحي رديها مكانها بسرعه
مريم: طلال اس...
طلال: جب ولا كلمة ما ابا اسمع صوتج .. لج ويه تتكلمين اصلاً
مريم: طلال ما يصير جذي لازم تسمعني
طلال: وانا قلت ما ابا اسمعج ردي الغرفه
مريم: ما ابا أرد لين تسمعني
طلال عصب ويا يبا يضربها بس مريم انخشت ورا ساره
ساره : خلاص طلال خلها .. انا بعدين بدخلها غرفة ثانيه
طلال: الحين تدخل
ساره: بتآكل وبعدين بدخلها
طلال: خلاص انا شبعت ما ابا اكل مع وحده ما تعرف الأدب
راح طلال وهو معصب ومريم قعدت تاكل وفجأة صاحت ما قدرت تمسك نفسها اكثر حاولت ساره تهديها لين اخر شيء راحت غرفتها ورقدت .. أما ساره شلت الصحون وغسلتهم وبعدين حطت عشى حق طلال و ودته الغرفه .. دخلت شافت طلال واقف يطالع من الدريشة وكأنه كان يفكر ف شيء وقطع تفكيره دخولها
ساره: تعال تعشى
طلال: شبعت ما ابا اكل بعد
ساره: طلال تراني ما تعشيت تعال تعشى عشان اكل معاك
طلال: ما ابا نفسيتي مسدودة
ساره شلت الاكل ويت تبا تطلع : خلاص اوك حتى انا نفسيتي مسدوده
طلال وهو يمسك أيدها: تعالي كلي
قعدوا يتعشون هم الاثنين بعدين نزلت ساره عشان تغسل الصحون .. وردت قعدت مع طلال عشان موضوع مريم
ساره: طلال لين متى يعني بتم مقاطع مريم لا تكلمها ولا شيء
طلال: ما اقدر .. كل ما أشوفها اتذكر الموقف الي كانت فيه
ساره: كانت فيه .. هذا من الماضي .. عطها فرصه وان شاء الله اتشوفها احسن عن قبل
طلال: لا .. خليها مثل ما هي .. اصلاً تستاهل
ساره: طلال لا تنسى انها اختك الكبيره .. وعيب أتعاملها ها المعامله .. وبعدين سامحها .. عطها فرصه
طلال: الحياة تعطي فرصة وحده بس مب مليون وهي ما قدرت كيف تستغل الفرصه هذي
ساره: ورب العباد يعطي مليون فرصه .. ويغفر ويسامح .. انت منو عشان ما تسامح وتعطي فرص .. اقعد معاها وكلمها واسمع منها .. وبعدها مريم احسن عن مليون بنت .. لو غيرها جان الي فكرت تنتحر ولا تشرد من البيت ولا بتتزوج بالسر .. فكر فيها طلال .. لا تخسر اختك عشان ماضي وراح .. خلك قدوه لعيالك .. ما اريد باجر اذا كبروا يصير معاهم نفس الشيء لا سمح الله
طلال: وليش اتفكريني انا نفس ابوي ولا امي .. لاهي ومب منتبه عليهم
ساره: الدنيا دواره يا طلال .. وربك اذا كتب شيء بيصير ومحد يقدر يعترض على قضائه وقدره
................................
عند البحر .. كان اليوم مطلع اخوانه وقاعدين عند البحر يشوون .. ويسولفون ويلعبون وغيره
سلوى: احس مب حلو بدون سوير
خليفه: كلمتها قالت ما تقدر تي عمور وبدور رقود
جاسم: انزين شرايكم نكلم قوم عمو ميره
سلوى: ما اعتقد انهم بيون
خليفه: ليش
سلوى: ما ادري .. جرب انت شوفهم اذا بيون ولا لا
اتصل خليفه ف سلطان وخبره .. وقالوا انهم بيون بما انهم فاضين ما عندهم شيء وغير جذي من زمان ما شافوا قوم خليفه
خليفه: عيل انا بروح الجمعيه وبيب كم غرض وبردلكم
سلوى: شو بتخلينا بروحنا هني
خليفه: جسوم معاج
سلوى: ها صغير
جاسم: شو مب تارس عينج انا ولا شو .. اقعدي لا تنصفعين
سلوى: يعني جذي صرت يعتمد عليك
جاسم: هيه هههههههه
خليفه: انتو ما عندكم سالفه .. انتبهوا على الأغراض ولا تتحركون من مكانكم لين أرد .. ولحد يقرب من البحر فهمتوا
جاسم: حسستني عمر وبدور قاعدين قدامك .. روح خذ الي تباه وتعال نترياك نحن
خليفه: هيه صح .. الي بيقرب من النار ولا بيلعب فيها ولا بيسوي شيء يويله مني .. انتو بصوب والنار بصوب سمعتوني
سلوى: ان شاء الله .. بس الحين انت روح قبل لا يوصلون قوم عمو ميره
راح خليفه وقعدوا جاسم وسلوى يسولفون
سلوى: هيه صح نسيتها
جاسم: شفيج .. نسيتي منو ؟؟
سلوى: مهوور
جاسم : هههههههههه الوحيدة الي ما يت ف بالي
سلوى: عطني فونك بتصل فيها
جاسم: وفونج وينه
سلوى: نسيته فالسيارة
جاسم: لا اتطولين لو سمحتي
سلوى: خف علينا يلي عندك شركات وعمارات خارج الدوله ولا علاقات من خارج الدوله ويا رأسك
اتصلت سلوى ف مهره .. وخبرتها وطلعت مهره قريبه من المكان
....................................
عند حمدان ومهره في السياره .. كانوا متوجهين للبحر عند قوم خليفه .. وكانوا قاعدين يسولفون مع بعض
مهره: حمدان ودني الجمعيه
حمدان: اذا تبين الجمعيه عشان حلويات ما شيء
مهره: خاطري ف ايس كريم
حمدان: تبين من باسكن
مهره: لا ودني الجمعيه ابا أخذ كبير
حمدان: مهور ترا اعرف شو تبين انزين .. بوديج باسكن وخذيلج علبه كبيره
مهره: ههههههههههههههه .. والله الصندوق شوي وبيخلص
حمدان: احسن وبعد ما باخذلج .. وإذا شفت عندج حلويات يويلج
مهره: عاد الشيء الوحيد الي ما اقدر استغنى عنه هو الحلاوه
حمدان: مب زين ترا والله
مهره: يصير خير
حمدان وهو يوقف السياره: ايس كريم شو تبين ؟؟ .. شوكليت صح؟؟
مهره: شوكليت .. وابا اوريو .. ومانجو
حمدان: هذا كله حق منو ؟؟
مهره: حقي
حمدان: انتي شكلج تبين تمرضين بس ما تعرفين كيف صح
مهره: يلا عاد حمدان .. خاطري فيهم الحين
حمدان: ان شاء الله .. وآخر مره بعد ها
مهره: اوك
نزل حمدان وخذ ايس كريم حق الكل وخذ حق مهره الي تباه .. ركب السياره وعطى مهره الاكياس وهي خذت ايس كريم مانجو .. وقَعَدت تاكل وبكل شهيه كانها من عشرين سنه مب ماكلة ايس كريم
حمدان باستغراب: مب على أساس انج ما تحبين اي شيء بالمانجو
مهره: ما ادري شو فيني .. مشتهيه اي شيء بنكهة المانجو
حمدان: صايره غريبه ها اليومين
مهره: يمكن لاني اليوم شفت يسون اكل وسويتات بالمانجو واشتهيته عادي ترا شيء طبيعي
حمدان: يمكن .. المهم ان ما يتم شيء ف خاطرج
مهره: هههههههههههههه .. بعد شو ههههههه
...........................
عند سلطان ونوف ف السياره .. ميره كانت مسويه ازعاج ف السياره ومعصبه عليهم .. لأنهم ما خلوها تروح مع مهره وحمدان وأجبروها تكون معاهم
منصور: بس يا ازعاج بس .. لوثتي الهوا بصوتج هذا
ميره بصراخ: كييييفي .. بتكلم اوك هذا لساااني اناا مب لسااانك
منصور: ولسانج هذا بقصه حقج لو ما سكتي
ميره: ما بسكت وبتكلم وبصارخ .. عشان مره ثانيه تسمعون كلامي
نوف: ومنو انتي عشان نسمع كلامج ها .. اقعدي عدل و قصري صوتج لا تنضربين
ميره: ما ابا .. مب على كيفكم انزين .. على كيفي انا
منصور: والله العظيم يا ميروه لو ما قعدتي بفرج برا .. سلطان شوفها بضربها ترا
ميره: انا الي بفرك برا .. وبعدين ما يخصك ف باباتي .. فهمت
نوف: ميروه اقعدي احسن لج .. لسانج وايد طويل
ميره: انزين ليش اي معانا .. ليش ما يروح مع باباته
سلطان: مييييييييييييييرهههه ... اقعدي على الكرسي وما ابا اسمع منج ولا حرف سمعتيني ولا لا
ميره بهدوء وزعل:سمعت
.
.
.
.
.
.
.
.