بكلمة عمري والعمر فاني .. انت غير الناس عندي ولَك غلا ثاني

27

حمدان بصدمه: شوووووووووو!!!
مهره: ما أباك وانت جذي .. رد مثل ما كنت .. مثل ما انا احبك
راح حمدان بدون ما يقول شيء ... اما مهره على بالها انه حمدان زعل على الكلام الي قالته .. وحطت ف بالها انها لازم تعتذر له
..................................
عند الشباب قعدوا يسولفون ومحد لاحظ عدم وجود حمدان الا خليفه .. كان يدوره ويوم شافه طول راح يدور عليه .. اخر شيء لقاه قاعد على صخره ومنزل راسه كأنه يفكر بشيء
خليفه وهو يحط ايده على كتف حمدان: ف شو تفكر
حمدان رفع راسه: فيها
خليفه: مهره!! .... شفيها مهره
حمدان: الحين انا متغير عليكم
خليفه: لا والله
حمدان : عيل ليش قالت اني متغير
خليفه: ليش شسالفه
قال حمدان حق خليفه كل السالفه
خليفه : ما قالت شيء غلط ... مب من يوم وليله اتقوللها لا تقعدين مع عيال عمج ولا بعد قايللها بعد العرس ما اباج تعترضين على أوامري
حمدان: انزين شو تباني اسوي .. ما احب حرمتي تقعد بين الشباب
خليفه: حمدان شفيك .. بعدين ترا مهره ف حياتها ما قعدت معانا وإلا وحد معاها.. حتى يوم كانت صغيره
حمدان: قعدت معاي قبل لا اخطبها وكنا رواحنا بعد
خليفه : بس الباب كان مفتوح صح ولا لا ... وبعدين هي ما قعدت معاك و بروحكم الا لانها تحبك وحبتك اكثر لما خطبتها .. لا تكرهها فيك تراها اذا كرهت صعب اتحب
حمدان: انته كيف تعرف كل هذي الاشياء عنها
خليفه: لان مهره يوم كانت صغيره كانت وايد قريبه من ساره ف كنت اعرف وايد اشياء عنها بحكم اني كنت اقعد معاهم وايد
حمدان: بس كيف مهره كانت تقعد حد معاها اذا قعدت معانا نحن رغم انها كانت صغيره
خليفه : لانها كانت تكره شيء اسمه ذكر .. حتى ابوها ما كانت تحبه ودايماً اتصيح واتصارخ اذا قرب منها او حتى لمسها .. الشخص الوحيد الي كانت تروح عنده هو خالك سهيل
حمدان: ما تلاحظ انه شيء غريب يعني شمعنى خالي الي ما كانت تخاف منه
خليفه: والله ما ادري .. بس نصيحة حمدان لا تنبش ف الماضي خلها بروحها أتقولك السالفه .. وتراك لازم تعتذر لها
حمدان : ان شاء الله بس مب الحين
خليفه: براحتك .. يلا قوم خلنا انروح عند الشباب الحين بيبدون السباق
حمدان : يلا
...............................
عند الحريم .. كان عمر يصيح ومسوي ازعاج .. وساره تحاول اتسكته بس هو مب راضي .. لين ما عصبت منه
ساره: بس خلااااص
اليده: شوي شوي على الولد ذبحتيه
ساره: يدووه مسوي ازعاج .. ما احب جذي انا
اليده: أنزين يمكن فيه شيء
ساره: ما فيه شيء يدلع .. خلاص عمور بسك صياح افف
ام سلطان: هاتيه انا بسكته
اليده: ما سكت عند امه بيسكت عندج
ام سلطان: ان شاء الله .. منصور يوم كان صغير كان جذي يصيح فجأة
اليده: انزين سكتيه بشوف شطارتج
ام سلطان شلت عمور وحطت راسه على كتفها وقعدت تغنيله من الأغاني القديمة وهو شد انتباهه صوت ام سلطان وقعد يسمع ويغني معاها لين رقد على كتفها
ام سلطان: تعالي يا بنتي خذيه ورقديه داخل
ساره: ما قصرتي يا خالوه .. ما شاء الله عليج خبره هههههه
ام سلطان: الياهل عادةً يحب يحس بالامان ... المره الثانيه جربي اتسوين نفس الحركه وإذا ما سكت حطي راسه على صدرج .. عشان لما يسمع دقات قلبج يطمن
سلوى: خالو أحسه خرافات .. عادي الياهل عطيه حليب بيسكت
ام سلطان: بس مب كل مره بيسكت .. وامي كانت اتقول سوي جي وما شاء الله ينفع معاها .. انا كنت اسوي حق مهور جذي
نوف: هيه اتذكر يوم كل مره كانت أتيج اتقول غنيلي ودايماً رأسها عند صدرج
ام سلطان : ولين الحين اتسوي هذي الحركه .. اذا كانت متضايقه ولا فيها شيء تي عندي وتقول غنيلي
ساره: واتغنيلها ؟؟!
ام سلطان : على حسب الوقت .. مرات تيني العصر جذي واغنيلها مرات تيني نص الليل ف اقرالها القران وأكثر شيء اقرالها القران خاصةً اذا كانت تعبانه ومتضايقه وايد
نوف: مرات تروح عند خالي سهيل صح؟
ام سلطان: هيه .. هو بعد يسويلها نفس الحركة
شوق: خالي سهيل يعرف يغني !!
ام سلطان: هيه وصوته حلو بعد .. حتى التلاوة عنده وايد حلوه .. ابوي الله يرحمه كان دايماً يخلي سهيل يقراله القران بحكم انه ما يعرف يقرا وسهيل كان صغير وقتها
سلوى: خالو يبالج تقعدين الفليل وتيمعينا جي كلنا حولج واتكلمينا عن زمان اول
ام سلطان: هههههههههههه .. خلاص شوفولكم يوم وتعالوا
البنات: اليووووم
ام سلطان : حاظر
منصور وهو يصارخ من بعيد : تعالوا يلا بيبدأ السباق
......................
عند اسطبل الخيول الكل كان هناك يتريون المتسابقين .. وكلهم كانوا يتريون مهره الي تأخرت ..
اليد : حد يشوف مهره وينها تأخرت تراها
مهره: انا يت
الكل لف على مهره الي كانت لابسه