بكلمة عمري والعمر فاني .. انت غير الناس عندي ولَك غلا ثاني

15

اليوم الرابع كانت قاعده ف الصاله هي واخوها منصور يطالعون فلم ... فجأة دخلوا عليهم ريايل بأحجام ضخمة ومغطين ويوهم ما تعرف منو هم .. كل الي تعرفه انهم يبون يقتلونها .. وقف منصور قدامهم يبا يدافع عنها بحكم ضخامة جسمه ودخل ف ضرابه معاهم .. لكن واحد منهم طلع المسدس من مخباه وطلق على صدر منصور.... صارخت بأقوى ما عندها منصوووووووووووووووور
.
.
.
.
.
.
.
.
.
.
.
.
.
.

نشت من النوم مفزوعه.. قامت بسرعه لبست شيلتها وطلعت ادور اخوها .. راحت الصاله شافتهم كلهم متيمعين الا اخوها منصور

مهره بخوف: منصور وين ؟؟

سلطان وقف: شو فيج مهره ؟؟

مهره : قتلك وين منصور وينه؟؟

سلطان: منصور برع عند البحر

طلعت برا تركض ادور اخوها شافته سرحان يطالع البحر ...راحت عنده حضنته وصاحت بدون ما تقول شيء

منصور وهو متفاجئ: مهرو شوفيج اتصيحين

مهره: لل..لي..ليش ..دد.. دافعت عني لييش

منصور وهو مب فاهم شيء: مهره تعالي انسير داخل

مهره تهز راسها ب لا: بب..بيق..تلو..نك

منصور وهي يمشيها لداخل: تعالي مهره بنسير داخل

دخلوا الصاله وكانو قاعدين يسولفون .. ويوم شافوا مهره ومنصور سكتوا

منصور قعد وقعّد مهره معاه ... عطاها ماي وخلاها لين تهدا

ساره: شفيها مهوور

منصور: ما ادري يت برع وقعدت اتصيح

حمدان: ما قالت شيء

منصور: اتكلمت بس ما فهمت شو تقول

عنود: ما عليكم تدلع مهوور.. يمكن ناقصه حنان هههههه

قامت مهره عنهم .. عطت العنود نظره ودخلت غرفتها بدون ما تقول شيء

...........................
عند مريم كلمت راشد .. وقالها كل شيء من بعد إلحاح مريم عليه .. واتفقوا هم الاثنين على خطة .. وطبعاً خطة راشد تبدلت من تهديد مهره وتخويفها الا شيء ثاني
....................
كانوا قاعدين فالغرفة بروحهم .. وهو مستغرب ليش ابوه زقره وما تكلم قدام الكل
حمدان باستغراب: شوفيك يبه
ابو حمدان : حمدان تباها اخطبها
حمدان : أخطب !!.. أخطب منو ؟؟
ابو حمدان : يعني منو العنود .. البنت تباك وانت تباها خلاص اخطبها
حمدان بصدمه : شووو .. لا لا مستحيل ما ابا عنود يبه الله يخليك طلعها من مخك
ابو حمدان بصرامه : قتلك أتزوجها والحين ما عندي انا ها السوالف
حمدان : يبه انت شو تقول .. انا ما أباها .. يبه تكفى افهمني
ابو حمدان : هههههههههههههههه والله انك يا حمدان مصخره
حمدان : شووو ؟
ابو حمدان : انا اقصد مهره كنت ابا اختبرك بس .. المهم تبا البنت اخطبها من اخوها لا تقعد كل شوي تشتكي عند حد
حمدان : شووو؟
ابوحمدان: سامعنك تتكلم عنها ثلاث مرات بس ما بينت هذا الشيء قلت اتأكد اول .. وشفت نظراتك لها .. وتتذكر اول مره يت فيها العنود خبرتني شوق عن كل شيء .. شو رايك اخطبها لك ؟؟
حمدان : شووو؟
ابوحمدان: شوف اذا عن أمك خلها انا بكلمها وكأنه توه السالفه .. وإذا عن العنود بيني وبينك انا ما أباك تأخذها .. والحين شو قلت
حمدان : شووو؟؟
ابوحمدان: شو شوو؟؟... الحين انته وافق عشان أكلم أمك .. اصطلب حمدان بلاك جي فاج عينك وحلجك
حمدان: متى سويت كل هذا ؟؟
ابو حمدان : ما يخصك متى سويته .. المهم البنت ما اتطير من إيدك بعدين تراها اتناسبك
حمدان: خلاص اوك موافق .. بس متى بتخطبونها
ابو حمدان : متى ما بغيت
حمدان: اتريا لين اتأكد من شيء وبكلمك
ابو حمدان: خلاص تمام
..............................