بكلمة عمري والعمر فاني .. انت غير الناس عندي ولَك غلا ثاني

3

الساعه : 4:15 العصر
المكان: بيت ام سلطان

الكل مجتمع فالصاله يشربون الشاي وياكلون الحلى
مهره: ماما ليش ما تسيرين تريحين شوي ما شاء الله عليج قايمة من الصبح
ام سلطان بتعب : ما عليه انا مرتاحة جذي
سلطان : يما روحي ارتاحي ولما بيوصلون بكلمج وإذا حق التجهيزات الحين انا بروح مع مهوور وبخليها تختار الاكل والحلو حتى العصير والسلطه انا بيبهم
منصور باستغراب : ليش يمه منو بيزورنا اليوم
سلطان : بيت خ..
قاطعه منصور وهو يكلم امه : يمه سألتج انتي و ردي عليّ منو بيزورنا اليوم
ام سلطان : بيت خالك فيصل وخالك سهيل بيون اليوم بعد المغرب
منصور وهو يقوم : اهااا .. انزين يلا تعالي معاي بوصلج غرفتج وانا بروح غرفتي

ام سلطان وهي تقوم : ان شاء الله بس يا سلطان اذا بتشترون خذو شيء حلو مب تفشلوني وإذا ما بتشترون نادوني عشان أقوم اطبخ
مهره : ماما انتي روحي ارتاحي وانا برتب كل شيء لا تحاتين
راحت ام سلطان و منصور يرتاحون
سلطان : مهره انا عارف انج انتي قريبه من منصور حاولي تقنعينه تفهمينه ان انا ما يخصني بوفاة ابوي
مهره بضيق على حالة اخوانها : انا ما اقدر اقول شيء وانت تدري اكثر عن مره كلمته يعصب عليّ
سلطان يقوم وهو عارف انه ما في فايدة : انزين قومي قومي خلنا نلحق نروح نشتري الأغراض
مهره وهي تركض على غرفتها : احسن قرار خذيته اليوم .. ثواني بس وأكون عندك ف السياره.

..........

اليوم : الخميس
المكان: بيت اليد عمر

كانت قاعده عند يدها ويدتها .. شوي ورن تلفونها .. ردت عليه بابتسامه بعد ما شافت الاسم

ساره بابتسامه : حي الله بو عمر

طلال بضيق : وينج انتي انا ف ميلس قسمكم

اختفت ابتسامة ساره : انا عند يدو .. شو فيك انته متضايق؟؟؟

طلال: ما شي .. خلاص الحين بي عندج

اليده : شو يبا طلال متصل فيج ؟؟

ساره: يقول انه ف الميلس على باله انا عند خليفه

اليده : انزين قوليله اي هني

ساره: قال بي الحين هو وعمر

طلال وهو شال عمر كان راقد : السلام عليكم

الكل: وعليكم السلام

قامت ساره وشلت عنه عمر قالت بهمس : شوفيك ؟؟

هز راسه طلال : ولا شيء .. خلينا انروح البيت