بكلمة عمري والعمر فاني .. انت غير الناس عندي ولَك غلا ثاني

32

اليوم الثاني قام حمدان واستغرب المكان .. قعد يشوف حواليه شوي وأتذكر انه ف بيت ام سلطان بس ما يعرف شو صار .. قام وشاف مهره راقده وهي قاعده .. راح الحمام وطلع شاف مهره على نفس رقدتها
حمدان: مهره .. مهره
فزت مهره من نومها على بالها حمدان فيه شيء
حمدان: بسم الله عليج ... شفيج
مهره: فيك شيء !!
حمدان: لا
مهره على طول حظنته وصاحت
مهره: ليش جذي اتسوي ف نفسك .. ليش
حمدان: ما فيني شيء يا قلبي .. انا بخير الحمدلله
مهره: اخر مره اتسوي جذي .. والله ترا انا الي اتعب
حمدان بهمس : وآخر مره اتخليني بروحي .. لاني ما اتحمل بُعدج
.................................
في مكان ثاني اول مره انروحه .. كان توه نازل من سيارته بيدخل البيت .. بطل الباب ولا يشوف بناته يركضون صوبه وفرحانات
فهد: يا هلا يا هلا .. هلا بأميراتي ..شحالكم؟؟
شما وشمايل: بخير
شمايل: بابا نبا انروح الحديقة
شما: لا ما نبا حديقه نبا الألعاب
شمايل: يا غبيه ترا الحديقة فيها ألعاب
شما: لا .. انا ابا الألعاب مال المول
شمايل: وانا ما ابا
شما: مب على كيفج اوك
شمايل: ولا على كيفج .. انا الكبيره
شما: لا انا الكبيره
شمايل: بضربج تراني اوك
شما: ما تقدرين لانج قصيره خخخخ
شمايل : انتي القصيرة
شما: لا انتي حتى شوفي شعرج قصير هههههههههههههه
شمايل عصبت من شما وراحت مطت شعرها .. وشما صاحت يت تبا تضرب شمايل بس فهد مسكها
فهد: شمايل في حد يضرب اخته
شمايل: بابا هي عصبتني
فهد: عيب تتضاربون انتو كبار الحين
شمايل: بابا هي قالتلي قصيره
شما صارخت: قصيييييييييييييييييييييره ... انتيييي قصييييييييره انزين
شمايل عصبت وضربتها بوكس على صدرها
فهد بعصبيه : شماااايل بس عاد .. شفيج اليوم
شمايل: بابا يعني انت ما اتشوفها شو اتسوي
فهد: انزين اسكتي عنها ما تقدرين
شمايل: لا ما اقدر .. هذي لازم تنضرب
شما وهي حاطه أيدها على صدرها: بابا .... با با
فهد لف على شما وشاف ويهها صار ازرق
فهد بخوف. : شما .. شمووه .. لا حول الله
على طول شلاها ووداها الغرفه وسوالها جهاز الأوكسجين ( مال الربو) عشان تقدر تتنفس ... بعد خمس دقايق.. استعادت لونها الطبيعي وقدرت تتنفس
فهد : انتي بخير الحين
شما: هيه
فهد: تقدرين تتنفسين ولا اوديج المستشفى
شما: لا اقدر ما ابا المستشفى
فهد: شموه حبيبي عيب تقولين حق اختج جذي .. هيه اكبر عنج ولازم تحترمينها زين بابا
شما: زين
فهد : شو قلنا نقول
شما نزلت راسها: ان شاء الله
فهد : يلا الحين روحي تأسفي منها
شما: يعني اقوللها أسف
فهد: اسفه مب اسف
راحت شما الصاله وشافت شمايل قاعده اتصيح .. طلع فهد وراها عشان يشوف شو بتسوي
شما باست راس شمايل: انا اسفه
شمايل وهي تمسح دموعها: انتي بخير
شما هزت راسها ب هيه
شمايل حظنتها وقَعَدت اتصيح : خلاص بنروح الألعاب اوك
شما: لا خلاص بنروح الحديقة .. بس انتي لا اتصيحين ترا بابا هني
شمايل على طول مسحت دموعها يوم اتذكرت ان ابوها موجود .. وبعدين قعدوا هي وشما عند ابوهم يسولفون معاه
............................
ف بيت طلال .. كانت فغرفه بروحها .. وقاعده اتصيح ما تعرف شو اتسوي بالضبط .. طلال ما رحمها من الضرب .. و حارمنها من كل شيء .. حتى الاكل تاكله ف غرفتها. ما تطلع برا .. حتى ما تقدر أتقوله شيء لانها مستحيه منه .. شوي وتبطل الباب
ساره: ريوقج
مريم: شليه ما ابا اكل شيء
ساره: بس لازم تاكلين مب زين جذي
مريم: قتلج ما ابا شليه واطلعي برا
ساره: بس انا ما اقدر أرد بالصحن الحين طلال بينازع
مريم : ساره الله يخليج خليه يطلعني .. والله العظيم اني تبت ما بسوي شيء
ساره: ان شاء الله بحاول أقنعه
حطت ساره الاكل وطلعت ... راحت الصاله وشافت طلال يلعب عمر وبدور
ساره: يلا عشان تتريقون
طلال: عطيتيها ريوقها
ساره: هيه توني يايه من عندها
طلال: يلا انزين خلونا انروح
ساره: طلال .. حرام عليك طلعها .. مب زين جذي أتم ف الغرفه بروحها ومسكر عليها كل شيء
طلال: خليها تتأدب .. وانا لو الود ودي احطها ف قفص العصافير .. بس ال... ما تدخل
ساره: طلال هي شو ذن...
طلال: انا اليوم مستانس وما ابا شيء يعكر مزاجي
............................
ف بيت خليفه .. كانوا كلهم راقدين الا سلوى .. كانت قايمة من وقت وملانه ما تعرف شو اتسوي قعدت تفكر لين يتها فكره.. خذت مكياجها وراحت غرفة جاسم وتمت اتشخبط فويهه بالمكياج ولان جاسم نومه ثقيل ف ما حس فيها ابداً ... وبعدين راحت ويابت بطانيه و عقتها على الارض وسكرت الليتات وطلعت وبعدها نزلت المطبخ وخذت شفافيه الاكل وراحت حطته عند باب خليفه .. اخر شيء راحت يابت قلاص زجاج وصحون .. وعقتهم وقَعَدت اتصارخ
سلوى : اااااااااااااااااااااااااااااايييييييييي ... خلييييييييفهههه ... جسووووووووووم ااااااااااي
طلعوا خليفه وجاسم مع بعض طبعاً جاسم من الخوف تخرطف بالبطانية الي عقتها سلوى .. وخليفه بطل الباب وطلع وعلق في شفافيه الاكل ولا زال خايف بعدها شاف سلوى تضحك لف على جاسم و
خليفه: هىىىىىىىىىىىىىىىئ ... بسم الله الرحمن الرحيم .. شوها الي على ويهك
جاسم بنوم : شفيك
سلوى : ههههههههههههههههههههههههههههههه .... اااه يا بطني ههههههههههههههههه جسوم ههههههههه شوف هههه شكلك هههههههههههههههههههههههه
راح جاسم يشوف شكله بالمرايه الي ف الصاله
جاسم : خللللللللللليييييييييييفهههههههه
خليفه وسلوى: هههههههههههههههههههههههههههههههههههههه
سلوى: انزين انت خايف تزقر خليفه ليش ههههههههه
جاسم بعصبيه: شو هذا القرف الي على ويهي
سلوى: ههههههههه مكياج هههههههههههههههههههه
جاسم: والله بتشوفين يال..
وقعد يلحقها وسلوى تركض واتصارخ .. لين اخر شيء طلعت الخدامه وهزبتهم << 😂😂😂💔
............................
المغرب ف بيت ابو حمدان كانوا كلهم مجتمعين هناك الا حمدان كان طالع
ابو حمدان: وينه حمدان تأخر
مهره: حمدان راح الدوام
ام حمدان باستغراب: دوام الحين ؟!
مهره: يبونه ضروري .. شكله عنده مهمه يديده
فهد: هيه صح قالي .. بيداهمون عصابه مسلحه
ام سلطان: الله يحفظه من كل شر .. شو يبا بها الشغل
ابوحمدان: كم مره حاولت أقنعه انه يشتغل ف مكان ثاني بس مب راضي ... يقول احب ها الشغله
ام حمدان: ترا ما يرتاحون الا اذا صار شيء لا سمح الله
مهره بهمس لنوف: اقولج الحين من صدقه فهد
نوف: ف شو؟؟
مهره: ان حمدان عنده مهمه مداهمة عصابه مسلحه ؟!
نوف: هيه اكيد لان حمدان يقول كل شيء حق فهد .. عشان لا قدر الله صار شيء يكون في حد عنده علم
مهره: الله يحفظه يا رب
تمت مهره سرحانه وتفكر ف حمدان ومتوترة .. لان حمدان يوم ياه اتصال من الدوام على طول طلع حتى الدريس ما لبسه .. انتبه عليها سهيل وعرف شو الي تفكر فيه
سهيل: مهره تبينا نطلع
مهره بعدها سرحانه ما انتبهت له
سهيل: مهره ... مهوور
مهره :....
شوق صارخت فأذنها : مهووووووووووووووور
مهره وهي تمسك إذنها بانزعاج: شو تبين .. وبعدين لا تصارخين فأذني ما احب جذي اف
شوق: سهيل يباج
مهره: هلا؟؟
سهيل: ف شو قاعده تفكرين وسرحانه؟؟!
مهره: ولا شيء .. شو كنت تبا
سهيل: اقولج تبينا نطلع انا وياج مكان
مهره: لا مب متفيقه الحين .. بعدين بنطلع
وردوا الأهل يسولفون .. وبعد تقريباً ربع ساعه اتصل حمدان ف مهره .. مهره يوم شافت الرقم على طول ردت
مهره: الو
حمدان: شحاله القمر
مهره: وينك
حمدان : الحين بنزل من السياره وصلت خلاص
مهره: غريبه اليوم ما طولت
حمدان : هيييه لان بسرعه قدرنا ان نسي..... اااااااااااااه
مهره بخوف: حمدان
تمت تسمع صريخ حمدان .. طلعت برا البيت شافته طايح ف الحديقة ورأسه وأيده كل دم
مهره: حمدااان شفيك .. حمدااان
سهيل: شو ها منو مسوي فيه جذي
فهد: ما ادري .. شرايك انروح انشوف منو
سلطان: لا انا اشوف نبلغ الشرطه احسن
ابو حمدان : لا لا شو الشرطة .. الإسعاف
شوق: انا مع ابوي .. الاسعاف عشان اذا راح المستشفى يعرفون منو مسوي فيه جذي من خلال الشرطة طبعاً
مهره صارخت عليهم: يعنييي الحيييين الرياااال طاييح قدااامكم شلووووه سووو شيء بعديين اتشاورواا
شلوه فهد وسلطان وودوه الصاله راحت مهره تيب علبة الإسعافات الأوليه ويت تبا تمسح الجرح بس حمدان قعد يضحك .. وهي استغربت قعدت اتطالعه
حمدان: هههههههههههههههههههههههه
شوق: لاااا ليش خربت .. لو تميييت اكثر شوي
حمدان: ما ههههههههههه ما اقدر هههههههههههه
مهره: شفيك تضحك استخفيت تعال بعقم جروحك
الكل:ههههههههههههههههههههههههههه
فهد: مهره بعدج مب مستوعبه السالفه شو ؟؟؟
مهره: اي سالفه انت الثاني .. حمدان تعال شوف الدم كيف صار
سلطان: لا لا مهور هههههههههههه انتي مستحيله اليوم شفيج ما تبين تستوعبين ههههههههههههههههه
مهره : شفيكم جذي تضحكون افففف
الكل: مقلللللللللللببببب
مهره باستغراب: شو الي مقلب
منصور : حمدان مسوي فيج مقلب هو ما فيه شيء الي اتشوفينه عباره عن فيمتو والالوان
مهره توها تستوعب : شووووووووو!!!!
الكل: هههههههههههههههههههههههههههه
مهره بعصبيه :
.
.
.
.
.
.
.
.
.