امرأة في الاربعين

البارت٤

هناك دائماً ذلك الشخص الرمادي بحياتك لا يكتمل بياضه ..
و لا سواده .. عالق بمنتصف كل شيء ..
شخص تدرك أنه لن يكون لك .. و مع ذلك تعجز عن اقتلاعه منك ..
ترفض أن لا تشتاق له .. تحبه وتتقبله بكل امزجته الجميلة والتعيسة ..
تتقن فن الوفاء له .. تخط له رسالة كل صباح و تحرقها في المساء ..
تتخد قرار الرحيل عنه كل ليلة .. و حين يأتي موعد الرحيل تتراجع ..
تخاف أن تترك جزء منك وراءك ..
فتبقى و يبقى هو " صورة لا تكتمل "..

كان مثنى هو الصورة الي مااكتملت بحياتى
وظل لغز بعمري گله..
خطب بنت خالته اليتيمة افراح وماحضرت حفلة خطوبته حتى لاتعود نار گلبي توقد من
جديد حتى اخبار بيت عمي ماعدت اريد اسمعها...
طبعا بيبي حبيبتى سوت نفسها مريضة قبل حفلةخطوبة مثنى بايام حجة سوتهاحتى مااحضر الحفلة ولاهي تحضره بيومها
ظلينا اني وهي وحدنا واهلى كلهم راحو للحفلة
حتى ماجدة..

................

ورة شهر كان زواجه وطبعا لازم هلمرة احظر العرس لا اهلي وبيت عمي ينتبهولي ويتسألون ليش مااريداحظر العرس وخاصة بيبي هم راح تحظر لذلك مالي اي عذر ارفض الحضور..
بيوم حنتهم كنت كاعدةوية خواتى وامي ونسوان كرابتنابالصالة مال بيت عمتى ننتظرنروح لبيت العروس ونحنيها..
لمحت مثنى دخل للممر مال بيتهم وية اخوية ماهر ووكفوا يحجون وية امه وفجأة سحبته امه من ايده وهي تهلهل للصالة حتى يسلم على بيبي واني جنت بصف بيبي كاعدة لابسة فستان اسود قصير لتحت الركب وبه جاكة من ورة وهوعدل مابي شي غير بوسط البدلة وردة جبيرة مطرزة ببلك ذهبية وحمرة وبردن شفافة جان يضحك وية امه وماهروهو منطينا ظهره ومن اندار و شاف بيبي واني يمها ضحكته راحت وتغيرت ملامح وجهه واني عيوني لامته بنظراتى وعتبت عليه بيهن لان من يوم خطب ما اتواجهنا بعد وهاي جانت اول مرة النا بعدخطوبته..
مااتحمل يباوعلي بعد ورةماكمل كلامه وسلامه ويةبيبي اجى سلم على امي وباسها براسها وسلم عليةوعلى خواتى بصيغة جمع وكال شلونكم بنات عمي ان شاءالله بخير ياهلا وميت مرحبا بيكم اترخص منكم اروح ابدل واتحضر للحنة..
وراح وصعد حتى يتحضر.. ورة نص ساعة طلعنا لبيت اهل العروس طبعا شعوري اشكد مااحجيلكم قليل بالنسبة للي جنت احسه.

جنت اتؤسل به بگلبي واكوله اتراجع مثنى عوفها هي ماتعرفك بكدي ولاتعرف شتفكر وشتحب وشتكره. اني احبك حد النخاع😢.. واسأله بگلبي جاوبني انت حبيتنى مثل ماحبيتك؟ جاوبنى حبيتنى مثل ماحبيتك؟واردد هلسؤال ببالي..واصرخ بگلبي صرخات..
ليش قشمرتنى وخيبت امالي؟
ليش خليتنى اتعلق بيك؟؟
وتالي عفتنى.. اسئلة جدا كثيرة جانت بگلبي اريد اسأله.. ظلت كلها بگلبي 😢😢

شفته شلون واكف يمها وايده بيدها
فرحانة العروسة بيه واهله وخواته بس هو جان يتصرف ببرود مثل واحدباله مويمه..
المهم حنوهم وشويةهوسوا وكاموا يركصون وبنات عمي كوة كومونى حتى اركص وياهن ماردت بس بيبي اشرتلي بعيونها اكوم وكمت ركصت شوى ورجعت كعدت يم بيبي..
كتلها ليش بيبي خليتينى اكوم وياهن كالت ماريد احد يحس بيج شي وخاصةمثنى عيونه اكلتج اكل بنظراته وكام يمسح عرك واحنا بعز الشهر١٠لج كلبتي احواله وهذا اول درس اله معناه انتى مامهتمة اله وخليه يبقي ياكل بنفسه شلون فرط بيج الجبان واتزوج غيرج الا احرك كلبه واخليج دوم تستفزين مشاعره حتى يتندم عليج.
وكملت بيبي وشوشتها وياي وكالت هسة انداري وشوفيه شلون عينه عليج وفعلا شلت راسي بكبرياء وباوعت باتجاهه وشفته صافن علية من شافنى باوعتله دار عيونه على خطيبته حتى يبعد نظره عني من فشلته وياي ماله وجه.
رجعنا بيومها للبيت ب١ بليل بس اني وماجدة وباهر والباقين من اهلي باتوا اهناك ببيت عمي.
بيوم العرس رحنا الظهر بعد مارتبنا نفسنا اني وماجدة بتسريحات شعر بسيطة ومكياج خفيف يكاد مايبين اصلا حاطين بوكت الزفة مابقي مكان النا بسيارتنا من صعدبيها باباوماما وباهر جان يسوقها وبيبي وبيبية مثنى ام امه عاد احنا كالوا النا صعدوا بالكوستر ابوالنفرات الي جانوا جايبيها للمعازيم.
رحنا اني وماجدة نصعد جنت لابسة بيومها تنورة لف مشجرة احمربيه ورد اكبار صفر وقميص احمر سادةابو الكركش بالصدر جان موديله بوكتنا بتسعينات وداريد اصعد للكوستر وجانوا الشباب كرابتنا موجودين واكفين يم السيارات يوزعون المعازيم على السيارات ويكعدوهم صدك يصير هوا قوي واثناء مااشيل رجلي الهوى طير تنورتي و بينت رجلي لحد فوك الركبة لنص الفخذ موقف مخجل راسا لزمت التنورة ونزلتها ولفيتها اندارايت اشوف محد انتبهلي مالكيت غير واحد يباوعلي بنظرات غضب هو ولدشاب مبين اكبرمنى يجوز
ماعرفته بيومها اجي اقترب مني وعيونه تجدح وكلي صعدي بعد عندج عرض تعرضيه وهو يصك بسنونه الي.. واني انثولت من الموقف المحرج وماكدرت ارد عليه من خجلي وصعدت ولكيت ماكو مكان الكل كاعد وماجدة كاعدة يم بنت عمي ابتهال.
كلت هسةوين اكعد لابتهال وماجدة سمعت السائق بهل اللحظةصعد وكال بدون مااشوفه بس سمعت صوته كال تعاي اكومكان يمي بالصدر كعدي وية اخوية الزغير.
شفت ماجدة تأشرلي بيدها بمعنى رؤحى صعدي. والسائق يكول يلة راح نطلع بدءت سيارة الزفه تمشي.
صعدت من لاجارة ورحت والبنات يهوسن وية الاغاني والصفك والهلاهل وكعدت يم السائق واني لازمة تنورتى لاتنفتح لفها علية مرةلخ..
من استقريت بكعدتى بدت السيارةتتحرك سمعت واحدهمسلي بصوت ناصي نوعا ما وكال لزمي تنورتج زين وغطي رجليج لاتنفتح يعني مالكيتى غيرهاي التنورة الفضيحة تلبسيها.
طبعا انداريت على صاحب الصوت الي عرفته وشفته هونفس الولدالي شافنى من انفتحت التنورة بالهوا يم باب السيارة
. ردت بوكتها الكاع تنشك وتبلعني على هلموقف المخزي 😷😢