امرأة في الاربعين

البارت (١٢)

شسولفلك علي

شدت الدنيا وياي

عشت رعب السنابل

من يجي المنجل
.
.
.
هلو حبايبي❤😘😘😍

عفته وطلعت... امشي اريد اروح للمطبخ... اجي وراية  لزمني من زندي ودارني عليه

وكال  بهمس وهوصاك على سنونه... سمعيني ولج  اني ماجاي العب وياج يوم اريدك ويوم ماريدك انتي الي وماصيرين لغيري

قسما بالله ومحمد اخليج مثل البيت الواكف وانهي  نهوة عليج كل عمرج ومااخليج تتزوجين غيري اوتفكرين بغيري فهمتى😡.

هويحجي واني اريد اوخر ايده عن زندي... وفتحت عيوني على وسعهن من كلي  اوتفكرين بغيري...
ترك زندي ودفعني للمطبخ وسد الباب...

كتله بنترة... شتريدبعد شكوو شعندك عوفني وروح لمرتك. لاتجيك وراك  اهنا مو  كالت  انت ملكها شاعلة عمرها كله الك وتحسبت علية  روح بابا روح لا تجي وتسويلنا قصة.

تعصب بالزايد وشال اصبعه يهددني  واقترب مني..
وكال... لج اشو لسانج طولان وصرتي ماتحترميني شكو شبيج تخبلتي...

اني ودموعي كامت تنزل بصورةلاارادية رغم كنت اقاومها... اي تخبلت....
تخبلت..  ولك ماانسي مرتك تسحل بشعري  وتجرني من حضنك ولك راسي يوجعني لهسة هاي كدامك وهيج سوت بية
لعد باجرشتسوي بية كووول احجي... تتهجم علية اهنا وغير تكتلني...
وثم تعال كولي شسويت البارحةانت اشو رحت ومارجعت الا اليوم شنو جنت تراضيها هاااا....؟؟؟؟

احجي اشو ساكت... وتجي اليوم تريدني اتزوجك بهل سرعة
شنو بيبي مالها اي قيمة عندك وتريدتفرح وتتزوج ولاكأنما دافنين انسانة عزيزة  علينا ...

وراها ضحكت باستهزاء وكتله...
هه لا يجوز يمك دافنين راس بصل موووو؟؟؟؟
ابن امك طول عمركم ماحبيتوا بيبي مثلنا ياااا ابن خيرية... واهنا مااحس الا راشدى قوي اجى على خدي...
مثنى بعياط... انجبي انجبي ونزل راشدى ثاني على خدي  وكمت امشي لورةبخطواتي  وهويتقدم علية ويضرب راشدي ورة الثاني... ويعيط كككككافي ككككافي موتوني انتي من صفحةوافراح من صفحةوابوية وامي من صفحة
كام يعيط بصوت رجفني منه...
انعل ابو الحب لابو الي يحب ولج لان احبج تريدين اذليني لوتنتقمين منى ؟؟؟
كووولي فهميني ؟؟؟
انوب تشكين بحبي لبيبي الله يرحمها لج اريداسترعليج واكون سند لابوج والج ماعدكم غيرنا...  اخوانج مايقبلون اظلين هيج بعد افهمي عااااد

اهنا على عياطه اجي باهر ودفع الباب ودخل وشافني وجهي احمر  وعليه علامات كف  وابجي عرف مثنى ضاربني...

راسا اندار لمثنى وكال بعياط... شكووو اشبيكم ولكم صوتكم وصل يم ابويا وعمي للغرفة...

مثنى وهو يمسح وجه بايديه وكانما يريد يهدي نفسه..... اختك ماتريدني اتزوجها بسرعة تكول شناقصني واتزوج هيج..