امرأة في الاربعين

البارت ١٠

اذا أردت أن تعيد إنسانا للحياة

فضع في طريقه إنسانا يحبه

إنسانا يؤمن به

العقاقير وحدها لا تكفي..!

الأكثر وجعاً ،ليس مالم يكن يوماً لنا .. بل ما

امتلكناه برهة من الزمن ..

وسيظلّ ينقصنا إلى الأبد .🌹

مساء الخير🌙
.
.
.
كعدنا واصوات ضحكاتنا وسوالفنا تتعالى..
اني وياسين جان كاعد ببينا اخوه الزغير احمد وماجدة بصفي صايرة اني بينها وبين احمدابو١١سنة...
يسو يسولف ويباوعلي ويغمزلي للحديقة عود اطلع وياه واني اترجاه بعيوني عود ماكدر من اخواني عيب.. وباردة شتا...
اخواني وية خطيباتهم يسولفون وناسين وجودنا احنا الاربعة عاد حجي يسو وية ماجدة كللها... اي شونج ماجدة 😊
ماجدة وهي تعرف يسو يريد هم يختلي ويكعد وياي لان باجر يسافرون فيريد يشبع مني... جاوبته وكالت... حمدلله زينة وانت شلونك😉😂وتباوع علية وتغمزلي😂
يسو وهو ميت شوك بعيونه الي يكول لها... حمدلله بس لو تتزوجين وتخلصينا وتفتحين طريق النا حتى نتزوج بساع اني وهيام اكون بخير. فدوة حبابة اتزوجي بساع😩
ماجدة وهي تعوج حلكها وكالت... اي تدلل يلنسيب من باجر اتزوج اووه لا من هسة مو باجر. موالعرسان طوابير على الباب ينتظرون نظرة مني 😒😏والله يالله وهي تهز بيديها اني طايلة واحد وكايلة لا😒
اني طبعا خربت ضحك على طريقة كلامها رجع يسو جاوبها وكال... اكول مجو شنو رايج نزوجج لاحمد😆😂😂
اني اهنا فدمرة خربت وعلى صوتي بالضحك والكل كاموا يباوعلي...
ساهر كال ووجعي شبيج شنو هلضحك...
جاوبه يسو بشقةوكال وجعي ببطنك لاتحجي على خطيبتي مااسمحلك 😅
رد ساهر وهو يضحك كال.. هنيالك على هلزعطوطة راح تشيبك بخبالاتها.😂
رد يسو وكال... على گلبي مثل العسل انت الي ابتليت بوحدة نفسية مزاجها برتقالي 😜😝
سمر كامت تبرطم وكالت ليسو... اني نفسية اي خوش كتلي حتى بعد اسحب ايدي من هدومك العسكرية 😩
يسو... لج اتشاقي شبيج كلبتي 😅😅
ساهر... شبيج سميرة ترى كاعد نضحك ماتشوفين اختى ام اخبال هيام كاعدة وتضحك ولاضاجت ومستمرة.
كتله لساهر... ها شكووو شبيها هيام 😂
ساهر... انته ابو تيسير خليك ع الخط (عود يعني خليج على ضحكج وماعليج) 😂

الكل كام يضحك وماجدة تكرص بيه وتكولي بهمس فرحانة يختي بنكتة رجلج علية بسيطة اذا ماذليتكم 👌
انوب اريداسكت ماكدر كل ماباوع على يسو وماجدة واحمد اذكر .

واحمد انوب يكول لماجدة شكوبيها خلى نتزوج اني كبرت 😜

وماجدة تلطم 😱واخواني سمعوا النكتة شنو بخصوص زواج ماجدة من احمد الكل خرب ضحك

انوب فجاءة  هاي كامت وزعلت وطلعت وراحت صعدت لغرفتنا عاد انتبهت على نفسي وسكتت وتحول ضحكي الى احساس بالذنب على اختى حبيبتى ومشاعرها