وبالنسبة لبناتنا حبيباتنا الي باعمار زغيرة وانشدوا لقصتنا فهذني اعتبرهن من خيرة شاباتنا😍😍😘😘 لان عقولهن اكبر من اعمارهن ويريدن يعرفن شعور الي تدخل باربعينات العمر حتى يستفادن من الي مرينا بيه كلنا من جيل السبعينات..
والقصة اريدها حافز لهيام والنا كلنا حتى مايأثر بينا مجرد رقم باعمارنا..
المهم الروح مهما كان عمرج اكو باعمار العشرينات حاليا وشايلات هموم جبال ماتشيلها. صح واقعنا مرير وبيه مأساي لاحولة لنا فيها هواختبار وامتحان من ربنا سبحانه وتعالى..
لكن خلونا وحدةتساند الثانية بهل قصة شجعوا وياية هيام والي مثل هيام حتى تكدر تعبر عن نفسها... هي من عرضت عليه قصتها رادت تعرف شنو رائكم بحياتها والي راح يكون..
تريدتعرف هي خطأ او صح... وبالتالي تجربتها النا تعتبر عبرة اودرس ناخذه منها ومانرتكب اخطاءها او ننصحها..
ولاتفهمون قصدي غير شكل لا البنت محترمة بس اخطاءها بالي اتخذته من قرارات..
واني راح استمر اكتب... وهي تشكركم جزيل الشكر والحقيقةتكول رفعوا معنوياتى كلهن تتشكر منجن وحدةوحدة وتبلغلكم تحياتها واني هم اشكركم جزيل الشكر...
فديت الي يعلقن والي يتعبن عيونهن الحلوة بقراءة حروفي واني منكم وبيكم وان شاءالله كلنا خوات وماكو اي تفرقة بينا لاعربية ولاكردية ولاتركمانية ولاسنية ولاشيعية ولا صائبة ولا ايزيدية ولامسيح...
المهم عراقيات وكلنا فقدنا وتعرضنا لازمات ودروس بعضها تعلمنا منها وبعضها لا ومازال نتعلم ماطول عايشين...
