امرأة في الاربعين

البارت (١٤)

تأكد دائما بأنه...

في ذات الوقت الذي يراك احدُهم هامشاً..

آخر يراك أمنيته !❤

..
..
..
هلو حبايبي 😘❤

متابعة شيقة وخلوني اشوف ٥٠٠تصويت استاهل ترفعولي القصة احبكم 😘😘.

.
.
.

ورة ماطلع انهاريت ووكعدت بالكاع  بالزاوية ولميت رجلية لصدري وبديت ابجي وحطيت راسي بين رجلية  حتى امنع صوتي  ونحيبي وشهكاتى تطلع بس الدموع تتساقط...

اجاني وليد وكعد يمي وباسنى من راسي وكال بهدوء... خالتى خلي يولي انت سويتي الصح مايستاهلج هاي امه النسرة ماراح تخليج تنسعدين وياه شفتى شلون اجي علينا والشرر يتطايرمن عيونه لان دافعته عليج وهوبدون مايسمع منج اجى هداد.. عودمهندس ومثقف والله الله 😏لعد الجاهل الي مامتعلم شيكول...

لعد لومزوجين يومية تسويلج مشكلة انتي ناقصة مشاكل😰.

شلت راسي لوليد وكتله بكل الم  بكلبي  وبعيطة والدموع تتساقط... منو الي يستاهلني كوولي ...كول 😔؟؟

وليد... ان شاءالله احسن واحد ياخالتي انتي طيبة واكيد الله يريدلج الاحسن 😞.

مسحت دموعي وكتله...الله كريم... كوم وكومني وياك...  وبطل كلمة خالتى..لاتكبرني فدمرة يعععع اني خالة واحد شحط مثلك  😜
المفروض اني اكولك عمي 😂😂

كام ومدلي ايده لزمته وكمت..

وكال... اي هسة عرفتج  انتي  هيو الي اعرفها
الي هي اكبرمني سنتين وتتفيك براسي يمعودة بس لا اطردين بية مثل ماجنا جهال 😝😜

كتله... لا هسة اني اريدك يمنا فدوة لعينك وسحبت راسه وبسته من خده اتشاقى وياك  افتخر بيك ابن اختى وانى خالتك...  جنا نحجي ونمشي للهول..

رحنا يم بابا وعمو الي بعده كاعد يم بابا..

من شافني دخلت كام على حيله واتقرب مني وحضنى وبوسنى من راسي وكال...  لاتنقهرين بابا تستاهلين احسن من مثنى يا باباتى هومو ابني بس اني اكولج صح مايفيدج  ماطول يمد ايده عليج مايستاهلج بعد.

بابا كال... هااا يمتى ماد ايده عليها اشو ماكتولي...

ماردت اضوج بابا بوقتها ف ماكتله مثنى ضربني وباهر  هم ضربني سكتت بيومها..

رديت على بابا واني الزم ايد عمي واضغط عليه حتى لايحجي..
اني... لابابا موضرب  قوي بس ضربني راشدى  اليوم لان اتجاوزت اني على خالة...

وهو ابن عمي يمون علية وصار مثل اخوية بعد.  عمي... التفتلي ورجع باسنى من راسي وكال.. بارك الله بيج عمو رفعة راس انتي وامسحيها بية سوايته وسواية امه.
كتله عمو ماصار شي  هاي هية المهم اني اشتريت راحة بالي ومثنى الله يوفقه ويلكي احسن مني المهم انت عمي والله لايغيرك علينا ودمعت عيوني لان خنكتنى العبرة