امرأة في الاربعين

البارت ٣

#لا أحد ينتبهُ لنظراتك الشاردة وأفكارك المثقولة..

تستطيع خداع نصفِ العالم بكلمةِ بخير.??.

وأنت ترجو من اللَّهِ أنْ تكون كذلك فعلاً..

عندما تراني  غارقة  في صمتي....

ثم ابتسم  بيني  وبين نفسي...

لست  مختلة..

انني  على الارجح استحضر طيفا احبه .

هلو حبايبي... شلونكم 😍😍😘😘❤
.. 😘

متابعة شيقة....
.
.

صار العصر اجي مثنى... وبابا ومجو جانوا جايين من الشغل...
اتغدوا وسبحو ا....  جان صيف ببدايته... وارتاحوا وللساعة ٦طلعنا نروح..

وام وليد وابنها ضلوا يم بيبي وماما...

( قبل السقوط ببغداد خاصة ماجان اكو طائفية جاري شيعي وانا سني نطبخ للحسين هريسة سوة ونوزع سوة النسوان يسهرن الليل وهن يطبخن واحنا الجهال داير مايدور...
وتلبسنا ماما اسود ماجنا نفتهم ليش...

ونروح نزور للكاظم عليه السلام... وية جوارينا امي وجاراتها عبالك  خوات جانت عدنا جارة مصلاوية اصلها من الموصل وجارات اثنين سنة وباقي شيعة ولايوم فرقنا...

ماجنا نعرف جنت اسال ماما ليش خالة ام علي تصلي وهي مامجتفة جانت تكول يمة تتبع مذهبها الجعفري ... وجنت اكول لعد ليش احنا ليش نجتف جانت تكول احنا نتبع المذهب الحنفي....يعني ماجانوا يكولون سنة وشيعة انتبهوا...بس المذهب  يذكروه...

ناس بسيطة ضحكتهم صافية ومحبتهم لبعضهم البعض بدون مصالح... وبدون حقد
جانوا كل سنة بالشهر التاسع من يتغير الجو يأجرون الجيران سيارة باص ريم ويروحون بيه كلهم زيارة للنجف وكربلاء يظلون اسبوع...

جانت فرحتى ماتنوصف بذيج الايام انتظرها من السنة للسنة حتى بس اروح وية ماما وباباوبيبي وخواتي...
بالمدرسة ماجنت اعرف صديقتى  سنية لو شيعية ..كردية لوعربية... مسيحية لومسلمة..

بس الي عاش بذيج الايام يعرف شقصد وعن شنو اتكلم فلا تستغربون من اروح ازور ازور الامامين 😔...).

وصلنا للامام الكاظم ماجان اكو تفتيش وسيطرات  بسنة ١٩٩٧مثل هلوقت جانت السيارات توكف خارج باب الامام...

نزلنا..دخلنا لحظرة الامام ولا اراديا دموعي كامت اتصب.. وماجدة وياي هم تبجي...
كمت ادعي بكلبي واني ابجي..

كتله.... ياامام اشفعلي يم رب العالمين حتى  يبرد گلبي على زوجي الله يرحمه.. وارحمني تعبت ياالهي... واشفي لي امي وبرد كلبها على وفاة اخوية الله يرحمه 😭😭

وراها صلينا ركعتين وطلعنا كعدنا بالصحن.. لساعة
لحد ماهدئت وارتاحيت بابا كال يلة نروح لابي حنيفة...
اخذت علك لماما وزورته وديته الها ولبيبي..