امرأة في الاربعين

البارت (١١)

ولاني اخاف المرتفعات..

لم اثق ابدا"بقمة السعاده..

ولا قمة التعاسه..

أصبحت أفلت الأيادي قبل أن تُفلتني ..

وقلبي الذي كان يُقيم حرباً على فراق أحدهم ،
لم يعُد يهتم أبداً ••

هلو حبايبي 😘... يسعد صباحكم هذا بارت هدية لعيونكم... انتظروني الجمعة القادمة بأذن الله احبكم 😘😘

متابعة شيقة...،👇👇
.
.
.

يقال ان الزمن كفيل بالنسيان ...
لعد ليش كلشي محفور بذاكراتى مثل النقش على الخشب او الحجر..
مااعرف اوصف احساسي ومشاعري لحد اخر يوم بعمري.. كلام بابا وهو يكولي انا لله وانا اليه راجعون... 😭

مااعرف شلون التموا علينا الناس والاهل والكرايب وخواتى ام وليد وماجدة...

اسمع عياطهن وبجيهن  على بيبي.. وماجدةتملخ خدها وتصرخ ماودعتج يابيبي ماودعتج... سامحيني بيبي..

مااعرف اوصفلكم شنومن نار اشتعلت بية بنص روحي
حسيت بنفسي اذا اتخبلت من كدحزني على بيبي اكدر اكتل ماجدة واخوتي الي ظلت حسرة بكلب بيبي شوفتهم...

صرخت بوجهها كتلها سكتي... سكتي... جان اجيتي شفتيها... صرخت علية هي هم

وكالت.. ماكتولي مريضة جان اجيت...

كتلها... ماجانت مريضة ماجانت مريضة هاي ام وليد جانت عدنا البارحةبليل 😭 أسأليها. كلشي مابيها

جان اجيتى وشوفتيها عفتي اهلج وناسج انتي واخوتج ونسيتوا عدكم اهل نسيتوا عدكم اب... طبعا جنت احجي وابجي...

وفجاءة حطوا تابوت بيبي كدامنا ورة ماغسلولها غسل الميت وكفنوها... 

حتى نودعها...

كانت  عندي  صدمة ورجفة حتى ما كدرت اغسل بيبي وية المرة ...ام وليدومرت عمي تكفلوا...

اهنا وكفت واني اشوف تابوتها ... كأنما دا أشوف اثبات يثبت  بان
بيبي ماتت بعد ماتعود.. 😭

كنت اظن بعدني بكابوس وهسة اصحى منه.. وبقرارة نفسي
اكول هسة تكعد تتريك وياي...

لكن من سمعت عمي  قاسم ابو مثنى يصيح ويكول ابروها الذمة يابة وتوادعوا وية الغالية وهو يشهك ويبجي...

انهاريت... ووكعت بالكاع وزحف رحت لتابوتها  عيني عليها وكانما اشوفها تبتسملي وفاتحتلي ايديها...

صرخت صرخة....اااااخ يابيبي كسرتي ظهري... جنتي مصبرتني على دنياي..

. اجوا شالوها وهمة يرددون لا اله الا الله.. لااله الا الله...
وطلعوها... ركضت بثوبي الابيض وراهم بنص ردن  مو بوعيي...فاقدة وشعري مفتوح