امرأة في الاربعين

(البارت ٢٩)

اراهم يبحثون عن الحب وكانه شيء لا يطال
‏الم يعلموا بان الحب كلمه تنهي صمتاً ؟؟
‏وابتسامه.تذيب حزناً..
‏ودعاء... ينتشل هماً..
‏واتصال. بلا كبرياء
‏ورساله عفويه
‏وسؤال عن الحال
‏واهتمام... ولطف ..وعطف
‏وذوق واكثر... واجمل من كل ذلك ..
‏ف هل بعد كل هذا الحب
‏الذي يحيط بهم
‏يبحثون !!
.
.

هلو حبايبي 😘😘
.
.
بابا... شلونج بنتي ليش تبجين..

اني.... مشتاقتلك يابابا مشتاقتلك 😭.. شلونك

صحتك شلونها؟

بابا... حمدلله بنتي زين وانت شلونج وسنان

شلونه؟

اني... حمدلله زينين... بالي يمك بابا 😢

بابا... لا تشغلين بالج بية فائزةبعدها يمنا هي

وجهالها وماجدة هم بعدها... ديري بالج على

رجلج واهتمي بيه بابا..

اني... ان شاءالله...

بابا... يلا سلميلنا على سنان واهله..

اني... الله يسلمك فدوة اروحلك بابا دير بالك

على نفسك..

بابا... وانتي هم باباتي... سديت الخط... كعدت

ابجي بعداكثر وسنان يهدي بية گلبي نار يشتعل

عليه ومشتاقةلبيتنا وراحتى بيها وابجي على

حالي وين وصلني الوكت 😭.

ثالث يوم زواجي ...

خواتي ومرت عمي ابوعدنان

وابتهال ونسوان اخوتي اجوني سوينا ثالث

ماسوينا سابع...

سويتلهم جدر دولمة جبير تكاليفها مني بيت

اهل سنان مامهتمين بهل سوالف واني حمدلله

عندي جم فلس جوة ايدي وكلت مااقصر

لجية اهلي ومباركتهم الية ولفيت الدولمة

بوحدي

مااكدر اكلف عبير تساعدني... لان دوم لو

ببيت جارتنا ام حسين الي هي كرابتهم لو ام

حسين يمنا ودك سوالف لوطلعات للسوك

او واجب تزور بدل امها الجيران اوتروح

للفواتح اسم الله حسب ماعرفت من عمتي..

وسويت كبة حلب كببتهن وخليتهن للعشا

قبل جيتهن اكليهن... وانطيت فلوس لسنان

يجيبلي كيك و بيبسي وفواكه...

وراح جابلي..

واني استلمت البيت تنظيف ومسح لان اهلي