امرأة في الاربعين

البارت (١٣)

من أعلى مراتب التوازن النفسي..

ألا تسعى لتصحيح الظن السيء بك....

من أكرمك فأكرمه،،،

ومن استخف بك فأكرم نفسك عنه😉

.
.

هلو حبايبي... بارت مفاجئ قصير لعيونكم 😘😍

.
.

دخل مثنى... وعيونه تجدح غضب..

سلم عليه وليد مارد السلام... عافه ومشى باتجاهي..

اني من شفته  هيج وكفت اتخوصرت وابينله عود ماخايفةمنه بس مرعوبة بداخلي

و كتله.... ها خييير جاي تكمل عركة امك 😏..

وجان يلزمني من شعري ويسحلني يريد ياخذني لغرفة بيبي حتى يستفرد بية

وكال... لج تغلطين على امي واطولين السانج وتكولين علية طز بمثنى وبميت واحد مثله هذا الخنثي الساقط...
لج اني ساااااقط  لج اني خنثي  وكام يسحل بية من جهة لجهة وكمت اصرخ على وليد الحكني...

اجي وليد ودفعه عني... اتقدم هو وكال لوليد وخر بابا لاتتعور لاتخليني امد ايدي عليك انت خوش ولد وخالتك تريد اربيها اني زوجها وراح اربيها..

عيط عليه وليد وكال... قبل لاتربي خالتي خليني احجيلك الي صار عرفت ليش امك اجت وهجمت علينا لولا؟؟
اي اعرف علمود زواجنا نخليه ورة اربعين  بيبي والخانم ماقابلة وسابة وغالطة على امي..

اني اهنا ماتحملت عيطت على مثنى واني ورة وليد واكفة محتمية بيه.... لا والله ربحت ياافندي امك اجت اطالبني بعقدبيع البيت الاكشر الي سجلتوا باسمي...

لو بس كدرتك علية واني اعترف كلت عليك خنثي وطز... بس مازدت اكثرمن هاي لاتتبلى امك علية...
تقبلها على امي الحجية الصايمة المصلية تكوللها امك ام السحورة مايمشي بالسحر الي الي يحجي بيه.. جايني ادافع عن امك روح شوف شباك المطبخ شون كسرته.. ابد موصاحية امك..

وهاي الي كتلك عليه المشاكل الي راح تصير اذا اتزوجتك ممكن تكولي شلون امك عرفت بموضوع البيت هاا؟؟؟

فتح عيونه علينا وكال احجي  وليد صدك هلحجي..؟؟ 😡

وليد.... اي واني شاهد عليه وهي امك الي اتهجمت علينا وكامت تغلط وتهدد بهيومة.

عافنا وراح وخابر على امه من تليفوننا... وكام يعيط عليها ويهدد...

وسدالتليفون.. ورجع خابر على ابوه بالشركة وكام يحجيله وسمعته يكول لعمي اني ببيت عمي تعال اهنا...

وسدالتليفون واجانى... كلي تعاي اريد احاجيج.. لزمت ايد وليد كتله تعال وياي...

مثنى شافني متمسكة ولازمة ايد وليد.. كلي بنفاذ صبر تعاي ماراح اكلج...