امرأة في الاربعين

البارت (١٨)

ولناااا ...؟؟؟

في فراق الاحبه ...

وجع لا يزول ...

والم لا ينتهي ..!!!

❤❤❤

هلو حبايبي.. كما وعدتكم بارت ثاني... وان شاءالله بعد للتسهايل 😂 😘😘

.

.

.
التفتت وجان اشوفه....

سنان...  جنت انتظرج تجين...

اني وعلامات التعجب والاستغراب بعيوني... نعم؟؟!! جنت تنتظرني؟؟!!!

سنان... اي اتاخرتي ودورت عليج ب الطريق

الرئيسي  مرتين بالسيارة  هم مالكيتج..

صفنت عليه.. وكوتله.. شمدريك بية؟؟!

اتقرب وكعد على الكرسي الي بصفي وبينا كرسي..

سنان... شبيج موالصبح كولتي لوليد اني سمعتج...

اتنهدت... زين اشجابك  وراية  مو المفروض 

انت هسةبالكلية!!

سنان... لااخذت اجازة حتى اجي اشوفج..

واريد اعرف شقررتي؟؟!!

اني... سنان خليها ع الايام وهي تقرر مااكدر

انطيك جواب بعد وكت انت منو يكول اهلك يوافقون...

سنان... انتى معليج انتى كولي اي واني احجي وية ابوية وان شاءالله خير..

اني الله كريم.. كلتها وجان تطلع المرة من

الغرفةمال طبيب الاسنان ويجي سراية حتى ادخل..

استأذنت من سنان ودخلت...

دخلت يم الطبيب واتأخرت هيج ربع ساعة و

ماشلعها الي لان ملتهبة وكتبلي علاج...

جنت من كل ظني عبالي راح سنان..

طلعت لكيته كاعد بنفس مكانه  والمطر صار اقوى... وترعد...

من شافني طلعت كام على حيله واجى باتجاهي..

سنان... ها بشري شسويتى...؟؟

اني.. ماقبل يشلعها الا يروح الالتهاب وكتبلي

علاج اروح اخذه من الصيدلية...

سنان... انطيني اني اروح اجيبه كعدي اهنا

وانتظريني...

وسحب ورقة العلاج مني وراح للصيدلية..

كعدت اباوع للمطر وابتسم على تصرفات سنان..

هذا من كل عقله اهله راح

يوافقون علية...!!؟

ورة ١٠دقايق اجاني وجايبلي العلاج...