امرأة في الاربعين

البارت٢

كيف نجعل خطى الزمن تتباطئ؟

لان الذي مضى قد كان سريعا ...سريعا جدا !!

أتسـائـل أحـيـانـآ لـمـاذا جـآء بــكَ آلقـدر لحـياتي...

طالمـا هـو لَـن يـمـنـحـنـي فــرصة آلحيــآة معــك😥😥
.
.
..

هلو حبايبي اليوم ادللكم والله 😉😍😍😘

.
.
.
ماما من ضربتها جلطة من وفاة ماهر اي تحسن ماجان اكو بحالتها.. الابعد ٧اشهر.
كأنما جانت فاقدة الاحساس بالحياة رغم حاولنا وياها بالعلاج الطبيعي بالبداية... هسة شوية كامت تتقبل العلاج وشوية كامت تحرك ايدها ورجلها.. وكمنا نفهم كلامها صح بيه ثكل بس احسن من قبل.

احنا البنات اربعتنا جنا نتبادل عليها الاكثراني وماجدة.. حتى الحاجتين تكرمون ناخذها منها وبني أدم عظمه ثكيل 😔.

لذلك مرات الصبح جنت احتاج احد يكلبها وياي فجنت اصيح لوبثينة لوسمر...

جنت اشوف بعينهن الشكوى.. افهم موماافهم وحتى ماما هم جانت تحس..ويتأففن من اصيحهن اظل وحدة تشمر ع ثانية تنزل تساعدني.

خواتى ام وليد ماجانت مقصرة بس دوم عدها خطار... ماتكدرتعوف بيتها وتجي يومية..
وليد ابنها مرات جان يجي ويساعدنا اني وماجدة خاصةمن نريد نسبحهها...

بابا مهدود حيله من صفحة وفاةماهر ومن صفحة شريكة عمره الي انشلت ومن صفحة وضعي...

اخوتى باهر وساهر اتخرجوا هاي السنة واكيد كأي خريج لازم بعدالتخرج يكمل الخدمة الالزامية للعسكرية سنة ونصف...

وبثينة وسمر طلعن حوامل صارلهن وحدة 4 اشهر ووحدة شهر ين ونص.. فكمت ماكدر احاجيهن لاتكب عيطة اخوتى علية... ويضربوني...
مثل ماصار مرة....

مرة... ساعدتنى سمر حتى ناخذها للحمام وياي وكوة تتأفف شلناها نريد نحطها على الكرسي المتحرك.. جان متكدر ووكعت ماما بالكاع من ايدينا.. واتأذت سودة علية...

كمت احجي بهدوء اعاتبها.. كتلها ياسمر ماتكدرين جان كلتي حتى مانحركها هسة زين هيجي اتأذت 😞...
اشو هاي انفعلت علية وكالت.. اوووي ابتلينا خوما ابتلينا جلبت الا تصيحينا لواني لوبثينة موانتن اربعة اتعاونوا عليها... يجوز احنا حوامل شي..
اني... على كيفج سمر لاتعلين صوتج.. اني هم صوجي لان اعتبرتجن من اهل البيت وامي جانت مدللتكم آخر دلال تاليها وكلت مثل المرحومة الجن باعتبار شمدريني هاي مجازاتها خلف الله عليجن...
سمر... دلال شنو ليش يمة منو كلج جنا كاعدات
وحاطات رجل على رجل هااا 😡.

ردت اجاوبها... اجت بيبي على صوتنا وكالت هي ردا عليها.... اي بيبي جنتن مرتاحات اذاجنتن تنظفن غرفجن وتخدمن رجولجن مومعناها جنتن تشتغلن بالبيت
جانت عمتج هاي الي بالكاع مشمورة هي وبتها ماجدة المكرودة شايلاته موانتى واختج وثم عيب ترفعين صوتج كدامنا...
خازرتنا بعيونها وشالت خشمها وعافتنا وراحت صعدت لغرفتها وسدت الباب القوية سمعناها من جوة 😖.