امرأة في الاربعين

البارت (١٥)

‏هكذا هي الحياة الدنيا  . . . .
أيام تحبها . . . وأيام لا تفهمها . . . .
وأيام تنتظرها ولا تأتي ..!!
وأيام تحزنك وأيام تفرحك . . . .

ومع هذا كله ..
ليس للمؤمن راحة إلا في الجنة❤
.
.
.
هلو حبايبي 😘😘😘😍 جمعة مباركة ❤

.
.
.

سنان كام يتردد علينا هواية وية وليد يكعدون يراجعون لو يتعللون..
جنت دوم اسويلهم حلويات وطبخات وچاي وعصير..

وطبعا ماجنت اطلعله ولا يشوفني... بس اني جنت اشوفه...
ضحكته  حلوة وصوته كلش حلو... كلهم حبوه اختي ام وليد وولدها...
حتى بابا بدئ يحبه..
جان يجي ايام الخميس بالشتا يسهر وية ولد اختى يمنا وليد واخوانه..

واني ومروش نسويلهم چاي وحلويات...

مرة صادف  الخميس العصر  والجو مطر اليوم

خابرتني ام وليد كالت... بابا  اجي يمنا من السوك ابو وليد شايفه بالطريق وجابه وانتي وليد  تعالوا اليوم عدنا غيروا جوا شنو هلكآبة ٢٤ساعة بالبيت كاعدة.....  واليوم ابو وليد خفارة باتوا عدنا...

كتلها... يمعودة وليد طلع وية صديقه سنان مااعرف يمتى يجي...
كالت انتظريه من يجي... طلعيله  قبل لايروح سنان حتى يذبكم يمنا..

كتلها... عيب من الولد يشتغل يمنا..
كالت... لا وج يشتغل تكسي هو هم  حالتهم موشي... هاذي سيارة ابوه وليد يكول..

كتلها ...ماشي بأجرته نجي..
كالت... اي انتظركم سويتلكم شلون  دولمة يمة يمة يخبببل حامضة وراح الجعها الج من اطبخها..

اني.... ههههه عاشت ايدج اموت على دولمتج.

ام وليد.... تدللين... يلة انتظري وليد من يجي  تعالوا... باي
اني... باي

كعدت انتظر✋ وليد ل٦ سمعت صوت سيارة🚗 لبست حجابي..  طلعتلهم...  والمطر واكف بس هم مبينة بيها مطرة 😍.

مديت راسي صحت وليد..
التفتولي اثنينهم... اتقرب وليد... وسنان عيونه مركزه علية..
طبيت ورة باب الحديقة كتله... خلي صديقك يوصلنا لبيت اهلك بابا اهناك وراح نبات عدكم.

كال... اي... هسة..
طلع وكال لصديقه.. واجانى كال خلي اخذ  جم حاجة محتاجهم وهم نصلي المغرب ونروح...

كتله... ماشي يلة...
سنان وكف السيارة صفح... ونزل...

اني جنت بالمطبخ شفته دخل.. اني ماجنت اصلي بيومها عندي عذر شرعي...

سمعتهم يتؤضون سوة... بعدين دخلو للاستقبال... كلت خلي اروح ابدل علما يصلون
طلعت لكيتهم واكفين واحد بصف الثاني ويصلون.. بس ظهرهم علية يعني مايشوفوني....
وليد مجتف ايديه... وسنان  مامجتف... كلت  بكلبي  من غير مذهب طلع سنان....

عفتهم ورحت بدلت كملت وحطيت ملابس الي بعلاگة وطلعت يم الاستقبال..
وليد شافني كال... ها جهزتي؟
اني... اي
وليد  يوجهه كلامه الي ولصديقه انتظروني اروح اجيب  كتاب الي  وقمصلتي مال البيت..