امرأة في الاربعين

البارت ٥

الحبُّ عندما يأتي . .  لايبحث له عن مُبرّر  ولا

حتى يأخذ له موعداً والسبب ان بعض البشر

بستطاعتهم ان يوقظون شيئا نائما كان

بداخلك...ويشعلون مشاعر وحب واحساس قد

خمد منذ زمن بعيد في صدرك .قادرين على ان

يخلقون ويشعلون هذا الشعور بروحك وقلبك

واحساسك ومشاعرك .لهذا هم لايخرجون منك

أبدا حتى لو رحلوا وقالوا وداعاً..

والسبب لانهم ليسوا كأين من البشر هم روح

ونبض واحساس يسكن اعمااااق قلوبنا ومن

المستحيل الاستغناء عنهم وعندما يأخذنا

الحنين إلى الوراء اليهم لانعلم هل نبتسم لأن

الذكريات جميلة أم نبكي لأن الماضي لن

يعود .... 🌺🌺🌷🌹
بقلمي المتواضع...

هلو حبايبي شلونكم 😘😘😘😍
.

.
.

ثاني يوم اجانا مثنى ساعة٣طلعنا للطبيب... جان هودوم يحجز لبيبي ويدفع تكاليف الطبيب والعلاج مال بيبي...

عمي ابو مثنى مقاول بناء🏫.. ومثنى خلص هندسة معمارية... عمي جانت اله شركته الخاصةوحالتهم كلش زينة... حتى بالحصار...
لذلك مجان عمي يخلي بابا يدخل بمصاريف علاج بيبي... جنت احسدهم على اخوتهم وتماسكهم...واتحسر ليش ماطلعنا على عمامنا واخوتنا ماصارت قوية مثلهم ولامحنة صارت بينا مثلهم...

نرجع لمثنى الي اجى ورانا وطلعنا
للطبيب هلمرة بس اني ووياه وبيبي... ماجدة مااجت...

ملابسي جانت عبارة عن تنورةسودةوقميص بهاري وعليه جاكيت صوف اسود .. وطبعا حجاب اسود...

كعدنا ننتظر دورنا... بيبي كاعدة بينا... اشوفه يشاور بيبي... وبيبي تشاوره...
واني كلشي ماافهم شكو...
من كملنا من الطبيب وصعدت بيبي بالسيارة وصعدت اني هم... مثنى راح جاب العلاج من الصيدلية واجي صعد... وطلعنا...

كام يعلمني بالطريق على الادوية واوقاتها... وصلنا ونزلنا بالبيت...
شفته يريد يروح... كتله ماتتفضل...
كال... لا  نجيكم فديوم  اني وامي وابوية...
كتله... هااا اي هلابيكم..
ودعناه بالباب وراح... دخلنا جوة اني وبيبي.

...............

ورة يومين اجو الناس الي يخطبون ماجدة لابنهم... استقبلناهم كلنا اني وبيبي وبابا وام وليد وابو وليد وعمي ومثنى هم دز عليهم بابا وتمت الخطبة وقراية الفاتحة بابا قبلها جانت ماجدة حاجيتله عنه وسأل عنهم يلة كللهم تفضلو... 
واخوتى خابرهم بابا ماقبلوا يحظرون بس كاللوله بكيفك انت ابوهن.. بابا اخذ رائهم بس هيج  حتى ينطيهم علم بزواج اختهم.