امرأة في الاربعين

البارت (١٧)

السجن ليس مجرد جدران وقضبان

بل أحيانا يكون على هيئة ظلم يقع عليك

ولا تستطيع أن ترفعه أو تتحدث عنه..

على هيئة أشخاص حولك لا ترغب بهم

لكنك مجبور على معايشتهم..

على هيئة وظيفة لا تناسبك.. لكن ليس لك بديل

عنهاللسجن أنواع..

وكل منا له سجنه الخاص!.

اهلا حبايبي  مشتاقتلكم😘😍..

شكرا جزيلا لتفهمكم تاخيري البارت اسعدتنى ردودكم وتقديركم  وضعي الصحي..

وارجوا ان اكون عند حسن ظنكم دائما 😘 هذا بارت قصير هسة وبعد ١٢هم بارت احبكم😍😘😘

.
.

.
.

ورة ماكلمت سنان. وسديت التليفون... اتمددت على سريري واني  الوم نفسي على تصرفي وشلون اتصلت بولد مجرد انطاني رقمه...

.وافكر بيه.. واكلم نفسي..

ياترى صدك كلامه لو مجرد كلام حجاه وباجر ينساه؟
ويجوز يكون عد كلمته ويجي يخطبني..

واذا خطبني.. هل ياترى راح  يكون مثل ياسين لو مثل مثنى؟!!!

لا ياسين محد يجي مثله 💔 مستحيل يجي احد مثل طبعه واخلاقه...

ياسين حتى لو خلق الله نفس وجهه... بس مااتصور يشيل اخلاق ياسين...

مديت ايدي جوة مخدتي وطلعت صورته الله يرحمه الي مافاركتنى من يوم وفاته.... و

رجعت كمت اكلمه بصورته...

ياسين.. ليش عفتنى... موجنت تكولي للموت سوة... وين رحت وعفتني..

عفتنى بين ناس ماعرفهم خليتني بحيرةوضياع صرت مثل الغرگان الي يريد يتعلگ بكشاية...

ياسين ماعندي احد بيبي راحت 😭... خواتى واخوتي كلمن ملتهي بحياته....

بقالي بس بابا وبابا يريد يطمئن علية مايريد تغمضله عين وهو مامطمئن علية بجناح رجال  

حتى من خطبني مثنى.. ردت افرحه واخليه يطمئن علية وكمت اعود نفسي عليه لحد مااوهمت نفسي تعودت عليه..

وباول  مشكلة  صدمني بيه...

واني ماكدرت اتزوجه ماكدرت 😭 خفت من امه ومرته...
ااتعذب بحياتى الجاية وياهم..

ويعادوني..

تالي طلكها وامه اتمرضت...  بعدين اكتشفت هم موالسبب  الرئيسي هن...

تدري ليش... تدري.....  احجي واصابعي تتلمس  ملامحه وعيونه الحلوة..... تدري ليش  

لان ماحبيته مثل ماحبيتك..😢