امرأة في الاربعين

(البارت ٢٥)

‏خَلف كُل نافذَة قصَة..

وَ خلفَ كل قصه قلوبُ مختلفة...

منها من...

تنبضُ بِـ الحُب..

بِـ الحنينْ..

بِـ الألمْ..

بِـ بالوجعْ..

بِـ الفقدْ..

ومنها من تنبض بما لا يُحكى......!!

# نورا

😘😘good evening 🌇

.

اولا حبيت اشكركم على متابعتكم وتشجيعكم الي يدفعني رغم ظروف مرضي

اني اكمل وبقوة.. وتعليقاتكم دليل وعيكم وثقافتكم الراقية

وكل تعليق سلبي من شخص  يمثل  نفسه.

اشكركم مرة ثانية..

اما اصحاب النفوس الضعيفة الي تبلغ على صفحة الوات باد

مالتي ويحاربوني... ويطلعون قوتهم من خلف الكيبورد فأحب اكوللهم...

اشكد مايوصل كلامكم السم

مايعنيني ضلوا بغيضكم لحد ماانهي القصة ان شاءالله.

كل الي يهمني صاحبة القصة

الي وثقت بية والمتابعين الراقين والمتابعات الراقيات

عذروني على الاطالة بس حبيت اشركم  وياية بان هاي

القصة  مو سهلة كاعد احصل بيها مضايقات كثيرة في سبيل اوقفها...

واخيرا وليس اخرآ احبكم 😘😍
😘

😘
.
.
ظليت على كآبتي لثاني يوم...

بابا مايكلمني حتى من صبحت عليه مارد علية...
رحت خابرت مروة

تجيني...

واجت الظهر وية مصطفى اخوها اخو وليد.

جنت راح اصب غدة... اجت ساعدتنى...

وعمي ابومثنى حمدلله اجي يتغدي يمنا

كلت هم زين نغير جو بوجوده خاصة الجو

مشحون... ويصالحني على بابا...

صبيت وكعدنا ناكل  اني ومروة وبابا وعمو

بس بابا هم رجع مايشتهي  كمت افلس دجاج

واحط كدامه وكدام عمي..

نتر بية نترة  وكال ماريد شيلي انتوا اكلوا..

عمي اتفأجئ بيه  وكام يباوعلي ويباوع لبابا

وكال... على كيفك خوية

ترة البنت تريد تؤكلك...  شبيك تعصبت..

اني العبرة خانكتنى باوعت لعمي بعيون

مهضومة والدمع على طرفها.. هو غمض عيونه