امرأة في الاربعين

البارت ٧

لا لقاء لي معك على الأرض، 🌏🌍🌎

يكفي أن تبعث لي تحيتك عبر النجمة ⭐💫

كلما انتصف الليل🌚 💔...
.
.
هلوحبايبي شلونكم مشتاقتلك😘😘😍
.
.
.
و تتوالي الآلام حتي تفقد تأثيرها فلا اشعر بها.. ويتعاقب الخذلان خلف الآخر فاعتاده و لا يهزني..
تتكرر لأصبح أكثر قوه.. و لكن في قوتي مرارة تشتاق لصفاء ضعفي البريئ..

مرت الايام... واجي يوم زواج ابتهال بنت عمي اجت يمنا هي وامها وعمي وية مثنى حتى تعزمنا اني وبيبي...

جانوا كاعدين بالهول بيبي وبابا وهمة جبتلهم  شربت وقدمتلهم
لبيبي اول شي وراها مرت عمي  من قدمتلها اخذت الكلاص مني وكالت يوم زواجج ان شاءالله  وهي تباوعلي بعين ولمثنى بعين شكرتها شسوى  حتى اسد الكلام ماريد يحجون بهل موضوع...
وبعدين قدمت للكل ورحت كعدت يم ابتهال طلبت مني نروح للمطبخ تريدني بكلمة راس.

كمنا ورحنا.. وكعدنا بالمطبخ.. فتحت   علاكة جانت  بيهاهدية الي مال زواجها جان  قطعةقماش غالية وحلوة بنفسجية فاتحة  وفستان  برنسيسةازرق فاتح بيه ورد ابيض  ناعم  وحزام ابيض وياه جاهز جان راقي ونازك كلش وعلبة مكياج وعطر...

اتأثرت حيل مو لان فرحانة للهدايا لا فرحت لان ذكرتنى احسن من اختى بنت امي وابوي 😢.

شكرتها وباركتلها وتمنيتلها السعادة ودمعت عيوني صدك طيبة ومن دمي ولحمي وجانت لايكة لماهر سودة علية الله يرحمه..

اتشكرتها وكتلها راح افتقدج والله وماسيطرت على دموعي وكامن ينزلن عشرة عشرة

حظنا بعض وظلينا نبجي  ماذكرنا ماهر الله يرحمه بلساننا بس بكلوبنا ذكرناه 😭.

حلفتنى بروحهم بروح ماما وياسين وماهر ابدل الاسود والبس الفستان واحظر حنتها الخميس الجاي..
وافقت  لخاطرها... ولان ماكدراحظرعرسها لان بيبي ماكدراعوفها فوافقت احظر حنتها..
لان عرسها راح يكون بديالى واهلها يروحون ماعدا مثنى وعمي...

اجي مثنى يمنا وكال ها على شنو تخططون ومن شاف عيوننا..
كال.. ياستار عيونكم مورمة  لازم بجيتوا اعرفكم انتو البنات تموتون ع النكد.. معجونين بالنكد اووويلي الله يساعدنا عليكم...

ضحكنا عليه... وابتهال كالت ها شعندك يمنا؟!
مثنى وهورفعلنا حاجب... وكال... اجيت اكل شي جوعان ماعدكم شي .

كتله... بلي نواشف عندي ظلت من العشا تاكل
كال... اي من ايدج حتى الحصو اكله 😇.
اني وابتهال ضحكنا عليه..
ابتهال رادت  اتجگاره...وكالتله.... موسوتلك افراح  مرتك عشا ليش مااتعشيت😉.

مثنى وهو يباوعلي واني كمت اطلعله اكل واحط  ع نار... وكال... لا مااشتهيت بوكتها بس من شفت هيام اشتهيت اكل.. ☺😍.