امرأة في الاربعين

البارت (٢٣)

سلامآ.. لمن كبروا بالعمر، وهم لا زالوا يحملون

في أيديهم حقائب الأمنيات..
للذين لم تسعفهم

الأقدار، لشراء بعضاً من الحظ ليساندهم

كعكازة فرح لسنوات..

سلامآ.. لمن قيدتهم ظروفهم الصعبة، وبقوا في

أماكنهم يعدّون أحلامهم، لتنعس تلك النجمات..

لأولئك الذين سبقتهم تواريخ ميلادهم، وبات

الزمن يطفيء شموع ما إدخروه من ذكريات..

سلامآ.. لمن يشعرون وكأنهم قفزوا بالعمر عالياً

وهبطوا دون مظلة، على سطح واقعهم دون

إصابات ليلملموا ما بعثرته ملامحهم من

خطوط ظهرت على وجه الحياة..

سلامآ لكم احبتي 😘😘😍.
.
.
.
.

ام سنان... حجي نتشرف بيكم واجينا اليوم واحنا
طالبين ايد المحروسة بتكم لابني سنان على سنة الله ورسوله...

وجان الكل يلتفت علية..

بابا ووليد وعمي 😲😲الصدمة سكتتهم.

ام وليد 😲😱😠

مروش 😍😍

اني 😲😰

ام سنان واخته 😒😏...

سنان 😊😊😍

(😂😉دا اوصفلكم وجوهم عسا فهمتوهم).

عمي ابو مثنى.. من شاف الكل سكت قطع

الصمت وحجى وكال... اي ام سنان نتشرف

بيكم... وباوع لبابا وهز راسه بمعنى وافق...

بابا التفت وباوعلي... اني باوعتله و دنكت

راسي سبحان الله ماكو اي مشاعر فرح بلگلبي

مثل غيري من البنات خاصة امه واخته جانن

يتفحصن بية من فوك لجوة وكأنما ماعاجبتهن

ويعوجن بحلكهن 😒😏

رد بابا على ام سنان... وكاللها... نتشرف بيكم

يابة (لان ام سنان موكلش جبيرة بالعمر

فاعتبرها بابا مثل بنته).

بس انطونا مهلة نستشير اخوانها وعمامها

ويصير خير..

ام سنان... اي حجي من حقكم.. براحتكم

سنان... مااتحمل الا يحجي... وكال لبابا... عمي

من رخصتك بس اتمنى جوابكم هلايام لان

اعرف انت راح تسافر ان شاءالله للعلاج ويجوز

اطول بالسفر على الاقل قبل لاتسافر اذا صارت

القسمة نكطع مهر شيخ قبل لاتروحون...