امرأة في الاربعين

(البارت ٣١)

ذاك الذي لايقرأ..
ذاك الذي لايشعر..
ذاك القريب البعيد..
يتقن لغة الصمت..
ولاننا لن نلتقي... ترك لي الكثير من الحبر اطلي به اوراق ذاكرتي عندما يجتاحني الحنين....
.
.
.
هلو حبايبي 😘😘 أولا أشكركم على تفهمكم تأخيري عن النشر وثانيا أشكركم على تعليقاتكم الحلوة مثل روحكم..
وهذا بارت حلو لعيونكم الحلوة...

أحبكم كووووومات😘😘
.
.
.
هيام...

الالم مدى اتحمله الممرضات والدكتور يحاولون ينظفون ويعقمون الحروق
إلي صارت عندي...

أحس روحي كاعدة تطلع مني وعياطي
وبجيي ماله والي...

واسمع برة صوت مثنى وبابا واختى ام وليد وية صوت علي وعمتي..

سنان....

سنان طلع الطبيب وهو يسب ويغلط
علينا وكال...منو زوجها؟؟

جاوبته...اني
كال....المريضة تشكى من حروق من الدرجةالاولى ببعض المناطق بجسمها ومناطق اخرى اخف بيها الحرك بس اكدر اكوللكم تشوه جسمها بشر الي دار الماي عليها وكوله اتشوهت الأبنية خلي يرتاح😠.

هسة انطيناها مورفين علموديسكن الالم الي عدها وماتحس بيه حتى فروة الرأس متأذية شنو إلي كلبت الماي جانت عمية خوما عمية...

بهاي الكلمات مال الدكتور هجم مرة ثانية مثنى علية وعمي يتحسب علينا وام وليد تعدد علينا وتتلاسن وية امي..

واني دموعي تصب عليها أشوهت حبيبتي من وراية حتى مااحس بضربات مثنى إلي يوجهها آلية استاهل أظل اكول استاهل...

مثنى....

جنت ببيت عمي كالعادة كل جمعة اروح انتظر بلكي تجي واشوفها

ماكو حرمها من الجية لبيت أهلها النسوان كل جمعة ببيت اهلهن وهيام من دون النسوان حظها اسفل السافلين مثل حظي إلي ماجمعني بيها...

فإني جنت كل جمعة اروح فى سبيل اشوفها لعل وعسى...

وجان يجي لعمي اتصال من الحقير سنان شفت عمي تغيرت ملامح وجهه ووكف على حيله

وكال...شلون ويمتى...هسة باي مستشفى؟ ...

گلبي نغزنى على هيام...عرفت صاير بيها شي...

عمي كال يلا كوم مثنى أخذنا للمستشفى هيام يكول سنان احتركت بماي فاير ...

اتخبلت ماصدكت الي سمعته وعيونى كامت ماتشوف توعدت لسنان الا اموته اليوم خلاص اكيد همة حاركيها ولة هيام ماتسويها بنفسها.....

أم وليد جانت يم عمي هم صعدت ويانا رحنا للمستشفى...وصلنا شفناهم واكفين بالممر وهيام عياطها واصل للسما والممرضات والأطباء مخبوصين...

بس شفت سنان كدام عيني....ركضت عليه ونزلت دك بوكسيات وهو ولا يتحرك و اخوه يريد يفاككنا ...