امرأة في الاربعين

البارت ٨

مساء الخير والورد عليكم 😍😍

كل عام وانتم بالف خير وسلامة ومن العائدين دوم ان شاءالله وتحقيق الأماني🙏📝...

عيداضحي سعيد 🐑🐑💞💞

ويارب دوم الافراح والاعياد لامة محمد (ص) 😍😘😘😘😘

بارت هدية لعيونكم بمناسبة العيد..

هاكم البارت 😘😘😍😍😍😍

❤

❤

❤

عندما تصبح الذكريات

مجرد بصمات

تسقط الدمعات

تموت الابتسامات

تتحول الكلمات

الى أهات

تنتحر ألاشواق مكان اللقاء....

بيننا مسافات

وعشق لاتستوعبه كُل الحروف

وأحلامٌ لاتنتهي.....

رجعت من ذاكرة الماضي على صوت بنتي الزغيرة وهي تسألنى على صورالالمبوم وتكولي:: ماما.. ماما.. منو هذولة الي بالصور وهي تأشر على صورة اني بيها و تجمعنى بأمي وأبوي واخواني ساهروباهر وبيت عمي ابوياسين وام ياسين وياسين والبنات بحديقة بيتهم بكركوك من رحنالهم..... من شفت الصورة رجعتلي ذاكرة اليوم الي سافرنا بيها لكركوك...
جنت نايمة كعدتنى ماما ساعة ب٥ الفجر
ماما.... هيومة...هيومة.. لج هيام.. اكعدي ياماما يلةكومى صلي واتريكى وخلي نبدل ونروح للكراج حتى نوصل لكركوك للظهر
اني... اي اي ماما هسة اكعد.. بس طلعت ماما رجعت نمت 😂😂
ورة عشرة دقائق اجت ماما وهلمرة مااتحركت الاكعدت ونزلت كدامها 😆
نزلت لكيت بابا كاعد يشرب چاي واخواني كاعدين نشاط وحيوية اي ليش لا طبعا رايحين يشوفون الحبيبات 😉😅
كتلهم صباح الخير☀⛅💕☀
الكل ردو صباح النور
ماما.... يلة هيام استعجلي بساع... اكلج حظرتى هدوم الج
كتلها.. اي
ماما... والصوغة مالتهم رتبتيها بالجنطة كتلها... اي
طبعا ماما جابتلهم من سوك الكاظم شوية بهارات وبخور...وعدها قطع اقمشة هواية امي مامخيطة جان الهن واهس نسوان گبل يجمعن بقطع اقمشة من زمن الخيرمو زمن الحصار يمكن ظلينا سنين الحصارنخيط منهن وماتخلص وبيبي هم نفس الشي كنتورها جان متروس نصفط ونعدل بيهن كل مرة لماما وبيبي بكناترهن جانت احلى شغلة النا اني وماجدة 😅
عاد حطتلهن ماما من الليل قطع اقمشة لام ياسين وبناتها... ودشداشة جاهزة جديدة اخذها بابا لابو ياسين وقميص لياسين اخواني جابوله على قياسه...
العراقيين متعلمين من يسافرون لكرايب الهم حتى لو محافظات ياخذون صوغة(هدايا) كعربون محبة...
كملت صلاتى وبدلت لبست تنورة طويلة ضيكة سودة بس مفصلة على جسمى ومن ورة بيها فتحةوبلوزةسادة خردلي لونها وكب جوزي عليه ماما مخيطته من بطانية عسكرية جان يجيبها اخوية ماهر من الكلية بزمن الحصار العراقيات تفنن بكل شي خيطته ماما بشكل ماجان يبين عليه مخيط لاعبالك جاهز بحيث ماجدةجانت هم عدها تلبسها بالدوام يظلن الموظفات يتؤسلن بيها يجبن لماما حتى تخيطلهن مثلها بس ماما صح جانت خياطة بس من كبرت وتعبت رجليها من الخياطة بابا منعها تخيط للناس بعد فجانت ماتقبل بس النا تخيط 😍