امرأة في الاربعين

البارت (٢٠)

الماضي عبق لايرحم ولا يرحل برحيل ساكنيه،

بل يظل يحرس صاحبه مع الألم ومرارة البعد

والفراق . وحلاوة ايام  مضت تقف مشدوهآ

أزاء العمر الخالي ولا نجد ما نعبر  به سوى

الإنصات لكلمات فيروز وهي تغرد ؛

من عز النوم بتسرقني .. بهرب لبعيد بتسبقني

يا حبي صرت .. بآخر أرض ..

عم أمشي و تمشي فيي الأرض .. لوينك بعدك لاحقني...... #نورا
.
.
.
.
هلو حبايبي 😍😘😘
.
.
مرت الايام والشهور بروتين عادي...

وصلنا لسنة٢٠٠٢

كل الي يتقدمولي... من بعيد... وكلهم مابيهم

خير الي متزوج ويريدني زوجة ثانية...

والي يريدني شايب ارمل ولده كبروا يريدني

ممرضة اله 😏

والي يريدني للخارج وهذاشي جان يرفضه

بابا لان ناس اهنا بالوطن وماتنعرف انوب

للخارج...

فجان الرفض الهم من الباب حتى قبل لا

يتفضلون عدنا 😊.

واني جنت مرتاحة على هلوضع... وجان اكو

ناس ثانيين هم مرتاحين وساكتين على هلوضع

اكيد عرفتوهم... 😊

اي... اي... مثنى.. وسنان.  

مثنى كام يزورنا بحجة يسأل على بابا...

وهم يحاول وياي...

بس اني قفلت..(دماغي دماغ الكزمة القديمة على كولة الاخوان المصريين 😅).

وسنان هاذي السنة الاخيرة اله للتخرج...

وليد اتخرج قبله بسنة بس هو بسبب وفاة

والده آجل سنة...

صار السائق الرسمي الي ولبابا وين ما نريد

نروح جنت ماانطيه مجال ابد...

لكن مرة جابلي كتاب من والداه الله يرحمه

عن رواية الايام لطه حسين... كنت احب

المطالعة ووليد كاللي ابو سنان عنده مكتبة

جبيرة ببيتهم بس للكتب...

فكتله استعيرلي منه كتب... فجان كايله

وليد..

. بيوم جنا نريد نروح للطبيب لان بابا صحته

كامت تسوء يوم عن يوم...

اجى  ورانا سنان حتى ياخذنا... جان يطلع

الكتاب وينطيني اياه واتشكرته واني اخذه