امرأة في الاربعين

البارت ٦

خريف سنيني ورگه اتسابك بورگه

           ادور بروحي غير هموم ما الگه

ماكلني الوجع وبروحي لمة ااخ

           بس اضحك جذب والوادم مصدگه...

.
.
هلو حبايبي.. شلونكم 😘😘😍😍
.
.
.

جنت اغسل مواعين بالمطبخ وبيبي كاعدة بالحديقة  تتشمس لان زين لعظامها... انفتحت بابا الگراج باوعت من شباك المطبخ جان مثنى لان محد يفتح بابنا هيج الا اذا من عدنا...
دخل سلم على بيبي وباسهامن راسها... وكعد يمها يسولف... بس مايشوفني  من الشباك بس اني من شفته دخل  كمت اصب عرگ وارتباك صار واضح علية 😁.
ودعيت من ربي لا اصيحني بيبي... وجان اصيحني بيبي وتكول... هيومةجيبي  كلاص ماي لابن عمج...خرب هواني مستحيةمنه من ورة بوسته الي... ومن صفحة سالفة زواجه مني الي يريد يفرضها علية...
وكفت اخذت نفس  عميق وزفرته وغسلت وجهي لان خدودى صارن نار يشتعلن من الخجل..
ترست دولكة ماي بارد واخذت وياه كلاص وطلعتلهم للحديقة.. هومن شافني طلعت من باب المطبخ عدل كعدته  وكام على حيله وصلت يمهم سلمت عليه واني مدنكة عوداصب ماي بالكلاص...
انطيته وردت اروح للمطبخ بيبي كالت... هيومة ماعون فواكه جيبلنا... كلت بكلبي خرررب بيبي اليوم رايدةاتجلطني... كتلها حاضر...
رحت  دخلت المطبخ ووكفت اباوعله من الشباك شفته يكلم بيبي وعينه على شباك المطبخ...

ارتبكت من دخلت المطبخ كمت  فتحت الثلاجة ادور الفواكه دخت نسيت شكلهن واني افكر وبالي مشغول من جيةمثنى هلوقت موعادته.. واذكرت الي صار البارحة بليل...

اخذت الفواكه... والماعون يهتز بيدي خليته ع طاولة كدامهم بلا مااحجي شي ولا اباوعله...
ورحت للمطبخ رجعت شفته من الشباك جاي وراي...
دخل باوعلي  وراح للسنك  وغسل ايده عرفت جاي بحجة يغسل ايده..

ردت اروح اطلع من المطبخ  مد ايده ولزمني وشبكني بحظنه حيييل...
همس باذني... حرام عليج منمت البارحة ليش هيج اسوين بية!!. والله أحبج احبج .

دفعته وكتله... مثنى بيبي برة شبيك تخبلت ترا اكول لبابا عليك...
رجع سحبني اله رغم مقاومتى اله وهمس... ياريت كولي لعمي حتى بلكي يستعجل بزواجى منج
ترى عمي يعرف وحجيت وياه بس كال اني اكلمها اصبر.. بس تدرين اني مااتحمل اصبر  وصارحتج هاااا فكرتى بليل؟!!

اني... اي فكرت... (قررت العب عليه واحرك گلبه مثل ماحرگ گلبي بوكتها واتزوج بدون سبب وردت اكسب وقت).
مثنى... اي وشقررتي 😍.؟؟؟
اني... خلي نخلص من زواج ماجدة عود وراها بشهر تعال اخطبني.
مثنى... صدك حبيبتى 😍
اني ...اي بس مثل مااتفقنا ورة زواج ماجدة فهمت.. 😌
مثنى... اويلي مااصدك..
اني.... بس قبلها اريدنتفق على نقاط ونحجي بيها..
مثنى... ماشي يمتى ماتريدين اجيج و نحجي..
اني... لا موهسة موكتلك ورة زواج مجو..
مثنى وبنفاذ صبر..... اي عرفنا ورة زواج نعال افتهمنا يااابة.
اني... شنوو😠ليش تقلل احترام.
مثنى... العفوا العفوا اسف جنت اتشاقى شبيج صايرة ماتتحملين. 😅
اني... اي اتعدل احسلك يلة بلا مطرود اطلع برة هسةبيبي تكول وين راح.
مثنى... اكوللها جنت يم الگمر ونسيت نفسي..