امرأة في الاربعين

البارت٩

وأحيانـاً لا نحتـاج لشـيء #ڪبير ليبهجنـا

فقـط #قـرب البعـض مـن أرواحـنا #يسقـي

يومنـا الجـاف #وتزهـر فيهـم قلوبنـا..😔😔

#صباح الخير

بارت قصير للسهرانيين فديتكم😘😍

.
.
.
واحنا بالطريق حاطة راسي على جامة شباك الباص ورايحة ببالي للساعة الي اتحظرنا بيها نرجع لبغداد...
صعدت ابدل ورة الغدة بس بقلبي فرحة ماريد انطيها لاحد بثينة وسمر صعدن وياي...
اجتنى بثينة شاورتنى
كالت ...ياسين يريد يدخل لثواني بس يودعج
كتلها... اي خلي يجي
كالت... مو.. مووو..
كتلها... مو شنو احجي كولي...
كالت... لوحدكم يريداحنا نطلع..
كتلها... لاعفية ماكدر واذا امي عرفت تموتنى واخواني 😱
كالت... شبيج قابل راح يأكلج ... وثم امج كملت وجوة كاعدة هي وابوج ينتظروج واخوانج راح نروح نودعهم احنا هم😊
كتلها.. لعدخلي يجى بسرعة عفية لان كملت اني لازم انزل...
كالت... هسة.. والتفتت لسمر اختها كالت نزلي يلة
ونزلن وسدن الباب وخلني وحدي وكفت يم الشباك اباوع لحديقتهم وماحسيت الا بواحد خله ايده على كتفي التفتت لكيت ياسين وهو يهمس حتى لحديسمعنا
وكال برجفة وهو يبلع ريگه وعيونه بنظراته الي تشتت كل كيانى وروحي من اشوفه... هيام اااااحبج من اول نظرة شفتج بيها واني أسعد أنسان لان خطبتج وصرتى الي ديري بالج على نفسج لان گلبي يمج صار.. ولزم ايدي اليسري وباسها رجفت من حط شفايفه على بشرة ايدي وكزبرت... وكمل كلامه ورة قبلة ايدي و
كال... حبيبتى عرفت ماراح اكدر اودعج كدامهم لهذا طلبت اشوفج لوحدنا احبج نبض گلبي مودعة بالله وربي يحفظج الي وابتسملي وطلع وسد الباب وراه واني مثل الصنم ظليت واكفة مااعرف شكوللكم عن مشاعري بذيج اللحظة ومااعرف أعبر عنها بس الي مر بنفس حالتى أكيدراح يعرف شعور سعادة گلبك بقرب الحبيب اي الحبيب... اي حبيت ياسين حبيته
لا موحب عشق... اعتبرت مثنى بحياتى مو حب لا حب غلط لانسان غلط ماجان يستحق ذرةحب مني...
ظليت لازمة ايدي واشتم بيها واتنفسها لان عطره جان بيه اه ياعطر الحبيب وغمضت عيوني وكمت ابوس المكان الي حط شفايفه به
وانى غركانة بمشاعري اجت بثينة اشوفها بس سرحانة بياسين وصافنة بوجهها وهي تكولي كملتى امج تستعجلج... وهمستلي هااا شفتى ياسين...
جريت نفس مثل الي غاط بنومة عميقة ومايريد يصحى منها وجاوبتها... اااي.. ااي شفته وحظنت بثينة وحطيت راسي على كتفها وكلت.. اه بثينة هيج اخوج محبوب لوبس اني دا اشوفه هيج؟
ضحكت بثينة وكالت... هههههه لا عيني هو اخوية محبوب وينحب وكل البنات لعلمج تتمناه اهنا بس هو وكع بوحدةبغدادية حلوة خطفت گلبه من اول نظرة👀 وبهذلت احواله وخلته مايصبر وخلال شهر طلب يخطبها😉
وهاي البغدادية هسةاذاماتنزل جوة امها تصعد وتشوفها ليش اتأخرت وتلكى بنتها تحجي عن الحب ويصير ذبحج حلال لان مبين امج صعبة اويلي عمتى راح تمشينا ع العجين😂
ضحكتنى كتلها والله صدك هي صعبة بس اطمئني روحها بالدنيا اخواني يعني راح ادللجن لخاطرولدها ولوهي حبتجن 😉فلاتخافين طبطبت على كتفها وكتلها يلةننزل اتاخرت.
نزلنا وشفت الكل واكفين برة بالحديقة وياسين بيده كاميرا وكاعد يصور بالاهل بحديقتهم جان يوم مشمس وحلو من اواخر ايام شهر تشرين الاول...
طلعت للحديقة خالتى ام ياسين كالت... وهاي هيام اجت خلي نوكف كلنا وناخذ صورة جماعية للذكري..
وكفنا كلنا وزمن اتبرعت تصورنا وكفت اني يم ماما وبابا وبصفي خالة وعمو والبنات بثينةوسمر ومن جهة بابا وكفوا الولد ياسين واحمد اخوه واخوانى عدة لقطات صورتنا زمن على هلوكفة وحدة من اللقطات اني مبتسمة للكاميرا وياسين شبه ملتفت يباوعلي صفح وبوجهه ابتسامة ونظرة بمليون نظرة تسوى عندي بعيونه العسلية ورموشه الطويلة.....
(هاى اللقطة هي الي عندي 😞)
ورة ماكملنا تصوير ياسين جان مقرر هويوصلنا للگراچ بعدالتوديع والسلام صعدنا بالسيارة صرت اني ورة كرسي ياسين بالسيارة وماما بصفي واخواني بصفها وبابا بالصدر... طول الطريق جنا نسرق نظرات سريعة على بعض ماردت الطريق يخلص وتمنيت هو يطلع بينا لبغداد...
وصلنا الگراچ ونزلنا ونزل ياسين ويانا ووكف ينتظر لحدمايقبط الباص ويطلع طبعا طول ساعةونص حتى قبط واثناء انتظارنا هومااتحرك من يمنا ماما ماتتحمل الوكفة هواية كالت تعاي نصعد اني وانتي صعدنا اني وياها وياسين صعدويانا حتى يشوف مكان كعدتنا وين ردنا نكعد بالوسط وكعدنا وبعدنا تونا نرتب مكان جنطنا شفنا طلاب كلية العسكرية يعني ضباط صعدوا وسلموا وطبوا حطوا جنطهم بالكراسي المقابيلنا اني وماما ياسين كام يتوتر لان الشباب جانوا يلتفتون ويباوعون علينا..
كال لامي... خالة تعالوا كعدوا ورة السايق بالكراسي الگدام احسن حتى نزلتكم اسرع اخواني هم كالوا اي والله احسن...
وماما هم كالت... صدك صح كلامك احسن يمة... وكامت ماما على حيلها واني من كمت اتحرك وبدون قصد والله اجت عيني على الشباب الضباط... واخواني مشغولين ياخدون جنطنا لكدام مامنتبهين علية بس ياسين منتبه علية خزرني بنظرة وهمسلي امشي كدامي مشيت واني الوم نفسي بسري واكول غبية الا الا افشل نفسي كدامه هسة شيفهمه اني ماجان قصدي اباوعلهم بس عيني اجت عليهم بدون قصد 😣😩
دخلت كعدت يم ماما وبابا وساهرورانا وباهر وراهم وية رجال كعد