**احببتك خارج الوطن**

الحلقة الثانيه

لا احلل النشر لا دنيا ولا اخرة
**احببتك خارج الوطن **حلقة2
للكاتبه*سونيا ايلين*

جداي :لاه ياوليدي مسمي بنتك سيبانا
صبحيه: باش تكبر تولي قمله نسرافه زي امها😅😅
سامانتا :سمويل شن معنى قمله
اسماعيل حليها توا يا صبحيه😒
سالمة: معناها نوع من الزهور
سامانثا :اووو سبحيه انت كيوووت
صبحيه: ههه مفهمتش لكن يلا
سامانتا: صمويل وين الغدا جعت
اسماعيل: حطونا ناكلو خلي نرقدو
جداي :فزي منك ليها
ناضت امي ونسون عمامي يتجارو للمطبخ

شويه وحطو الغدا طبعاجو رجاله بروحهم ونسون بروحهم
سامانتا: صمويل وينه
جداي: خلاص بنتي كولي توا
سامانثا :سامويييل come
اسماعيل :خيرك سام
جداي وليدي مرتك قداش ليهة صايمه من بكري تقول صوم ويل
اسماعيل: ههه كولي سام😓😓
سيفانا: هدا شنو
جداي :هدا بازين توا يومين ونبدو ناكلوه من يدين سامانثا
محضيه: زعما
سيفانا: هدا كيف يتاكل
جداي: هكي وخشت فيه طول وعرض
سامانتا:no no noظوافري
جداي :جيبولها قلامه
سامانثا: لا مش بنقص قصدي يتمسخو
سالمه :اسم الله ياحنه
محضيه: كان يخلوني عليك راسك نديره مرقه لحم راس

جمعه :بالله وين لقيتها الطرف بس
اسماعيل: يضحك حلوه صح
فرج: يا بهيم خايف تبعتلنا زياره نشوفو النسون غادي
جمعه: زيارة شن يلي زينا يبي اقامه
سالم: كول انت وياه وسكتو

قصي...بوي واخد امي عن حب يعني كانت اخت صاحبه وشافها كدا مره بحبها ويحترمها ...لكن عمامي تزوجو قطوس في الشكاره ههه ويخااافو من نسونهم

تغدينا وكملنا الغد والبنات غسلو الماعين
سلاف: شفتيهم كيف
سهام: يهبلو شعر وجسم وجمال رباني
كريمه :ايح اجانب وكله كوم وجداي قالت زي عمي تفجرت من الضحك
سلاف: كريمه توا بجد قصي بياخد سيفانا
كريمه: الله اعلم ياريت الحق طرف

العشيه جو جيرانا يسلمو ع عمي والنسون يتفرج ع عيله عمي😂😂😂
عمتى المرا جارتنا :هدي كنتك زهره
جداي :تبي الحق غيرو دبشهم معاش عرفت اما وحده كنتي
عمتي المرا :ناديها
جداي: نسيت اسمها ااا تقريبا مصننا مصننا تعالي جاي
محضيه: ههه سامانثا تعالي سلمي
سامانثا: اهلا جداي
عمتي المرا: جداك شنو بيناتنا سبع سنين كان مش
اقل😒😒
محضيه:غير زيدي ركزي مرات تطلعو نداد😁

في الليل..
عمي اسماعيل: الحمد لله سفره دايمه
جداي: صحه وليدي عيلتك مكلوش قالو ميتعشووش
عمي اسماعيل :اي صحيا مش باهي العشا
عمي جمعه :محضيه شن رايك نديرو زيهم بالك تنقصي😓😓
عمتي محضيه: بهمس شن رايك تسكر فمك😠
عمي جمعه: ههه نبصر حتى هكي عسللل
سامانتا:صاميل خلاص تعبت
جداي: وليدي مرتك تغدت ومن بكري تقول صوم ويل
عندها الحق قداش ليهاصايمه
قصي وناصر والبنات ههه
ناصر :هدا اسم الدلع
قصي:اسماعيل بلانجليزي صامويل
عمتي محضيه: وجمعه شن زعما😊
ناصر: فرايداي ههههههه😂😂😂
عمي فرج: متشرك من الضحك واني بلانجليزي بالك خواندانيل😂😂😂
عمتي محضيه :واني اني بالك كاساندرا
سلاف :امي اسكتي انتي حتى بالاسباني معنداش معنى😒😒
اسماعيل: هيا وين دارنا نبو نرقدو
جداي؛ هوني جمعه عطاك جناح في حوشه
محضيه: 😨😨😨😨هو حوشنا كله جناح وجناح وشواشة
جداي:الضيق في القلب وبعدين ماهو معنداش ولاد باش ياخد النسون راحتهم
جمعة😍
محضيه: راحةشنو جمعه وحني مقعمزين منحاش عيونه من عليهم🤒

طبعا روحو في حوش عمي جمعه ومحضيه تدعي وتسحسح
ناصر: هيا يا امريكي
قصي: ههه
ناصر: يوم.من الاخيير
قصي: تعب صافي
ناصر : شن عجباتك البنت والله غزاله خشت خاطري
قصي: تحشم عاد
ناصر: قاعد مش خطيبها بنت عمي وبنتغزل في جماله عسل
قصي :قول لجداي تخطبهالك
ناصر: اتكا جنبه خيرك مش عاجباتك
قصي :تي البنت حلوه مازال متعرفتش عليها

حوش عمي جمعه...
محضيه : الله لا يربحك وتمسح في العرق😭😭
جمعه ...😓😓😓
محضيه : هما تكيف وسرير واني راقده في الممر
جمعه :باهي رقدتي بحدا سيبانا
محضيه: بنت القمله متبيش حد معاه حتى سلاف لزتها عند عمها..حوش بوها ماهو
جمعه :معليشي
محضيه: قداش بيقعدو ربي يفوت الليله ع خير وتمروح بيديها
جمعه: لين يروحو😓😓
محضيه :😨😨😨شن هوااااا
جمعه :معليشي يا غاليه
محضيه :تو نمشي نخبط عليهم يفتحو الدار بالك تجينا نسمه من المكيف
جمعه :تحشمي يا مرا مرات عندهم برنامج
محضيه؛😒😒برنامج شن يامتاع البرامج هدي عزوز معظمه منين بيبدا فيها مش عارفه ومشت
جمعه: والله انتي العزوز منين بنكملك من السمن معرفتش
محضيه: قال برنامج حق ..اكيد مروحين من السفر تعبانين
طق طق
اسماعيل :منووو
محضيه :اني ااا نبي سامنثا
اسماعيل: تمام
وقفت قريب دقيقه وبعدين تفتح الباب
محضيه:😨😨😨
سامانثا :شنو حموضه تبي حاجه
كانت لابسه روب احر قصير وفاتحه شعرها
محضيه :تمروح لا غيراا قبل نبيك تفتحي الباب باش تجينا نسمه نو الحق😭
سامانثا:اووو sory طلعتك من دارك بس صعب نفتح الباب اني واسماعيل .... انت مرا واكيد فهمتي قصدي من الصبح بعاد ع بعض اول مره من زواجنا
محضيه :ااا به
سكرت سامنثا الباب وتحسرت ع حضي اني اخر مره كانت يوم حملت بسلاف يعني عشريييين سنه
جمعه :خيرك اتمتمي
جاته محضيه غوله وفي يديها غربال
محضية:علاش ماتجيش شوري
جمعه: خيرك بسم الله
محضيه :شن مش عاجبك فيا الجماعه غارقه قي العسل شوووف خوك كل ليله واني من عرسي stop
جمعه :ههه بديتي تتكلمي انجليزي هدوكم الاجانب يحبو الجو وحني اهم شي العشره والبازين
محضيه :نووووض من بحداي
جمعه: وين بنمشي
محضيه: ارقد في القاراج
كانت هدي اول ليله يا ترا صامويل 😂😂بيغيير حاجات تانيه فينا....يتبع